Deeq ka timid walaalaha khayrka jecel ee dhigta dugsiga RØDOVRE EE DANMARK
Oo La Gaarsiiyey Gabar Dhiban Oo Xanuun Daran Uu Haleelay
Deeq lacageed oo ka timid Walaalaha khayrka jecel ee dhigta dugsiga RØDOVRE
EE DANMARK ayaa maanta la gudoonsiiyay Gabar yar oo la xanuunsanaysa xanuun aad
u daran oo ka haley lugta.
Deeqdan oo ka koobneyd $ 400 (afar boqol oo Dollar) ayaa waxaa soo diray
wakiilna ka ahaa walaalaha khayrka jecel ee dhigta dugsiga RØDOVRE EE DANMARK,
waxaana la soo mariyey xawaaladda KAAH EXPRESS ,iyadoo ay gabadhaasi yar ay
gudoonsiiyeen nabadoon Sh Maxamed Axmed Xaadle iyo Nabadoon Cabdullaahi Diin
waxaana sida muuqata ay gacanta u geliyeen aabaha gabadha yare ee xanuunka daran
uu hayo.
Nabadoon Sh Maxamed Axmed Xaadle
ayaa ugu horeyn u mahadnaqay , una bogaadiyay walalaha deeqdaasi kula baxay dar
illahay, isagoo yiri” walaalaha yaga wan u duceynaa , waxaana uga hambalyaynayaa
taageerada ay u fidiyeen inantan yare e xanuunsan”.
Sidoo Kale Agaasimaha Isbitaalka Kaliil Maxamed Cali Siigaale oo goobta ka
hadlay ayaa waxaa uu si weyn uga mahadceliyay walaalaha khayrka jecel ee dhigta
dugsiga RØDOVRE EE DANMARK isagoo sheegay in xanuunka gabadha yar haya aysan
awood u lahayn in ay wax ka qabtaan balse ay ka tareen wixii ay awoodeen.
Nabadoon Xaadle ayaa waxa uu tilmaamay in xaalada gabadhan yar aysan ahayn mid
intaasi ku eg balse waxa uu sheegay inay tahay fara kama qodno faanoole, waxaana
Nabadoonku uu ku booriyay walaalaha kale ee dunida dacaladeeda inay ku daysadaan
wanaagaasi.
Ugu Dambayn Aabaha Gabadha yare e jiran Xasan Cabdi Cilmi ayaa ka sheekeeyay
xaalada gabadhiisa , isagoo tibaaxay in muddo dhowr bilood ah nolol iyo Geeri ay
gabadhiisa ku jirtay , aabbe Xasan Cabdi Cilmi oo ilmaynaya ayaa cod dheer ku
sheegay in xittaa uu san quraacan maanta heerka saboolnimada ee haysata
awgeed.wuxuuna u duceeyay walaalaha khayrka jecel ee dhigta dugsiga RØDOVRE EE
DANMARK wuxuuna ugu baaqday Jaaliyadaha somalida ee dibeda iney u soo
kaalmeeyaan cidii wax taraysana ay kala soo xiriiiri karto telefanadan oo kale
ah
FG: Fadlan lagama maarmo kaalmadaada ee wixii aad ku caawin kartid gabadhan yar
kusoo hagaaji adigoo soo wacayo
Warkii hore ee laga
qoray gabadha yar iyo sawiro eeg halkan
FG: Wakiilka Ugaaska Nabadoon SHEEKH MAXAMED AXMED (XAADLE)
+25250444003
+25215810244
Ama Nabadoon C/LAAHI SHEEKH XASAN (DHIIN)
+25215394104
+254720288530
Baledxaawo Gedo, Soomaaliya
E-Mail: calicabdi_618@hotmail.com
Maxamed Gaarane Aadan
+2525 (0) 996132
+2521 5598706
+254 (0) 722687097
gaarane68@hotmail.com
Faafin: SomaliTalk.com | March 13, 2009