Axmed Walad Cabdalla oo Qoraal Cambaareyn iyo digniin Isagu Jirta u Direy Kooxaha ka Soo Horjeeda Dowlada

Wakiilka gaarka ah ee Xoghayaha guud ee QM Axmed Walad Cabdalla ayaa qoraal uu kaga hadlayo dagaaladii maalmahaa ka socdey Magaalada Muqdisho, digiino culus oo uu ujeedinaayo kooxaha ka soo horjeeda dowlada KMG iyo dalab adag oo uu kga dalbanayo shacabka Soomaaliyeed iyo Beesha caalamka ka soo saarey magaalada Adis Ababa 12/05/2009-ka

“Dagaalka iyo Qaska socda ee sababey dhimashada iyo barakaca dad fara badan oo shacab ah, waa mid aan gebi ahaanba la ogolaan Karin haba yaraatee, ma jiro wax cudur-daar ah oo loo helayo qaskan socda, kuwa qaadey weerarkana waa iney u diyaar ahaadaan qaadaana mas’uuliyada ka dhalan karta ficilkooda, waxayna ku talo galsan yihiin, iney sii wadaan degenaasho la’aantii iyo is xukun la’aanta dalka ka jirtey 20-kii sano ee la soo dhaafey, arintani waa in ay diidaan dhamaan dadka Soomaaliyeed iyo Bulshada caalamkuba” ayuu ku yiri

Axmed Walad Cabdalla wuxuu keloo qoraalkiisa ku sheegey “Shaqsiyaad kheyrul-Mas’uuliyiin ah, haysatana taagerada dad Ajnabi ah ayaa weeraray Mogadishu ayagoo isku dayaaya inay xoog ku qabsadaan awooda. Waxaa la yaab leh inayna jirin hal Qabiil oo gaar ah oo si cadaan ah u sheegtay mas’uuliyadan qalaanqalka loogu abuuraayo Soomaaliya. Waa in si degdeg ah loo joojiyaa dagaalkani, Waxaa hadda Mogadishu ka jira dawlad cusub oo sharci ah ayna bulshada caalamka aqoonsan tahay waana in la taageeraa dawladaasi”.

Ergayga gaarka ah wuxuu yiri “geedi socodka nabada Jabuuti waa uu socdaa wuxuuna u furan yahay koox kasta oo taageerta Nabada iyo Deganaanshaha, Wuxuu sheegay inuu ku faraxsan yahay in Ururada Gobolka sida IGAD iyo Ururka Midowga Afrika ay si shaqse leh talaabo u qaadeen una cambaareeyeen fidnada socota, diideena gardaraysiga una diyaarinayaan Talaabo wax lagu qabanaayo, Dadka Soomaaliyeed waxay si cad u muujiyeen inay ka xun yihiin kana daalan yihiin dagaal, haddana mar labaad ayaa dagaal la geliyey kaasoo lagu dilay laguna barakiciyey dad aan waxba galabsanin oo Rag, Haween iyo Caruurba leh. Magaranaayo sababta Soomaali dhexdeeda u dagaalamayso isuna dilayso”.

Ergayga gaarka ah ee Qaramada Midooway u qaabilsan Arrimaha Soomaaliya, Ahmed Ould-Abdallah ayaa si xoog leh u cambaareeyey is gardaraysiga joogtada ah ee ka socota Mogadishu ee lagu bartilmaameedsanaayo Dawlada Sharciga ah ee Soomaaliyeed.

Inkastoo uu qoraalkan uu soo saarey Axmed Walad Cabdalla hadana kama hadlin faragelinta tooska ah ee ay ku hayso dowlada Itoobiya Usbuucaan aynu ku jirno ugu yaraan 2 jeer dadka iyo dalka Soomaaliyeed, ahaan Gobolka Hiiraan taasoo u muuqata mid sii sahleysa in dalka dib ay ugu soo noqonkarto, jiritaanka dowlada Soomaaliya ay ka dhigeyso mid aan ku socota wadadii TFG-da uu hogaaminayey Madaxweynihii xilka ka degey ee Col/Cabdullaahi Yuusuf.

Maxamed Macallin Cismaan (All-man) Somalitalk Jabuuti
fatxumaalik@hotmail.com

Warsaxaafadeedkii oo dhan hoos ka akhri: