XAFIISKA QARAMADA MIDOWAY U QAABILSAN ARRIMAHA SIYAASADA SOOMAALIYA.
WARSAXAAFADEED 011/2009
Ergayga gaarka ah ee Qaramada Midooway oo cambaareeyey weerarka
lagu qaaday Wasiirka Arrimaha Gudaha.
Nairobi, 27 March 2009:
Ergayga Gaarka ee Qaramadda Midooway u qaabilsan Arrimaha Soomaaliya,
AXMEDOU OULD-ABDALLA ayaa si xoog leh u cambaareeyey kuwii mas’uulka ka
ahaa qaraxii wadada hareeraheeda ka dhacay, qaraxaasoo lagu dhaawacay
Wasiirka Arrimaha Gudaha Soomaaliya Sheekh Cabduqaadir Cali Cumar isla
markaasna lagu dilay mid ka mid ah kaaliyeyaashiisa.
“Waxaan ka naxay weerarkan lagu qaaday Wasiirka Arrimaha gudaha iyo
kaaliyeyaashiisa ” ayuu yiri Axmed Ould-Cabdalla. “ Wasiirka wuxuu
socday meel dadku ku badan yihiin oo suuqa bakaaraha ka mid ah. Falkani
waa fal fulaynimo lagana cambaareeyey dhamaan dalka gudihiisa iyo
dibadiisaba.
Kuwa geystay weerarkan waxay si cad u ogyihiin inayna haysanin wax
haba yaraatee cudurdaar ah oo ku kalifaayo weerarkaasi, sidaasi darteed,
ayey isku qaraniyaan. Horey waxay ugu andacoon jireen inay u
dagaalamayaan in ciidamada Ethiopianka dalka ka saaraan haddana waxay ku
soo jeesteen dadkoodii Soomaaliyeed”
Ergayga gaarka ah wuxuu yiri maamulka cusub ee uu hogaaminaayo
Madaxweyne Sheekh Shariif Sheekh Axmed si aad ah ayuu u dadaalayaa si uu
wax uga qabto arrimaha nabadgelyada, dhaqaalena u soo helo, dadka
Soomaaliyeedna uu ka caawino sidii nolol caadi ah ugu noolaan lahaayeen,
sida wadamada kale ee Afrikaanka ah.
Weeradada noocaan oo kale ah waxaa si cad loola jeedaa oo keliya inay
haleeyaan magaca wadanka si kastaba ha ahaaatee dawlada cusub waxay
haysataa taageerada dadka Soomaaliyeed intiisa badan iyo tan bulshada
caalamkuba. Wadanka wuxuu ku taagan yahay waddadii nabada, wadadana
kama weecin doonaan talaabooyinkan oo kale.
Wixii war dheeraad ah fadlan la xiriir: Susanah Price or Donna
Cusumano,
Public Information Officers, UN Political for Somalia (Nairobi,
Kenya) Tel: +254 20 762 1192/1625 or +254 733902020/737400133 Please
visit:
www.UN-Somalia.org