Bashiir Makhtal oo Maxkamad leh May 27, 2009
Dhagayso-Waraysi: Saciid
Cabdi Makhtal oo Ka warbixinaya Bashiir Makhtal (mp3)
May 10, 2009 Goobta Stanley
A. Milner Library Edmonton, Alberta waxaa ka dhacay shir looga hadlayey Xariga
Bashiir Makhtal oo ku xiray wadanka Itoobiya ilaa 2006. Shirkaas waxaa kasoo
qayb galay dadwayne fara badan iyo Madax iyo Aqoonyahano lagu marti qaaday inay
ka hadlaan. Dadkii halkaa lagu martiqaaday waxaa kamid ahaa Saciid Cabdi Makhtal
oo ina adeer la ah Bashiir Axmed Makhtal. Saciid Cabdi Makhtal wuxuu aad ugu
mashquulsan yahay sidii loo siidayn lahaa walaalkiis, wuxuuna goobta shirka ka
sheegay Bashiir Makhtal xalkisii kasoo raynayo markii ay aad u dadaaleen
Jaaliyada Soomaalida ee Canada. Saciid wuxuu sheegay inuu aaminsanyahay in
Bashiir Makhtal loo dhibaataynayo maga awowgiis dartiis, awowgiis Makhtal Daahir
ayaa Dowlada Itoobiya ku eedaynaysaa inuu ka midyahay aasaasayaashii ONLF sida
uu yiri Saciid Cabdi.
Saciid wuxuu sheegay in Bashiir Makhtal xabsigii Milatariga laga soo
wareejiyey loona wareejiyey xabsi shacab. Sicii wuxuu aad mahad celin ugu soo
jeediyey Jaaliyada Soomaalida ee Canada wuxuuna yiri " hadii idinka aydnaan
dadaali lahayn walaalkay maanta wuxuu ku jiri lahaa xabsi Milatari" Siciid wuxuu
sheegay in Bashiir Makhtal uu Maxkamad leeyahay bishaaan dhamaadkeeda May 27,
2009, wuxuuna ka codsaday dhamaan Jaaliyada Soomaalida Canada in qofkasta
Telaphone, E-mail iyo Fax u diro Mudanaha laga soo doorto Magaaladiisa marka
taariikhdu tahay May 20, 2009 kana codsado in Dowlada Kanada Bashiir Makhtal
kusoo celiso wadanka Kanada, laga sii daayo xabsiga aan sharciga ahayn ee uu
kujiro. Somalitalk.com waxaa usuura gashay inay lakulanto Saciid Cabdi Makhtal
kana waraysato Xaalada Bashiir Makhtal, waxaan halkaan idin kugu soo gudbinaynaa
warayso kooban oo Somalitalk layeelay Saciid Cabdi Makhtal.
Waraysi: Saciid Cabdi
Makhtal oo Ka warbixinaya Bashiir Makhtal Faafin: SomaliTalk.com | May 14, 2009
|