Minneapolis: Masjidka Rowda oo Salaaddii Jimcaha ee ugu Horaysay lagu
Tukaday
Jimacadi (March 20, 2009) ayaa lagu oogoy Salaaddii Jamcaha Masjidka Cusub ee
ROWDA , waxaana Soo Camiray Dadka dagan aaggga Masaajiddku ku yaalo dadkaas oo u
badanaa kuwo ku tukan jiray Masjidkii la xiray ee Shaafici ee ku yaalay Xaafadda
Cedar oo aan ka fogayn goobta Masjidkaan Cusub laga furay.
Somalida dagan Aagga Masaajidka Cusub laga Furay ayaa aad u faraxsanaa ayaga
oo muujinaya farxad iyo soo dhaweyn. Khudbadii Jamcaha ayaa waxa halkaas ka
akhriyey Imaamka Masjidda ROWDA Sh. Cabdirizaaq Sancaani asaga oo ka hadlay
Ahmiyada Masaajidda iyo u Jeedooyinka Loo dhisay iyo Doorka ay Bulshada ku
leeyihiin iyo waliba baahida loo qabo waqooyiga america gaar ahaan Gobalkan
Minnesota.
Masjidka cusub ee ROWDA ayaa waxa uu ku fadhiyaa Dhul le'eg 6300 oo Square
Feet, waxana uu leeyahay meel Gawaarida la dhigto (Parking) iyo waliba dhawr
dariiq oo gawaarida la dhigan karo jidka Steet 25 st iyo 24 St iyo waliba 26.
Masaajidku waxa kale oo uu leeyahay qol weyn (Hall) la ii sheegay in loo kala
xiri doono Meel ay Dumarku ku Tukadaan iyo Dugsi iyo waliba Goob Xafladaha lagu
dhigo sida Aroosyada waxaa kaloo gacanta lagu hayaa Dhawr Xafiis oo uu ka ay ka
mid tahay Xafiiska Xurunta iyo kan iimaamka Sh. Cabdirizaq Sancaani iyo waliba
Qaybta Warbaahinta qaabilsan.
Khubaddii Jimcada ee Sh. Sancaani:
Dhegeyso(mp3) ama
Video(Daawo)
Ustaad Dalboon
cdalboon@hotmail.com
Faafin: SomaliTalk.com | March
21, 2009
| 
Daabaco
Boggan | Print
