Madaxweynaha maamulka goboleedka puntland C/raxmaan Maxed Faroole ayaa
Khamiistii ka soo degay Garoonka diyaaradaha ee magaalada bosaso isagoo ka soo
ki Citamay wadanka jabuuti.
Halkan ka
dhagayso Warbixintii Dr. Faroole siiyay saxaafada ama
soo rogo
Garoonka diyaaradada ee magaalada bosaso madaxweynaha waxaa ku soo dhoweeyey
maamulka gobolka wasiirada amniga iyo arimaha gudaha iyo qaybaha kala duwan ee
bulshada.
Madaxweynaha markuu gaaray madaxtooyada ayuu warbaahinta uga waramay safaradii
uu ku soo maray wadamada jabuuti iyo ethopia,ugu horayna wuxuu kawarbixiyey
madaxweynuhu waxyaabaha ay kawada hadleen masuuliyiinta ethopia wuxuuna sheegay
in labada dhinac ay si weyn uga soo wada hadleen amaanka gobolka geeska afrika
iyo sidii puntland iyo ethopia isaga kaashan lahaayeen dhinaca amaanka sidoo
kalena wuxuu sheegay madaxweyne faroole inay ethopia ka soo wada hadleen in
ciidamada puntland ay ethopia tababar siiso iyo in sidoo kale labada dhinac ay
samaystaan duulimaad dhanka diyaaradaha ah oo u kala goosha labada dhinac .
Sidoo madaxweynuhu wuxuu ka xogwaramay kulamadii uu jabuuti kula soo qaatay
masuuliyiinta wadankaas iyo dhinacyadii kale ee jabuuti uu kula kulmay wuxuuna
sheegay in ay madaxda jabuuti kawada hadleen sidii soomaaliya ay u heli lahayd
nabad laysku halayn karo wuxuuna intaas kudaray in ay ka codsadeen dawlada
jabuuti dhismaha dekeda magaalada bosaso dhinaca farsamada iyo isku xirnaansho
dhinaca ganacsiga ah,sidoo kale madaxweynuhu wuxuu sheegay inuu ka qaybgalay
kulan ay isugu yimaadeen ganacsatada soomaalidu magaalada jabuuti kulankaas oo
qaramada midoobay soo agaasintay.
Madaxweyne C/raxmaan Maxed Faroole wuxuu ugu dambayntii ka hadlay rabshadihii
dad ay ku dhinteen kuwana ku dhaawacmeen ee ka dhacay magaalada bosaso ee ka
dhashay qabashadii sheekh cismaan ee ciidamada PIS wuxuu sheegay inuu aad uga
xunyahay rabshadihii bosaso ka dhacay loona xilsaaray gudi soo baara cidii
khaldanayd dhowaana warbixino laga sugayo.
Madaxweyne faroole ayaa gabagabadii xogwarankiisa ku sheegay in dhamaan
heshiisyadii ay soo kala saxiixdeen wadamada jabuuti iyo ethopia ay si wanaagsan
u dhaceen.
cabdirisaaq xasan cabdi
cabdirisaaqjuba@hotmail.com
bosaso-somalia
Faafin: SomaliTalk.com | March 27, 2009
| 
Daabaco
Boggan | Print
