Golaha sare ee Jabhada Wadaniga Xoraynta Ogaadeeniya. 

Ref: JWXO/GS/XM/28/04/09

28/04/2009 
 

                                                           Bayaan

Golaha Sare ee Jabhada Wadaniga Xoraynta Ogaden wuxuu Bulshada Caalamaka u cadaynayaa inaan waxba kajirin oo ay tahay been la dhoobdhoobay oo aan sal iyo raad lahayn Bayaanka ay 19/03/2009 Wasaarada Gaashaandhiga ee Itoobiya ku sheegatay inay burburisay ONLF iyo OLF kadib markay dishay hogaamiyihii Golaha Sare ee JWXO Mujaahid Dr. Maxamed Siraad Doolaal, islamarkaana ay gacanta kudhigtay Taliyaha Ciidanka OLF ee Koonfurbari Itoobiya,oo ahaa xubin Golaha Dhexe ee OLF Mr.Furgasa.

Waxaanan usheegaynaa xukuumada tabarta daran ee Tigreega TPLF/EPRDF in dilka hogaamiyahanagii ayna marnaba soo afjaraynin Halgankanaga hubaysan iyo midka siyaasadeed midnaba, oo ay noo nool yihiin kumanyaal xambaarsan fikirkii Mujaahid Dr M. S. Doolaal, ku waa soo uu macalin oogu ahaa Hadafka Xoraynta Soomaalida Ogaadeenya, diyaarna u ah geerida ilaa ay kaa xoreeyaan Dalkooda iyo dadkoodaba.

Waxaa kaloo GS-JWXO uu cayanayaa in iyadana aan waxba ka jirin Dacaayada iyo Beenhawaasnimada Wasiirka Warisgaadhsiinta Bereket Simon ee ku aadan inay ONLF ku sugantahay xaalad qalafsan, aadna u qeybsan tahay,  una kala googoday qeybo yar yar iyo inay aad u diciiftay awoodeedii. GS-JWXO wuxuu marlabaad bulshada caalamka u xaqiijinayaa in khilaafka kadhexjira ururka ONLF uu yahay sixitaan maamulka oo kaliya. Taasina ayna marnaba wax udhimin Halgan hubaysan iyo midka Siyaasadeed ee ururka, balse ay dardargalisay oo ay sii labanlaabantay Niyada iyo Tirada Naftoodhurayaasha Ciidanka Wadaniga Xoraynta Ogaadeenya iyo Taageerada ay u hayaan shacabku GS-JWXO.

Waxaa kaloonu cadaynayanaa inaan GS-JWXO wax wada hadal ah la yeelanaynin Xukuumada Gumaysiga Itoobiya ilaa ay kudhawaaqdo inay  Ogaadeenya u aqoonsanayso Qaran ka madaxbanaan ayna  ciidamadeeda ka daldalanayso.

Golaha Sare ee Jabhada Wadaniga Xoraynta Ogaadeenya wuxuu gacmo furan ku soo dhaweynayaa codsiga madaxweynaha ururka Genocide Watch Dr. Greg Stanson uu udira   United Nations High Commissioner for Human Rights 26 march 2009 ee uu kaga codsaday UNtu inay baadhitaan madax banaan ku samayso xasuuqii ay ciidamada Gumaysiga Itoobiya ka geysteen Ogaadeenya, Soomaaliya (Muqdisho) iyo Gambeela, lana sootaago Maxkamada Dambiyada Dagaalka ee Hugue Meles Zenawi  iyo saraakiishiisa iyo masuuliyiinta Killalada ee lugta kuleh xasuuqaas.

Golaha Sare ee Jabhada Wadaniga Xoraynta Ogaadeeniya