Xisbiga Dimoqoraadiga dadka Banaadir oo baaq ka soo saaray dagaallo ka
kala dhacay Muqdisho iyo Sh/dhexe
Xisbiga Dimoqoraadiga dadka Banaadir ayaa qoraal uu maanta soo saaray waxa uu
ugu hadlay arrimo dhowr ah, gaar ahaan dagaalada ka dhacaya magaalada Muqdisho
iyo degaanka Qalimow oo u dhaxeysa Degmada Balad iyo Jowhar ee gobolka Sh/dhexe.
Qoraalkan ka soo baxay Xisbiga Dimoqoraadiga dadka Banaadir oo ahaa mid aad u
dheer, waxaa ku caddeeyay in dagaalada Muqdisho ay ka dambeeyaan kooxo aan
marnaba dooneynin in nabadgelyo taam ah ay ka dhalato Muqdisho oo ah caasimada
wadanka.
Xisbiga ayaa sheegay in labada dhinac ee shalay ku dagaalamay ay markoodii hore
ka wada tirsanaayeen Maxkamadaha Islaamiga ah, waxaana qoraalka Xisbiga
Dimoqoraadiga dadka Banaadir oo uu ku saxiixnaa Afhayeenka Xisbigaasi Maxamuud
Xuseen Gudbaaye lagu muujiyay in dalka aanay marnaba dowlad ka hirgeli karin
inta uu joogo askari Dowlad sheeganaya ee afka soo duubtay.
“Inta Askari Dowladeed afka u duuban yahay miinadu way soconee” ayaa lagu yiri
qoraalka xisbiga oo qaraxii shalay lala beegsaday Wasiirka arrimaha gudaha
Sheekh C/qaadir Cali Cumar lala beegsaday ku tilmaamay in dalka ay markoodii
hore keeneen Maxkamadihii Islaamiga ah.
Xisbiga Dimoqoaadiga Banaadir ayaa sidoo kale ugu baaqay dhinacyada ku
dagaalamaya degaanka Qalimow ee gobolka Sh/dhexe inay joojiyaan dagaalada, isla
markaasina ay u turaan dadka rayidka ah ee degaanadaasi oo xisbigu uu sheegay
inay haatan heystaan xaalado aad u daran.
Xisbiga Midnimada Jamhuuriga Soomaaliyeed oo magacaabay guddi ka shaqeeya
xuska maalin loo asteeyay mujaahidiintii dalka
Qoraal ka soo baxay Xisbiga Midnimada Jamhuuriga Soomaaliyeed ayaa waxa uu ku
magacaabay guddi ka shaqeeya xuska maalin uu u asteeyay inay noqoto maalinta
lagu xusuusto Mujaahidiintii ku geeriyootay dagaaladii dalka ka dhacay' waxaana
qoraalka xisbiga oo sidiisa u qoran aan idiin gudbinaynaa:-
![](28ma1.jpg)
Maxamuud Axmed Xasan ( Xuurshe)
xuurshe114@hotmail.com
Muqdisho-Somalia
Tel:002521-5573321
0025250-995088
Faafin: SomaliTalk.com | March 27, 2009