Maxey ku doorteen Islaamka?
Soo
islaamidii Cismaan Nilssen
- Tarjumadii:
Ikraam Cali-kaar
Waxaanu
soo aragnay qisadii gaabeyned ee ay kaga hadashay haweeneyda la
yiraahdo Aamina sidey ku qaadatay Islaamka, taaso aheyd mid aan dhib
badneyn marka loo eego kuwii iyada ka horeeyey ee ayagana aan kaga
soo hadalnay soo islaamidoodii. Haddaba waxeynu maantaqeybtan ku
saabsan sheekooyinkii taxanaha ahaa ee"Maxey ku doorteen Islaamka?"
ku eegi doona sida uu ku soo Islaamay ninka la yiraahdo Osman
Nilsson oo isaga ka
hadlaya sida uu ku qaatay Diinta Islaamka wuxuu isagoo arrinkaas
nooga sheekeynayana yiri;
Awoowgey
hooyo dhalay wuxuu ahaa nin wanaagsan oo xagga diinta masiixiyada si
weyn u aaminsanaa Illaahey raali ha ka ahaadee. Wuxuu inta badan ii
kaxeyn jiray qudbadaha kaniisada dhinac kalena wuxuu ahaa waardiyaha
kaniisadaas halkaasoo aan dhex fadhin jiray gudaha kaniisada anigoo
wax badan ka fahmin waxey ka hadlayaan. Balse waxaan xasuusta in
ereyada qaar aan dareemi jiray marka baadariga qudbadeynayo.
Nolosheyda caadiga aheyd marka dib loo
eegana waxaan iska ahaa wiil ku jiray marxalad ciyaalnimo jecel
ciyaaraha iwm. Balse waxaan weligeey doonayey inaan xirriir Illaahey
la yeesho si aan u helo furaha nolosha.
Markaan 13 jir ahaa ayaa maalin nin
odey ah oo diinta masiixiga ku adag xirriir la yeeshay,taasoo
macnaheeda tahay in anigoon hubin, nerfoos ah hadana aan aad u
da'yar aan daba kacay ninkii odeyga ahaa si bal aan u ogaado waxa
aan doonayo inaan ka helo iyo inkale. Waxaa ii xigay habeen kale oo
aan u raacay kaniisada iyadoo qof loo waqlalayey halkasoo aan
xafladii kala qeyb qaatay. Habeenkas wixii ka dambeeyey dareeno kala
duwan ayaa i galay mana garan karro ilaa iyo hadda dareenadasi waxey
ahaayeen balse inaan ku faraxsanaa ayaan ogsoonahay.
Markaa dabadeed waxaan bilaabay inaan
raadsho xaqiiqda dhabta ah ee ku saabsan Illaahey. Maxaa yeelay
dareenka igu jiraa maahan kuwo caadi ah, waxaana ogsoonahay iney
tahay arrin adag oo qaadaneysa waqti.
Marar badan ayaan isku dayey inaan
raaco waxa Illaahey doonayo iyo waxaan doonayo. Nasiib wanaag tiil
Alle ayaa timid taasoo aan guul ka keenay muddo dheerba ha igu
qaadate. Tani waxey aheyd midaan Illaahey dartiis u dagaalamay.
Macnuhu waxey tahay inaan Diinta muqadaska ah aan u raadshay
Illaahey dartiis. "Illaaheyna waa kan hannuuniya ruuxu isagu doono
e"
Xilliga wuxuu isguraba muddadaan ahaa
masiixiga baadigoobkana aan dhexda uga jiray ayey misna iiga dhegtay
fekerka FEYLOSOFIYADA taasoo iyadana aheyd mid xanuun badan. Waayo
wax walibaa waxey leeyihiin saddex Ilaah baa jira. Bal adiguba meel
u raac saddexdan Ilaahey see ay heegeen. Akhiris badan baan u qaatay
inaan fahmo waxa loola jeedo saddexdan Illaah. Qeybta hore ee
baadideyda wuxuu noqoday xoog macno la'aan ku dhamaaday.Taasoo ay
kaliftay inaan soo afjaro deganaanshihii aan la daganaa gabar aan
wada daganeyn (Living together) oo labo carruur ah ii dhashay
sababtuna waa iyadoo ay timid xiisaha aan Illaahey u qabo sidaas
aawadeed waa inaan hela nolol dhex dhexaad ah iyo deganaansho.
Waxey sidoo kale igu qaadatay sanno
kale, laakin markan waaba kasoo koobantay intii hore kadib markii
aan saaxiib ku yeeshay shaqada aan iminka ka shaqeeyo nin muslim ah
oo wax badan ila shaqeeyey. Mudadadaan wada shaqeyn jirnay aniga iyo
saaxibkeygii muslinka ah waxkasta ayaan kawada hadali jirnay wuxuu
iiga sheekeyn jiray waxyaabo badan oo aad ii soo jiiidan jiray
Islaamka ku saabsan kuwaasoo aan weligey ilaaweyn wuxuuna faraha iga
saaray furihii Islaamka. Nasiib darro aniga iyo saxiibkey waqtigaa
nakala waday nin walbana danahiisa gaarka ah ayuuu raacday. Aniguse
weli sidii baan u ahay baadi goob waxaana ii sii dheer laab lakac,
markaan isweynay aniga iyo saaxikey waxaana runsaday inuu iiga tagay
waxaan weligey maanka ku heyn laheyn oo ah Islaamka. Waayo wax badan
oo aanan Islaamka ka ogeyn buu ii sheegi jiray qeyb kamid ah baadi
doonkeygii aan sal dhulki dhigin ayuu kamid ahaa.
Muddo gaaban salaadaheygii iyo
ducooyinkeygii kadib waxaan la kulmay haweenay u dhalatay dalka
Bosniya oo muslin aheyd, laakin barashada haweeneydaaasi ma noqon
inaan Islaamka dhab u qaato. Maxaa yeelay weli qeyb kamid ah
nolosheyda masiixiyada ayaa ku dambeysa waxeyna igu abuurtay xasarad
kalfitay inaan kala garan waayo waxa dan iigu jirta iyo waxaan dan
iihadana inaan gaaro go'aan. Waxaan maalin maalmaha kamid ah soo
iibsaday Quraanka Kariimka oo aan akhristay. Baadidii aan muddada
dheer raadinayey Quraanka ayey kasoo dhex baxday waxaana durba
dareemay inaan ahay nin ad adag oo dareen dhagax ah yeeshay. Markii
iigu horeysana waxaan bilaabay soomida bisha Ramadaan oo aan si wada
jir ah ula soomay xaaskeygii.
Habeen habeenada kamid ahna waxaan
qaatay go'aan bal si aan u sameeyo wax uun Ilaahey raali ka yahay.
Waxaan xirriir la sameeyey Imaamkii Masjidka oo aan ka doonayey inuu
u tuso wadada saxda ah. Imaamkii waxa uu ii sheegay inaan imaado
jimcaha dambe. Markii la gaaray jimcihii ayaan iska xaadiriyey
masaajidka oo aan dhageystay qudbadii jimcaha ee Imaamku akhrinayey.
Dhab ahaan waan ooyey intii ay socotay qudbadii. walow aan waxba ka
fahmin hadana wan dareemeyey inuu qeyr sheegayo. Dareenkeygiina
wuxuu mar qura is badalay markii aadanka salaada duhur u mu'adinka
isla taagay. Jirkeyga oo dhan waxaa saaqay jiririco, timaheygiina
waxey noqdeen dhagxaan oo kale. Halkaas waxaan kala qeyb galay
muslimiintii maalintaas salaadii jimcaha waxaan halkaas dabadeed ku
qirtay shahaadada, anigoo qirtay jirtaanka Allaha weyn ee Xaqa lugu
caabudo, Muxamedna uu yahay Ra'uusalkii Qaatamal Ambiyaa, NNKH.
Markaan soo gutay waajibkeygii
maalintaas Alle i faray waxaan kasoo baxay masjidka anigoo muslin ah
kana mid ah muslimiinta Illaahey diintan nimcada badan ku
galadeystay. Maalintaasi misna waxey aheyd maalin aan dareemay in
aabahay uu hab isiiyey,dareemayeyna inaan leeyahay walaalo uu
Illaahey diintiisa nugu walaaleeyey Illaaheyna mahad baa u sugnaatay
iga dhigay muslin qaalis ah diintiisana ii gartay inaan qaato.
-----Dhamaad------
Ikraam Cali-kaar,
SomaliTalk Team, Gothenburg, Sweden
ikraam_k@hotmail.com
Faafin: SomaliTalk.com | Nov 9, 2005
Kulaabo bogga www.SomaliTalk.com
Powered by
www.SomaliTalk.com
All About Somalia and More...
|
