Haddaan hadda laga
hortegin afkaarta Geeddi meel fog baa laga dooni ...
....waxaan
soo jeedinayaa in lagu mudaharaado Geedi markuu
Caasimada Belgium yimaaddo....
Sida aan lasocono
waxaa jira dad iyo dal ballaadhan oo ka maqan
Soomaaliya kaas oo xilliyadii waddammada
gumaysta iyo ciddii gacanta u geliseyba layaqaan
ahna wax aan markhaati maanta loo raadinayn.
Shacbiga ku nool
waddnkaa la gumaysto wuxuu soo maray welina ku
jiraa gumaysi iyo xasuuq aan la qiyaasi karin,
lana soo mariyey welina lagu hayo noocyada
cadaab leeyahay oo dhan sida dad nool oo daamur
lagu karkariyo iyo dumar qaarkood ummul yihiin
oo naasaha laga jaray deedna la silidiley iyo
wax kasii daran oo aanan hayn erey aan ku
cabbiro. Dadkaas waxaa lagala dagaallamaa wax
kasta oo horu mar ah sida aqoonta diini iyo
maaddiba, caafimaadka, dhaqaalaha iwm.
Dalkan maqan waxaa
u geeriyoodey kumanaan geesi oo culimo,
aqoonyahan, ciidankii waddanka soomaaliyeed iyo
muwaadiniinta dhulkaa degaba leh, isla markaa
dhammaan dawladihii dalka Soomaaliya soo maray
oo dhan siyaasad ahaan waxay ka shaqaynayeen
sidii dalkaa maqan uu maalin uun u xoroobi lahaa
oo aydadkaasi aayahooda uga tashan lahaayeen.
Nasiib darro Cali
Maxamed Geeddi oo aan wada ognahay sida uu ku
noqday ra’iisalwasaaraha DFK ah oo ah in ay
dawladda Itoobiya ka dambaysey ayaa hadda
caddaystay in dawladdiisu ay tahay maamulkii ugu
horreeyey ee soomaaliyeed oo tanaasul ka sameeya
dalkaa iyo dakaa maqan ee ku hoos nool cagta
gumaysiga, isla markaana dafiray in dadkaasi ay
gumaysi ku jiraan dalkaasina yahay dal ka tirsan
waddammada hadda gumaysta.
Ugu dambayn waxaan
dhammaan dadka soomaaliyeed ee muslimka ah lehna
damiirka wanaagsan usoo jeedinayaa in ay hadda
ka hor tagaan afkaarta khatarta ah ee uu wad
Geeddi iyo dawladdiisu. Sidoo kale waxaan soo
jeedinayaa in lagu mudaharaado markuu Beljamka
yimaaddo, arrintaana warbaahinta soomaalidu
qaybta ugu muhiimsan ha ka qaadato.
Maxammed Ibraahin,
Oslo Norway
deeq64_1@hotmail.com
Afeef: Aragtida
qoraalkan waxaa leh qoraaga ku saxiixan
Faafin:
SomaliTalk.com | Nov 15, 2005
HADALKII
GEEDI OO DHAMAYSTIRAN HALKAN KA DHEGEYSO.....
Cabasho
Furan : Maxay BBC-du u dhalan rogtaa wararka
Ogaadeenya |
wq. Abdullahi
Maxamed
LIFAAQ:
HEERARKII
BBC-da (British
Broadcasting Corporation) AF-SOOMAALIGA
- 18kii
Luuliyo, 1957kii ayaa BBC-da Afka
Soomaaligu shaqadeeda bilowday, waxay
waagaas hadlijirtey labajeer toddobaadkiiba
oo midkiiba yahay 15daqiiqo oo qura.
Xilligaan Soomaalidu waxa ay ku hoos noolayd
Gumaysi.
[1948 ayaa qaramada midoobey guddi u direen
Soomaaliya, si ay usoo ogaadaan cidda ay
Soomaalidu rabaan. 21 kii bishii Nofeembar
ee sannadkii 1949 ayaa qaramada midoobey
xukuntay xornima gaarsiinta Soomaaliya iyo
in 10 sano Talyaanigu ka ahaado wakiil.
April 1, 1950 ayaa talyaaniga lagu
wareejiyey koonfurta Soomaaliya si uu
xorriyad u gaarsiiyo. July 1, 1960 ayey
ahayd xilligii ay Koonfurta Soomaaliya
xorowdey.]
-
Sebtembar 1958kii ayaa lagadhigay in ay
hadasho 15daqiiqo maalinkasta, waqtigan sida
kor ku cad waxaa soo dhowaadey xoriyadii
Soomaaliya.
[Maarso 1959: waxaa dhacday doorashadii ugu
horeysey ee Soomaaliya. 83 kursi oo kamida
90 kii kursi oo loo tartamayey waxaa ku
guulaystey xisbigii SYL.]
- 1dii
Luulyo, 1961-kii, waa markii halsano
kasoo wareegtey xoriyadii Soomaaliya ayaa
lagadhigay in ay hadasho 30-daqiiqo.
[1 July 1960 waxay ahay xorriyadii Koonfurta
Soomaaliya, iyo israacii Woqooyi iyo Koonfur]
- 25kii
Maarso 2000-kii, waa burburkii
Soomaaliya kaddib'e, waxaa waqtigii
lagadhiagy 45-daqiiqo oo Sabti-Arbaca ah iyo
1-saac oo Khamiis iyo Jimce ah.
[August
26, 2000
waxaa soo gabagaboobey shirkii Carta,
Jabuuti]
-
Sannadka 2002
waxaa lookordhiyey waqtiga iyadoo lagusoo
daray saacado dheeraad ah eeg:
BBC.11:00 |
BBC.14:00 |
BBC.16:00 |
BBC.18:00.[Waxaa
soo fool lahaa shirka Nairobi ee dib u
heshiisiinta Soomaalida]
Daabaco
Boggan | Print
