Qarax dad ku dhintay oo Goroowe ka dhacay
Somalitalk: Boosaaso: Qarax ayaa caawa ka dhacay magaalada Garoowe waxaana lala beegsaday maqaaxi shaaha laga cabo oo ay lahaayeen dad ka soo jeedo
Itoobiya, goobtaas ayaa ahayd meel dadku ku badnaayeen.
Wararkii u dambeeyey ayaa sheegaya in hal qof ku geeriyooday qaraxaas halka warar kalena sheegayaan in in laba qof ku dhimatay qaraxaas,
waxaana ku dhaawacmay sadex qof oo ay ku jirto gabar Itoobiyaan ah,dhamaan dadkii ku dhaawacmay qaraxaas ayaa lagu dabiibayaa cisbitaalka guud ee magaalada garoowe.
Saraakiisha booliiska ee magaalada garowe ayaa sheegaya in aan weli lagaranayn cida ka dambaysay qaraxan waxayna sheegeen in ay baaritaan ku hayaan dadkii fakan a dambeeyey.
Qaraxa caawa ka dhacay magaalada garoowe ayaa lagu sifeeyey bamka nooca gacmaha laga tuuro, siday sheegeen dad goobjoogayaal ah.
Qaraxani ka dhacay Garowe wuxuu noqonayaa qaraxii ugu horeeyey ee ka dhaca magaaladaas.
Cabdirisaaq Xasan Cabdi
cabdirisaaqjuba@hotmail.com
Boosaaso-Soomaaliya
Faafin: SomaliTalk.com | March 27, 2009
Daabaco
Boggan | Print
