Ururka Isbahaysiga dib u xoreynta Isboortiga Soomaaliyeed.
MR.Yusuf Yusuf
Conference Organiser ARSS
mrsomalia@hotmail.com
London
War galin ku socoto dhamaan Bahda Isboortiga Soomaaliyeed qaban qaabo loogu jiro
dhisida Ururka Isbahaysiga dib u xoreynta Isboortiga Soomaaliyeed, hadaba hadii
aad danaynayso in la hormariyo Sports Soomaaliyeed gaar ahaan gudaha dalka
Soomaaliya isla markaana la gaarsiiyo ka biloow tuulo , dagmo ilaa Gobal waxaa
muhiim ah in bahda Sports Soomaaliyeed meel kasto ay joogaan inay si deg deg
shir iskugu yimaadaan si wax looga qabto sheegashada xilal beenaad sida GOS iyo
doorashada indho sarcaadka ee lagu qabtey dalka Jabuuti sida jaraaidka lagu
shaaciyay maanta ayaa waxaan halkaan ka cadaynayaa inaan doorasho xaq ah lagu
qabanin dalka JABUUTI isla markaana aysan ansax ahayn madaama aysan ka qayb
galin ergooyin matalaya gobalada dalka oo dhan marka laga reebo koox Qurba joog
ah iyo Koox Wiish ka soo waday Xaafada Karaan oo lagu sheegay inay yihiin
ergadii matalaysa 19 xiriir oo ka dhisan dalka Soomaaliya, kuwaas oo xaq u leh
inay doortaan madax aan la aqoonin cida ay matalaan in si aan xishood ahayn
loogu doortey dalka Jabuuti.
Waxaan Dowlada Midnimo Qaran ku wargalinaynaa inay arinkaas wax ka qabtaan isla
markaana Wasaarada Isboortiga iyo Dhalinyarada gacan ka siiyaan sidii ay ula
wareegi lahayd maamulida Isboortiga dalka madaama ay tahay hay'ada ugu sareysa
Isboortiga dalka Soomaaliya.
Ururada caalamkana waxaan dhawaan la samayn doonaa xiriir si aan ugu sharaxno
qaabka u shaqeeyo Isboortiga dalka Soomaaliya, si musuqmaasuqa iyo awood
sheegada aan xaqa ku dhisnayn ay ku shaqaynayaan maamulka isku magacaabay inay
maamulaan Isboortiga dalka Soomaaliya wax looga qaban lahaa madaama aysan jirin
wax muuqda aysan qabanin ama ka qabanin gudaha dalka marka laga reebo Luujino.
Wasaarada Isboortiga Dalka Soomaaliya waxaa ku wargalinaynaa inay gacanta
Dowlada ku soo celiyaan Garoonka kubadda kolayga, si meesha looga saaro ku
qaraabashada waxbaan ka qabana dalka Soomaaliya oo dhan.
Ugu dambayntii waxaan ku marti qaadaynaa dhamaan bahda Isboortiga Soomaaliyeed
meel kasta oo ay joogaan gudaha iyo dibada shir lagu dhisaayo ururka Isbahaysiga
Dib u xoreynta Sport Soomaaliyeed, kaasoo ka shaqayn doono sidii Isboortiga
Soomaaliyeed gacanta Dowlada ama dadka Soomaaliyeed loogu soo celin lahaa iyadoo
laga kaaftoomi doono baryada ama tuugsiga lagu tuugsado Isboortiga Soomaaliyeed
ee xiriirada caalamka sida IOC & NOC.
Wixii aqbaar ah oo ku saabsan qabanqaabada shirkaan kala soo xiriir isku duwaha
ka mira dhalinta dib u xoreynta Sports Soomaaliyeed.
Hadii Eebe idmo shirka waxaa lagu qaban doonaa gudaha dalka Soomaliya anagoo la
kaashanayno dadka Soomaaliyeed ee jecel in Sports u gaaro dhamaan ciida dalka
Soomaaliya.
Waxaan cambaraynaynaa Doorashada lagu indho sar caadinaayo IOC & NOC si looga
helo xogaa beeso ah, waana nasiib xumo in 18-kii Gobal ee dalka Soomaaliya ka
koobnaa xaqii iyo taladii Sports lagala tashanin, taasna waa kaga tacsiyaynaynaa
waana mid la isaga daba imaan doono hadii Eebe idmo
Wixii warkaan ku saabsan kala soo xiriir
MR.Yusuf Yusuf
Conference Organiser ARSS
mrsomalia@hotmail.com
London
Faafin: SomaliTalk.com | March
18, 2009 | 
Daabaco
Boggan | Print
