"Bishan fadligeedana waxaan Alle ugu baryayaa ummadan inuu dembi
dhaaf siiyo Ciid wanaagsana waan leeyahay meelkastood joogtaan"
Ikraam Cali-kaar
Maxey ku doorteen Islaamka?
Waa qeyb kamid ah cashariddii
taxanahaa ee Maxey ku doorteen Islaamka? Waxaan qormaddii hore kaga
soo hadalnay soo Islaamidii nin ahaan jiray diblomaasi reer Galbeed
ahaa, isagoo islaanimaddiisa uu qarsanayey muddo 10 sanno ah
dowladdii soo dirsatayna aaney ka warqabin. Hadaba maanta waxaan
iyadana wax kaga eegeyna sida ay ku soo islaanta gabadha la yiraahdo
Amina Mosler. Amina oo aad ugu faraxsan Islaamideeda ayaa iyadoo ka
sheekeysana waxey ku bilowday sidatan:
Wiilkeyga ayaa ka hor
inta aan Islaamka qaadan waxa uu i weydiiyey dhowr su'aalo oo ku
saabasan sababta la sheego iney jiraan waxa lugu tilmaamo "sadex
Illaah" Umaan heyn jawaab sax ah, sababtoo ah maan aaminsaneyn iney
jiraan saddex Illaah.
waxey aheyd sanadkii 1983-dii markii
wiilkeyga oo ordaya alaabka kasoo galay kadibna igu yiri isagoo
faraxsan "Hooyo waxaan wax ka bartay Islaamka oo aan dhigtay. Waxey
aaminsan yihiin hal Illaah oo wax abuuray, Diintoodana waa sax.
Waxaan go'aansadayna inaan Islaamo ee adiga ma igula jirtaa?"
Markaa wixii ka dambeeyey waxaan
bilaabay inaan Islaamka baadigoobo oo aan barashadiisa raadiyo,
waxaana ugu horeyntii tagay anigoo cilmi doon ah tagay masjidka
Baarliin ee Jarmalka oo aan kula kulmay Imaamkii masjidkaas isagoo
gacmo furan igu soo dhaweeyey iina sheegay Islaamka iyo caqiiqdiida.
Xaqiiqdii inta uu hadlayey Imaamka waxaa aad ii soo jiitay sida
wanaagsan uu Diinta Islaamka uga hadlayey, anigoo aaminsanaaday in
dhamaan waxa uu ku hadlayo ay yihiin wax run ah, taasoo ah mid uu
horey iigu sii sheegay wiilkeygii.
Islaamka waxa uu gebi ahaanba meesha
ka saaray ooraahda oraneysa waxa jira saddex Illaah, taasoo
xaqiiqdii ah mid aan weligey aqblin tan iyo yaraanteyddii.
Iguma qaadan waxbadan inaan Islaamka
ka barto, waxaase wax aad looga xumaado ah kooxo baadariyaal ah oo
isku sheegaya iney yihiin culimo diineed ay meelaha la taagan yihiin
hadalo aan Islaamka munaasib ku aheyn, waxaana aad uga qoomameeyey
inaan warkooda dhageysan jiray.
Inkastoo waalidkey ay ahaayeen kuwo ku
soo barbaaray madhabta Katoliga hadana waxaan aad u jecleystay soo
Islaamida aan soo Islaamay ee aan qaatay diinta saxda ah waxaana
iiga farxad badan in carruurta aan ayeeyada u ahay ee wiilkeyga
dhalay ay yihiin kuwo ku dhashay Islaanimada waana mahad Alle.
La soco caddadka dambe.
Ikraam Cali-kaar,
SomaliTalk Team, Gothenburg, Sweden
ikraam_k@hotmail.com
Faafin: SomaliTalk.com | Nov 2, 2005
Kulaabo bogga www.SomaliTalk.com
Powered by
www.SomaliTalk.com
All About Somalia and More...
