WARARKA TODOBAADKA EE SOOMAALIYA.

 

»Gudoomiyaha baarlamaanka oo diray baaq nabadeed.

»Xubno ka mid ah dowladad oo sheegay in baydhabo itixaad qabsaday.

»Xidhibaan black oo ku eedeeyay dagaalada baydhabo dowladda.

Gudoomiyaha baarlamaanka oo diray baaq nabadeed.

 

Gudoomiyaha baarlamaanka Somaliya Shariif Xasan Sh.Aadan ayaa maanta u diray baaq nabadeed dhamaan qaybaha isku haya soomaaliya in ay joojiyaan, waxa uuna ugu baaqay dadka ay dagaaladu ka dhexeeyaan in ay gartaan maslaxada nabadana ku dadaalaan.

 

Lix Qof oo Ku Dhintay Dagaal ka Dhacay Baydhabo Shir ay Gaalkacyo Ku Yeesheen Beelaha Cayr iyo Saleebaan

Baaqa gudoomiyaha ayaa ku soo beegmay xili ay dagaalo ka jiraan qaybo ka mid ah dalka soomaaliya qaarkoodna ay ka dhexeeyaan xildhibaanada iyo dowladda FKMG ah ee soomaaliya, kuwaas oo ka soconaya magaalada baydhabo iyo nawaaxigeeda. halka kuwo kalena ay ka socdaan gobolada dhexe ee soomaaliya gaar ahaan deegaamo ku dhaw Gaalkacyo iyo Hobyo.

 

Gudoomiyaha baarlamaanka waxa uu intaas ku daray in dagaalada iyo khilaafyadu ay soo kordhinayaan kaliya barakac iyo xasilooni daro iyo maatada oo ku dhimata,waxa uu kula taliyay qaybaha dagaaladu ay ka dhexeeyaan in ay si dhaqsa ah u joojiyaan iyagoo fiirinaya qasaaraha laga helayo dagaalada.

 

Shariif Xasan Sh.Aadan ugu dambayn waxa uu baaqan nabadeed gudoomiyuhu gaarsiiyay waxgaradka soomaaliyeed ee ay dagaalanadi quseeyaan in ay wadahadal ku dhameeyaan isna cafiyaan si loo helo xal iyo nabad ku wada noolaasho dhex marta dadka soomaaliyeed ee walaalaha dhiigoodana sharci darada lagu daadinayo.

 

Xubno ka mid ah dowladda oo sheegay in baydhabo Al-ixtixaad qabsaday.

 

"Waa in aynaan kuxiraan in aan akhbaarta keliya ka qaadano Itoobiya kuwaas oo inkasta oo ay saaxiibadeen yihiin haddana waxay wataan qorshe iyaga u gaara oo aan caddayn, waxayna kabadbadiyaan khatarta." sidaas waxa yiri Ken Menkhaus, oo professor sare ka ah Davidson College, USA, kaas oo ku takhasusay Soomaaliya iyo dhaqdhaqaaq yadeeda Islaamiga ah, islamarkaana  lataliye xagga siyaasadda uga ahaa hawlgalkii Qaramada midoobey ee Soomaaliya, marka uu hadalkaas yiri waxay ahayd talaado November 27, 2001 asagoo ka hadlayey kulanka Carnegie Endowment for International Peace symposium (Washington, D.C.) oo looga hadlay Afrika, Islaamka iyo argagixisada "Africa, Islam, and Terrorism". www.somalitalk.com/baaris/

Dagaaladii ka dhacayay baydhabo ayaa wararka sheegayaan in ay soo kala dhex galeen maliishiyaad ka socda ururka samata bixinta oo ay ku jiraan dhowr siyaasiyiin oo meelo kala duwan jooga si ay ukala dhex galaan qaybaha dagaalku ka dhaxeeyo ee isku haya magaalada baydhabo iyo meelaha ku dhawba.

 

Siyaasi u hadlayay Xaasabsade laguna magacaabo Aadan saransoor ayaa sheegay in maliishiyadooda ay iska caabiyeen kuwii ka soo horjeeday meelo badana ka qabsadeen waxa uuna intaas ku daray in ay ka saareen goobo badan oo magaalo dhexdeeda ah kana qabsadeen nabadgalyana ay ku soo celiyeen.

 

Balse warar aan la xaqiijinin ayaa sheegaya in xoogag ay isku xulufo yihiin xaabsade in gacan siiyeen ciidamada xaabsade dagaalkana la galeen  sidaasna dhinacii kale magaalada looga qabsaday,Aadan saransoor ayaa arrintani beeniyay isagoo ku tilmaamay in maliishiyaadka indha cadde ay ugu yimaadeen dhexdhexaadin dhinacoodana ay ka yeeleen laakiin dhinacii kale ay diideen ciidamadii indha caddena ay sidaas ku laabteen.

 

Garabka laga qabsaday magaalada baydhabo qaybo ka mid ah siyaasi u hadlay kuna sugan magaalada Nairobi diidayna magaciisa in la shaaciyo ayaa sheegay in dagaalka ay kula jireen garabka ka soo horjeeday ee xaabsade hogaamiyo ciidamo ay leeyihiin Al-itixaad oo gacan siiyay  sidaasna ay hadda magaalad ugu gacan jirto ururka ixitaad ee uu hogaaminayo indha cadde.

 

Magaaladda baydhabo ayaa xasilan maanta kadib markii xalay uu markale ka dhacay dagaal ay ku dhinteen 10 qofood kuna dhaawacmeen in ka bada 20 qofood oo rayid ah waxaana ay wararka sheegayaan in ciidamada xaabsade ay magaalada badankeed gacanta ugu jirto,iyadoo xasiloon.

 

Xildhibaan C/llaahi Black oo ka mid siyasiyiinta baydhabo ayaa eedeey dowladda.

 

Xildhibaan ka soo jeeda gobolada bay iyo bakool laguna magacaabo C/llaahi Black ayaa  shir uu ku qabtay hotelka Chaster house maanta waxa uu ku sheegay in dagaaladda ka dhacaya baydhabo uu si gaar ah mas’uul uga yahay Ra’iisul wasaaraha dowlada FKMG ah ee soomaaliya Cali Maxamad geddi.

Prof. Geeddi oo Wareegto Soo Saaray | Maarso 23, 2005

Xidhibanka oo warsaxaafadeed uu soo saaray kaga waramay arrintan ayaa intaas ku daray in wasiirka koowaad uu keenay ajande dhan ka ah caasimada ku saabsanaa in dowlada la dajiyo baydhabo iyo jowhar khilaafkii ka dhashar arrintana uu sababay in dagaaladaasi ay dhacaan dad badana ku naf waayaan.

Shacabka soomaaliyeed gaar ahaan kuwa ku nool aaga Baydhabo waa kuwo ka soo daalay dagaalo sokeeye mana ahan inaan ku fiirsano ayuu xildhinaanku intaasi ku daray,waxa uuna ugu baaqay beesha caalamka in ay arrintan soo dhex galaan qaladka dowlada shacabka ku haysana meel laga saaro iyadoo sharciga la marinayo.

Dowlada waxaan ka sugaynay in noqoto mid wax heshiisiisa laakiin waxa ay isku taagtay ayuu yiri xildhibaan black in ay shacabka iska horkeento iskuna daydo in ay wax walba xoog ku meel mariso waana sababta keentay in ay ku xadgudbaan dastuurka u yaala u yaala baarlamaanka iyo dowladda.

Waxa uu xildhibaanku eed kulul u soo jeediyay si gaar ah Ra’iisul wasaaraha iyo dowladdda uu madaxda ka yahay waxa uuna ku tilmaamay cadawtooyo wayn mid shacabka kala dhex galisay walaalaha ah,dowlada waxa uu ku sheegay in ay tahay mid dib u heshiiseeneed ee aysan ahayn mid dagaal waana in ay dowladdu sidaas u garataa kana soo baxdaa waajibaadka saran.

 Warsaxaafadeedkan oo aad u dheeraa waxa uu guud ahaan ka hadlayay eed uu xildhibaankan usoo jeediyay dowladda si gaar ahna ugu xusay Cali maxmad geedi wasiirka koowaad in uu keenay dagaaladan ka dhacay soomaaliya. 

Sheikh Xasan Dahir Aweys oo ka soo horjeestay Ciidamo la geeyo soomaaliya.

Shiikha ayaa diidmo qayaxan kaga horyimid gabi ahaanba ciidamo shisheeye oo dalka soomaaliya cag dhiga,waxa uuna shiiq aways ku tilmaamay ciidamadaas hadii ay dalka yimaadaan in ay sababayaan dhibaato ka xun tan hadda ka jirta dalka soomaaliya ee xalkeeda la isku afgaran la'yahay.

Shiiq daahir xasan aweys oo ka mid ah culumadda soomaaliya gaar ahaan kuwa mogadisho maxaakimta ka jira gacanta ku haya waxa uu digniintan diidmada ciidamada ah jeediyay kadib markii ay wasiiradda IGAD go;aamiyeen in somaliya loo diro ciidamo ka socda wadamada sudan iyo uganda oo wajigooda koowaad kaga howl galaya soomaaliya ay uga qayb qaataan ciidamada nabad ilaalinta ka caawin doona dowladda inta ay ka helayaan ciidamo ay iyagu leeyihiin oo sugga amigooda iyo goobaha ay maamulaanba.

Horay waxaa ciidamada safka hore khilaaf gacmaha la iskula tagay ku ansaxiyay in aan la keenin dalka soomaaliya xildhibaanada baarlamaanka intooda ugu badan,ujeedadooduna ma ahayn in ciidamo guud ahaan laga maarmo ee  waxa ay qabeen una codeeyeen in aan safka hore la keenin soomaaliya,sidaas ayaana lagu ansaxiyay.

Sheekh Xasan Daahir Aweys "Wanaagga dadka Soomaaliyeed ayaa igala muhiimsan danahayga gaarka ah"... Guji...

Waxaa la filayaa in bisha April ee nagu soo aadan dalka loo diro ciidamada wajiga hore oo ka imaanaya dalka ugandha kadiba dalka suudaan,waxaana ay hadda howshooda qalab iyo sahayba iskugu jirta u diyaarinaya guddi loo saaray oo ka mid ah wadamada IGAD,ciidamada lama sheegin halka ay soomaaliya ka dhigayaan lugtooda ugu horeysa laakiin waxaa la filayaa in ay la dagayaan magaaloyinka ay dowladu go;aansatay una codaysay in ay kala howlgalaan oo ah baydhabo iyo jowhar,laakiin waxaa la rumasan yahay in sida ay ciidamadi ku yimaadaan ay adag tahay.

Shiiq xasan daahir awayn oo xiliga uu bixinayay warkan uu kaga soo horjeedo ciidamada ka soo laabtay safaro dalka soomaliya gudahiisa ah soona hirgaliyay maxkamad islaami ah oo ku taala gobolada dhexe ayaa aad ugu canaantay dadka soomaaliyeed in aysan aqbalin ciidamp ajnabi la keeno soomaaliya.

Sh.Aways waxa uu intaas ku daray in ay la dagaalamayaan hadii dalka la keeno ciidamo ajnabi ah meeshii la doono halaga keenee,waxa uuna sheeqa soo qaatay waxii ay ciidamadii maraykanku gaysteen iyo dhibkii dhacay xiligas oo ay ciidamo ajnabi ahi abuureen,sidoo kale waxa uu wadaadku wax lala yaabo ku tilmaamay warkii ay sheegeen guddigii xaqiiqa raadinta ahaa oo yiri soomalidu waxa ay rabaan ciidamo ajnabi ah meel walba oo ay ka yimaadaan.

Ka sokow diidmada wadaaadka ciidamo la geeyo soomaaliya waxa horay u taageeray shacabka soomaaliyeed ee ku nool mogadisho iyo meelo kale oo sheegay in ciidamo ajabi ah aysan rabin.