Wasiirka Horumarinta Haweenka iyo Qoyska oo qirtay in loo gafay
Haweenka ka howlgala ururada COGWO, SWA,IIDA,INXA
Wasiirada Haweenka iyo horumarinta qoyska Dowlada Jamhuuriyada Soomaaliya
Fowsiyo Maxamed Sheekh ayaa shir jaraa'd ay ku qabatay Hotel Naasa-Hablood 2 ee
agaaarka Xawo Taako Magaalada Muqdisho waxay kaga hadashay labo arimood kuwaasoo
kala ahaa rajada ay ka leedahay waxqabadka Wasaarada ay Madaxda ka tahay iyo
Haweenka NG-yada Soomaaliyeed oo ay aad u amaantay howlaha ay bulshada u hayaan.
Wasiirada Haweenka iyo Qoyska Fowziyo Maxamed Sheekh waxay si weyn uga hadashay
waxqabadka Haweenka NGO-yada Soomaaliyeed gaar ahaan ururada COGWO,SWA,IIDA,INXA
iyo kuwo kale waxayna sheegtay inay ku soo shaqeeyeen 20-kii sano wadanka oo
khatartiisu badan tahay waxayna si weyn u beenisay wasiirada warar soo baxay oo
lagu qorey mid ka mid ah website-yada kaasoo qeexayay inaaney waxba qaban
haweenkaasi waxayna xustay inaaney jirin cid xaqiri karta wax qabadka haweenka
oo inta badan bulshada Soomaaliyeed ee taagta daran taakuleeya.
"Haweenku waa horseedka nabada
waxaadna ogtihin in qaarkood u geeriyoodeen iyagoo samafal u sameynaya shacabka
Soomaaliyeed oo raashin qeybinaya sida Madiino Janaraal" ayay tiri Fowsiyo
Maxamed Sheekh oo intaas ku dartay inay iyagu mahadcelineyso gabdhaha
Soomaaliyeed oo sida ay sheegtay u taagan samatabixinta bulshada Soomaaliyeed
intii karaankooda ah waxaana xiligaasi hareeraha ka fadhiyay qaar ka mid ah
mas'uuliyiinta hayadaha NG_yada gabdhaha Soomaaliyeed.
"Waxaan ku baaqaya inaan nabada la horjoogsan gabdhaha Soomaaliyeedna waxay door
weyn ka ciyaarayaan sidii nabad oo heli lahaa" ayay mar kale tiri Wasiirada
Haweenka iyo Qoyska Fowziyo Maxamed Sheekh.
"Haweenku waa hooyo hooyane qabiil malaha waxayna bulshada u horseedaa xaga
nabada waxaana cadaynayaa in hooyadu ay nin u dhexdaa .nin wey dhashay.midna waa
la dhashay waxayan isu keentaa umado badan oo kala duwan sidaa darted haween
weynaha somaliyeed waxay horsed ka yihiin nabada waana kuwo u ololeeyo mar kasta
nabada
Sidoo kale Wasiirada Fowziyo Maxamed Sheekh waxay warbaahinta u muujisay sida ay
rajada fiican uga leedahay in wasaarada ay madaxda ka tahay ay horumar ku
talaabsato kana soo dhalaasho waxyaaabaha looga fadhiyo iyadoo isku kalsooni
badan muujineysay ayay haddana tilmaamtay in wasaarad aasi Haweenka iyo Qoyska
inay ku cusubtahay sidaa ay tahay ay diyaar u tahay inay si huwafan u shaqeyso.
"Maanta waxaa noo dhisan dowlad shacabku kalsoon yahay marka waa in shacabku
taageero " ayay tiri Fowsiyo Maxamed Sheekh, waxeyna miijisay inay Haweenkaasi
ka howlgal ururada COGWO,SWA,IIDA,INXA ay yihiin kuwo Bulshadooda wax u qabtay.
Dhanka kale Wasiirada Fowziyo Maxamed Sheekh waxay warbaahinta u muujisay sida
ay rajada fiican uga leedahay in wasaarada ay madaxda ka tahay ay horumar ku
talaabsato kana soo dhalaasho waxyaaabaha looga fadhiyo iyadoo isku kalsooni
badan muujineysay.
Mahamud Ahmed Hassan <xuurshe114@hotmail.com>
Faafin: SomaliTalk.com | March
18, 2009 |