SOMALITALK.COM
w w w . S o m a l i T a l k . c o m
SOMALITALK - WARAR

Sheekh Shariif iyo Yuusuf Indha-Cadde oo kulan ka fool ka fool ah yeeshay

Waayadan waxaa la hadal hayay in ay kulmi doonaan Madaxweyne Sheekh Shariif Sheekh iyo Yuusuf Max'ed Siyaad Indh-cadde oo ka mid ah garabka Xisbul Islaam oo uu hogaamiyo Sheekh Muxiyadiin Xasan Camey, waxa uuna kulankaasi uu ku yimid markii ay Dowladdu ballanqaaday in ay ku dhaqmi doonto Shareecadda Islaamka sidii ay markii hore dalbadeen Garabka Xisbul Islaam ee uu ka tirsan Sheekh Yuusuf Indh-cadde.

Kulankaan oo ka dhacay xarunta Madaxtoonyada ayaa waxaa ka qaybgalay Ra'isul Wasaare Cumar C/rashiid Sharmaake, C/raxmaan Janaqow, Shariif Xasan iyo Sheekh C/qaadir Cali Cumar, waxa uuna ahaa kulan ay albaabadu u xirnaa waxaana la iskula soo qaaday sidii nabad loogu soo dabaali lahaa dalka iyo sidoo looga hortagi lahaa waxa loogu yeeray dilalka lala beegsanayo bulshada Soomaaliyeed ee aan waxba galabsan.

Sheekh Yuusuf Indh-cadde oo la hadlayay saxaafadda ayaa waxa uu sheegay in kulankaasi uu ku dhamaaday jawi isfaham, isagoo sheegay ina y isku afgarteen iyaga iyo Dowladda in si ficil ah loo fuliyo ku dhaqanka shareecada Islaamka iyo ciidamada Shisheeye ee ku sugan gudaha dalka laga saaro dalka sidii ay horey u go'aamiyeen Golaha Culimadda Soomaaliyeed, waxaa kale uu sheegay Yuusuf Indh-cadde in ay isku afgarteen dowladda in ay si wadajir ah uga hortagaan dilalka oo uu sheekh Yuusuf tilmaamay in ay ka dambeyso gacan sedexaad oo dooneysa in ay iska hor keento Mujaahidiinta Soomaaliyeed, isagoo u soo jeediyey labada dhinac in si taxadar leh arrintaasi u eegaan, waxaa sidoo kale uu sheegay in la isku afgarteen in la saaro guddi farsamo oo ka soo shaqeeya sidii kulamada looga dhigi lahaa kuwo joogto ah.

Sheekh Yuusuf waxa uu sheegay in Dowladda uusan ka rabin wax xil ah ama lacag ah balse uu doonayo in dalka lagu xukumo shareecadda islaamka, taas oo uu sheegay in tahay mid bulshada u horseedi karta nabad iyo baraale dhibaatada ay uga bixi karto.

W/D Amiin Yuusuf Khasaaro
E-Mail amiinkhasaaro@hotmail.com

Faafin: SomaliTalk.com | May 8, 2009

Kulaabo bogga www.SomaliTalk.com © www.SomaliTalk.com

La soo xiriir: