Cabdi Nuur Cismaan"Hayad OSPAD waa sii wadi doontaa Siminaarada ku saabsan ka hortaga Cudurka AIDS-ka "

Sawirada Halkan ka daawo....

Hayadda OSPAD oo ka mid ah Hayadaha ka dhisan dalka inta badana Bulshada ka wacigelisa khatarta cudurka AIDS-ka ayaa siminaar ku saabsan Cudurkaas ku qabtey Magaalada Muqdisho waxaana siminaarkaas ka qayb galey ilaa boqol xubnood oo isugu jirey dhalinyaro , haween iyo dad ka socdey Xeryaha ay ku jiraan dadka barakacay waxaana iska kaashadey Hayadaha Global Fun , UNICEF waxaana hirgalinayey Hayadda OSPAD

Sawirada Halkan ka daawo....

Mudadadii uu socdey siminaarkaas ayaa ka qaybgalayaasha waxay si aad ah ugu doodeen khatarta Cudurka AIDS-ka oo marba marka ka dambeysa xaddigiisa uu sii kordhayo

Siminaarkaan oo ay casharo ka bixineysey Ustaad Basro Xuseen Daa’uud oo iyadu si aad ah ugu dheeraatey waxyaabaha keena Cudurka iyo siyaabaha looga hortagi karo , waxay tilmaantey Macalimad Basro in kororka cudurka AIDS-ka ee soomaaliya ay ugu wacan tahay iyadoo aysan jirin Dowlad Kontoroosha Xuduudaha soomaaliya maadaama dalalka Deriska la ah soomaaliya uu si daran u asiibey Cudurkaas ,mar ay ka hadleysey siyaabaha looga hortagi karo cudurkaas in ay tahay in la joojiyo galmada xaaraanta ah , in la iska baaro dhiiga inta aan qofka lagu shubin , in la jeermis dilo qalabka wax lagu Qalo ama wax lagu dhaliyo , waxay kaloo sheegtey Macalimad Basro in cudurka looga hortagi karo iyadoo wacyigelin badan la sameeyo gaar ahaan warbaahinta oo ay sheegtey in ka qaybqaadan karaan ka hortaga cudurkaas

Canab Xasan oo ka mid ahayd dadkii ka qaybgaley siminaarkaas isla markaasna fursada u heley ayaa iyana sheegtey in loo baahan yahay in dhaliyarada ay ka qayb qaataan sidii looga hortagi lahaa cudurkaas maadaama ay yihiin kuwa ugu nugul cudurkaas waxayna u soo jeedisey Dhaliyarada in marka ay is guursanayaan labada lamaane ay iska baaraan cudurkaas si halkaas uga soo baxdo qoys ka fiyow cudurkaas

Siminaarkaas waxaaa soo gabagabeeyey Cabdulaahi Xaashi Xasan oo ka socdey Hayadda SCAC wuxuuna kula dardaaarmey xubnihii ka qaybgaley siminaarkaas in ay bulshada ku wacyigeliyaan siyaabaha looga hortago cudurkaas iyo waxyaabaha keena cudurkaas isagoo sheegay in loo baahan yahay baraarujin dheeraad ah maadaama cudurka uu khatar ku yahay bulshada soomaaliyeed

Cabdi Nuur Cismaan Wehliye oo ah gudoomiyaha Hayadda OSPAD ayaan wax ka weydiiney Muddadii ay wadeen Banaamijkan ku saabsan wacyigelinta Cudurka AIDS-ka wuxuu sheegay in Muddo 4 sanno ku dhawaad ay wadeen siminaarada Noocan ah wuxuu sheegay in dad markii hore aan fahamsaneyn Cudurkaan ay maanta si weyn u garteen Khatarta Cudurkaas wuxuu sheegay in ay sii wadi doonaan siminaarada tan iyo inta ay si wanaagsan uga fahmayaan waxyeelada Cudarkaas iyo sida looga horagi karo intii uu socdey siminaarkaas waxaaa ka qaybgalayaasha loo qaybiyey Wargeys ay soo saarto hayada OSPAD loogu magacdarey BULSHO DHOWR PRESS iyo halku dhigyo kale oo ka hadlaya Cudurka AIDS-ka

W/D Amiin Yuusuf Khasaaro

E_Mail amiinkhasaaro@hotmail.com