Ku Xigeenka Xoghayaha Warfaafinta Isbahaysiga Dib U Xoreynta Asmara
Maxamed Xaashi Ayaa Warsaxaafadeed ka soo saaray Xaalada Dalka Soomaaliya Uu
Marayo Maanta
Warsaxaafadeedkaan uu soo saaray Maxamed Xaashi ayuu waxa uu uga hadlay
waxyaabo badan isagoo ku bilaabay sidan.
Waxaa Mahad Leh Eebe Nabigeenii Suubanaa Naxariis iyo Nabadgelyo Korkiisa Ha
Ahaato.
Walaalayaal waxaan dhamaanteen la wada soconaa inuu hogaamiyahii Isbahaysiga Dib
U Xoreynta Sheekh Xasan Daahir ku soo laabtay wadanka kaas oo wadanka ka maqnaa
mudo ku dhow labo sano oo wadankeena cadow haystay waa ilaahay mahadii mar hadii
asoo nabad qaba uu ilaahay soo nabad celiayay .
Ugu horayn ummada soomaaliya waxaan jeclahay inaan u sheego in gudoomiyaha
Isbahaysigu uu wado barnaamij siyaasadeed kaas oo ah midka ummada Soomaaliyeed u
horseedaya Nabadm,Horumar iyo Cadaalad kaas oo lagu gaarsiinayo ummada ku
dhaqanka Shareecada Islaamka oo kala ah.
a-In la mideeyo safuufta Mujaahadiinta
b-In Laga saaro wadanka cadowga kuwa ciidan ahaanta u jooga iyo kuwa siyaasad
ahaanta wali faraha kula jira.
c-iyo in markaa ummada Soomaaliyeed loo fidiyo gogol ay aayaheeda uga tashato oo
u madax banaan tahay.
Sedexdaa waxyaabood waa waxa aan doonayno inaan xaqiijino hadii alle idmo .
Waxaan jecelnahay inaan u cadeeno ummada Soomaaliyeed haba yaraatee inaan anagu
dagaal doonayn balse waxa dagaalka raba ay yihiin dadka Taankiga AMISOM
wadankeena ku haya , marka waxa aan halkaan ugu sheegaynaa dhamaan inta samaha
jecel oo ay kamid yihiin Odayaasha,Culumada iyo Hooyooyinka iyo dhamaanba inay
nimankaa u sheegaan inay wadanka ka saaraan AMISOM nabada wadankeena ilaahay ka
sakow in badan bixitaankooda ayay ku xiran tahay.
Waxa aan doonaynaa inaan u cadayna nimankaan inay yihiin kuwii waxyaabo badan
faraha ka bixin lahaa sida hada BADA sii socota iyo waliba wada hadalo ay kula
jiraan sidii waxyaabo kale oo DHULAL ka mid yihiin ay u bixin lahaayeen.
Waxaan u sheegaynaa dadka soomaaliyeed dhamaan wadankeena inta badan inuu nabad
yahay markii magaalada Muqdisho laga reebo sababta kaliya oo dhibka uga sii
jirtana ay tahay joogitaanka ciidamada AMISOM.
Waxaan jeclaan lahayn dhamaan ummada Soomaaliyeed inay fahmaan in ciidamadaan
AMISOM ujeedada wadankeena loo keenay inay ka fog tahay tay Ethiopia u joogtay
balse aysan dadku u qaadan wanaag inay u joogaan iskuna dayaan inay wadanka ka
saaraan.
Shareecada Islaamka ay ansixiyeen waxaa la socotaan dhamaanteen inaan nahay dad
muslim oo 100% u baahan ku dhaqankeeda waxa la raadinaya oo la doonaya in la
xaqiijiyana ay ayada tahay balse ninka labaad oo ugu sareeya nimankaa ayaa waxa
uu si cad u sheegay inay ahayn shareecadaan tii Talibaan oo kale oo gacmaha lays
goynayay iyo waliba asagoo sheegay in dadka shacabka ku soo jiidanayaan kuna
wiiqayaan dadka ka soo horjeeda.
Ugu danbayntii Waxaan ugu bishaaraynaynaa dhamaan ummada Soomaaliyeed in Alle
casaa wajale nasiin doona guusha nasrigana dhowyahay una wadno Nabad waxa aan
rabnana ay tahay Nabad balse waxaan uga digaynaa dhoolatuska iyo u adeegida
gumaysiga ay wadaan Nimankaa u shaqaynaya Gumaysigii Shalay iyo Kan Maanta
aysana ku qatalmin dulqaataana insha alaah guusha waa gaaraynaa mar dhow.
Ku Xigeenka Xoghayaha Warfaafinta ARS
Maxamed Xaashi
3/5/09
Faafin: SomaliTalk.com | May 4, 2009