Puntland oo Shaki Gelisay heshiis dhexmaray dawlada soomaaliya iyo kenya
Wasiir kuxigeenka wasaarada warfaafinta ee maamul goboleedka puntland
cabdishakuur mire aadan ayaa shir jaraaid ku qabtay magaalada Garowe wuxuuna uga
hadlay heshiis dhowaan aya magaalada Nairobi ku kala saxiixdeen dawlada
Federaalka Soomaaliaya iyo dawlada kenya.
Wasiir kuxigeenku wuxuu sheegay
in maamulka puntland aad uga xunyahay in dawlada Soomaaliya ay heshiis kula
gasho kenya inay u qaado cashuuraha badeecaha Kenya u soo dhoofiso, wuxuuna yiri
caalamka laguma arag dawlad cashuur u qabanaysa dawlad kale waxaana la
yaabanahay ujeedka laga leeyahay heshiiskan.
Sidoo kale cabdishakuur wuxuu
sheegay in maamulka puntland shaki weyn ka qabo magaca loogu yeero dawlada
soomaaliya ee ah dawlada midnimada qaran ee soomaliya isagoo intaas raaciyey in
loola jeedo midowgii mucaaradkii fadhigoodu jabuuti ahaa iyo inkale wuxuuna
codsaday in si faahfaahsan loo micneeyo erayga midnimada qaran.
Hadalka
wasiirkuxigeenka warfaafinta wuxuu ku soo beegmayaa xili madaxweynaha maamulka
puntland dhowaan ka hadlay arinta federaalka waxaa uu sheegay in danta ummadda
Somalidu ay ku jirto hirgelinta nidaamka federaaliga ah, iyo dhismaha dawlad
goboleedyo hoos yimaada, sidaasna kaalin weyn ay uga qaadan karto dib u
heshiisiinta.
Waxaa uu intaas ku daray in nidaamka federaaliga ahi uu
kaalin xoog leh ka qaadan karo midnimada ummadda Somaliyeed, oo uu sheegay in
xitaa Somaliland oo muddo raadinaysay in ay ka go'odo Somaliya ay ku qanci karto
nidaamka federaaliga ah.
cabdirisaaq xasan cabdi
cabdirisaaqjuba@hotmail.com
Bosaso-somalia
Faafin: SomaliTalk.com | March 22, 2009
Daabaco
Boggan | Print
