- Mudaharaadyada ay Muslimiintu kaga
soo horjeedaan aflagaadada loo geystey Nebi Muxamed NNK oo Sii
Xoogeystey kuna Fidaya Daafaha Dunida...
- Ra'iisal wasaaraha Denmark:
Xoghayaha arrimaha dibada midowga Yurub ayaan u dirayaa dalalka Islaamka
- Ninkii ugu horeeyey oo Denish ah oo
dacwad ku soo oogay wargeyska Jylland- posten
Mudaharaadyada ay Muslimiintu kaga soo
horjeedaan aflagaadada loo geystey Nebi Muxamed NNK oo Sii Xoogeystey
kuna Fidaya Daafaha Dunida...
- AFGANISTAN: Waxaa iska hor
imaad dhex maray muslimiin ka caraysan sawir gacmeedyada lagu
aflagaadeeyey Nebi Muxamed NNKH iyo ciidamada NATO ee ku sugan
Afganistan. Iska hor imaadku waxa uu Talaadadii ka dhacay magaalada
Maymana, oo ay joogaan ciidamo
ka socda Norway, Finland, Latvia iyo Sweden. Waxaa halkaas lagu
toogtey saddex qof oo kamid ah dadkii mudaharaadayey, waxaana
toogtey ciidamada Afganistan iyo Norway sida uu sheegay
Sayed Aslam Ziaratia oo ah sarkaal
boolis ah. Waxaana halkaas ku dhaawacmay 22 qof. Waxa kale la
dhaawacay shan ciidamada reer Norway.
-
 Ilaa hadda tirada dadka
ku dhintay mudaharaadyada waxay maraysaa 10 qof, oo ku dhinatay
Afganistan, Soomaaliya iyo Lubnaan
- INDONESIA: Dadka u shashay
Denmark ayaa lagula taliyey in ay ka baxaan dalka Indonesia oo ah
dalka ugu Islaamka badan dalalka Adduunka.
- PAKISTAN: Mudaharaadkii ugu
xoogga weynaa waxa uu talaadadii ka dhacay dalka Pakistan halkaas oo
lagu gubey sawir laga sameeyey tifatirahii daabacay sawir
gacmeedyada lagu aflagaadeeyey Nebi Muxamed, waxa kale oo la gubey
sawir laga sameeyey ra'iisul wasaaraha Denmark. Waxana ay dad lagu
qiyaasay 5,000 oo qof ku dhawaaqayeen "hala daldalo ninkii caayey
Nebiga".
- MASAR iyo JORDAN: Kumanaal
qof ayaa mudaharaad ku dhigay dalalka Masar iyo Jordan, dadkaas oo
dalbanayey in la qaadaco waxyaabaha ka soo baxa Denmark, xiriirkana
loo jaro. 10,000 oo qof oo ay ku jiraan Arday ayaa ku banaanbaxay
Jaamacadaha Qaahira.
- FALASTIIN: Waxaa rasaas
lagu furay sawirka ra'iisul wasaaraha Denmark.
- CIRAAQ: Dabley hubaysan
ayaa ku baaqay in la soo qabto, lana dilo Danishka, lana manuuco
cuntada Denmark.
- BANGALADESH: Kumanaan
Muslimiin ah ayaa mudaharaad dhigay, waxaan amudaharaadkas ka qayb
qaatay Ardayda tirsan xisbig ardayda ee
Jamaat-e-Islami,
waxayna ku qaylinayeen "hala daldalo kii sameeyey sawir gacmeedyada"
iyo "hala mamnuuco alaabaha ka yimaada Denmark".
-
Meelaha kale oo Talaadadii ay mudaharaadyadu ka dhaceen waxaa ka mid
ah Yemen, Jabuuti iyo Arebajan.
-
Shirkada Arla ee
cuntada ee Denmark waxa ay sheegtay in ay halkii maalin khasaarto
$1.8 million oo ah alaabadeeda laga mamnuucay Bariga Dhexe.
- Isku darka sannadkii waxa ay
Denmark khasaareysaa $1.8 billion haddii ay sii socoto
cunaqabatayna alaabada ka soo baxda Denmark ee 20 dal oo Muslimiin
ah, sidaas waxaa qortay jariidada Toronto Star.
- Waa qaar kamid ah wararkii
warbaahinta caalamku ka qoreen mudaharaadyada...
Ra'iisal wasaaraha Denmark:
Xoghayaha arrimaha dibada midowga Yurub ayaan u dirayaa dalalka Islaamka
Ikraam Cali-kaar
SomaliTalk. Gothenburg- Sweden
 Iyadoo
ay sii socdaan rabshadaha ay sameynayaan muslimiinta caalamka ee
careysan kuwaasoo waxyeelooyin kala duwan u geysanaya dhamaan
safaaradaha Denmark iyo qunsuliyahooda ee ay ku leeyihiin dunida
muslinka, ayaa ra'iisal wasaaraha dalkaasi Anders Fogh Rasmussen iyo
wasiirkiisa arrimaha dibadaba shir jaraa'id ay wada jir u qabteen
talaadadii feb 7 gelinkii dambe kaga hadleen arrimo dhowr kuwaasoo u
muuqday marka loo sii dhabo galo kuwo aaney muslimiintu ka raali
ahaaneyn.
Ra'iisalwasaaruhu wuxuu sheegay inuu u
baahan yahay wada xaajood lugu dhameeyo muranka dhaliyey sawiradii
wargeyska Jyllands- Posten ee si weyn uga careysiiyey muslimiin badan. "Saxaafadu
waa xor mana kanihin mas'uul waxey qoreyso mana ahan in dowlada lugu
ciqaabo" ayuu yiri isagoo weli ku dhegan mowqifkiisi ku aadan xalka
diblomaasiyadeed ee dowladiisa laga filayey oo aan waxba iska badalin
isagoo carabka ku dhiftay in kuwa ugu yeeray kooxaha mintidka ah ee
Islaaminyiinta ay dabka saliid ku shubayaan oo ay sii huriyanaan xiisada
haatan ee caalamku la wel welsan yahay.
Dhinaca kale wuxuu sheegay in xoghayaha
arrimaha dibada midowga Yurub Javier Saluna loo dirayo dalalka Islaamka
si arrintani isaf garad caalami ah iyo wadahal looga yeesho.
Markii ugu horeysayna waxaa qadka
taleefanka ku wada xirriiray Bush-ka dalka Mareykanka iyo Ra'iisal
wasaaraha Denmark oo isagu sheegay intuu shirka jaraa'id ku jiray wuxuu
carabka ku dhiftay in dowlada Mareykanka ay taageero u muujisay jawiga
murugsan ee Dowladiisa la soo gudboonatay balse waxa uu ka gaabsaday
taageerada uu sheegay ee Bush maamulkiisa u muujiyey.
Wadama ku heereysan gacanka carabta oo
doonaya iney jiraan dhamaan xirriirka ganacsi ay la leeyihin Denmark
ayaan weli si rasmi ah iskugu afgaran waqtiga howshan lugu dhaqaaqayo.
Arrintan oo uu maanta wax ka qoray wargeyska Khaleej Times ayuu sheegay
in dowlada Qadar laga dhowrayo sharuud arrintaasi lugu fulin lahaa.
Dalalka bah wadaagta Midowga Yurub ayaa
dowlada Iiraan uga digay iney jirto xirriirka ganacsi ee ay la laheyd
dalkaasi Denmark taasoo ka dhigan iney xirriirkii ganacsi ee kale ay
bahd wadaagta goysay. Digniintan mid lamid ah ayey u jeediyeen midwoga
Yurub oo uga digay Sacuudiga ineysan arrinta loogu jarayo xirriirka
ganacsi ee Damark aysan ku dhaqaaqin, taasoo dowlada Sacuudiga ay
sheegtay ineysan aheyn mid iyadu go'aankoode laheyd.
Denmark waxey weli saaran tahay geed dheer
oo ay iskaga indho tireyso qatarta ay leedahay xiisadan haddii aan xal
diblomaasiyadeed loo helin. Ragga siyaasada kala rog roga ayaa iyagu
aaminsan in xalka iyo carrada Muslimiinta lugu damin karro ay tahay in
dowladu raali gareyn weyn bixiso haddii kale halka haatan sheekadu taalo
ay kasii durkeyso.
Ninkii ugu horeeyey oo Denish ah oo dacwad
ku soo oogay wargeyska Jylland- posten
Tan iyo intuu wargeyska xag jirka ah ee
Jyllands- Posten lugu magacaabo sawiray muuqaalo kartuun ah oo lugu
sheega iney yihiin Nabi Muxamed NNKH uu sidii bamkii oo kale u qarxiyey,
ayaa waxaa markii ugu horeeysay dacwad ka dhan ah wargeyskaasi ku soo
oogay nin denish ah oo degan gobolka Århus.
Ninkan oo si lamid ah muslimiinta
dunida u careysan yihiin u careysan ayaa dawacd ka dhan wargeyskaas u
gudbiyey wuxuuna sheegay in wargeysku gebi ahaanba u geystay danaha
dhaqaale iyo mid xirriireed ee ay dalkiisa la laheyd dunida Islaamka
dhaawac aysan kasoo kabsan karrin.
"Inaan denish ahay waan ku faani jiray,
haatanse waxaan ka qoomameynayaa inaan ahay denish" ayuu yiri ninkaasi
oo aan ilaa hada magaciisa la sheegin balse wakaalada wararka u faafisa
dalkaasi ay soo werisay. Wakaaladu waxey sheegtay in qareenka dowacda
loo soo gudbiyey oo ay dadweyne muslin ahi ay horey uga soo gudbiyeen uu
haatan ogolaaday in dacwadaasi loo gudbiyo booliska, kadib markii uu
qaraankaasi laftiisa horey uga gaabsaday qaadista dacwada lugu soo oogay
wargeyskaasi.
Ikraam Cali-kaar
SomaliTalk. Gothenburg- Sweden
Something rotten in Denmark?
|
