Ururada HALGAN Iyo WOBAD Oo Xusay Maalinta Haweenka Adduunka Ee 8
Maarso Deg B/Xaawo Ee G/Gedo
Munaasabad si weyn loo soo agaasimay oo lagu xusayay maalinta haweenka Adduunka
ee 8-da Maarso oo ay soo qaban qaabiyeen Ururka Horumarinta Ganacsiga Haweenka
WOBAD ayaa waxa ay ka dhacday Hotel Col-Ujoog ee degmada B/xaawo.
Munaasabada oo ay ka soo qeyb-galeen Mas'uuliyiin ka tirsan Maamulka degmada
B/xaawo haween, aqoonyahano, dhalinyaro iyo waxgaradba ayaa waxaa ugu horreyn ka
hadlay Gudoomiyaha Degmada B/xaawo Axmed Maxamed Yuusuf Burkuus oo lagu sharfay
inuu furo munaasabada xuska maalinta haweenka Adduunka ee 8-da Maarso.
Mr. Burkuus ayaa siweyn ugu dheeraaday qiimaha ay haweenka soomaaliyeed
leeyihiin, isagoo si gaar ah u xusay in maalintan ay midaynayso haweenka haddii
ay yihiin cadaan amaba madoow amaba sida uu hadalka u yiri kuwo muslim ah.
Xaliimo Faarax (Xaliimo Buuro) oo ah guddoomiyaha Ururka Horumarinta Ganacsiga
Haweenka WOBAD ayaa dumarka ugu baaqday inay xoojiyaan nabada iyo wax
kaqabashada dhibaatada ka oogan dalkooda hooyo.
Dhanka kale xaflad kale oo si heersare ah loo soo qabanqaabiyay taasoo ay soo
agaasimeen Ururka haweenka ee HALGAN ee Deg. B/xawo ayaa waxa ay ka dhacday
xarunta hay’adda ASEP ee magaalada B/xaawo, halkaasoo ay hadalo ka soo jeediyeen
haween ay kamid ahayeen Canab Sh Xasan iyo Batuulo Yabarow oo kamid ah ururka
HALGAN.
Mas'uuliyiin ka socday Maamulka degmada B/xaawo oo uu horboodayay Guddoomiyaha
Degmada Burkuus ayaa waxaa ugu horreyn uu ka hadlay marxalada ay soo mareen
haweenka soomaaliyeed gaar ahaan 19-kii sano ee la soo dhaafay.
Gudoomiyaha Degmada B/xaawo Axmed Maxamed Yuusuf Burkuus oo daah furay
munaasabadaasi ayaa ku booriyay haweenka inay hal meel ah ka istaagaan xaaladda
dalka uu ku jiro. Waxaana uu ka codsay in ay dumarka u shaqeeyaan dhanka
wanaagsan maadaama ay yihiin mindi labo af leh.
Dhammaan dhinacyadii Haweenka ee ka soo qeyb-galay Munaasabada 8 Maarso ayaa si
weyn ugu faraxsanaa in ay goob-joog ka ahaadaan Xuska Maalintan ku weyn Haweenka
Adduunka, xili Magaalada B/Xaawo iyo guud ahaan Gobollka GEDO si weyn looga
dabaal degay munaasabadahaasi.
Deg. Garbahaaray iyo Luuq aya kamid ah goobaha kale oo ay ka dhaceen
xafladahaasi lagu weynaynayo maalinta 8-da maarso oo ku beegnayd maanta.
![](09mar713.jpg)
Maxamed Gaarane Aadan
+2525 (0) 996132
+2521 5598706
+254 (0) 722687097
gaarane68@hotmail.com
Munaasabad lagu xusaayay maalinta haweenka aduunka ee 8 da march oo ey soo
qaban qaabiyeen dhaqdhaqaqa hablaha saxafiyiinta soomaaliyeed ee marka magacooda
la soo gaabsho loo yaqaan (WOJA) Ayaa maantey lagu qabtey magalada Muqdisho
![](09mar715.jpg)
Munaasabad lagu xusaayay maalinta haweenka aduunka ee 8 da march oo ey soo qaban
qaabiyeen dhaqdhaqaqa hablaha saxafiyiinta soomaaliyeed ee marka magacooda la
soo gaabsho loo yaqaan (WOJA) ayaa waxeey ka dhacday magalada muqdisho
munaasabadaan oo aheed mid aad loo agaasimayay ayaa waxaa ka qeyb galay ururada
bulshada rayadka waxaana goobta ka qudbeysay gudoomiye ku xigeenka ururka woja
sahro c/laahi yuusuf oo ku dheeraatay haweenka maalintaan ey gaarka u leeyihiin
ayadoo ku baraarujisay haweenka soomaaliyeed & waliba kuwa saxafiyiinta in ey
wax wada qabtaan nabadana laguna dadaalo nabada & hormarka dalka ,sidoo kale
waxaa ka hadlay gudoomiyaha saxaafada qaranka soomaliyeed yuusuf cali cismaan
(yuusuf fareey) waxuuna sheegay marka hore in uu uga mahad celinaa ururka
saxafiyiin gabddhaha soomaliyeed (woja) sida ey iskugu xilqaameen baraarujinta
maalmaha muhiimka u ah umada soomaliyeed waxoona ka codsaday haweenka in ey
markasta u taagnaadaan hormarka umada soomaaliyee waayo waa isha bulsha kasto,
laga arko sidoo kale waxaa goobta ka hadashay nadiifo maxamuud yuusuf hay’ada
inxa waxeey sheegtay in ey haweenka yihiin dhibanayaal oo ayagu koriyaan raga
ugu danbeena ayaga dhibka ku dhaco ugu danbeena waxeey ku baaqday in ey u
guntadaan sida ey meel uga soo wada jeesan lahaayeen..sidoo kale waxaa
munaasabada ka hadlaayay xibno badan dhamaantooda waxeey u hambalyo u direen
dhamaan haweenka soomaaliyeed waxeena mahad celin gaar ah u direen ururka (woja)
oo ah ururka saxafiyiinta gabdhaha kaliya oo isku xilsaara wax kasta oo umuda
soomaliyeed muhiimka u ah ugu danbeentiina waxaa hambalyo & bogaadin ururka
(woja) u diray wasiirka warfaafinta dowlada midnimada qaran farxaan maxamuud
cali .
Nasteexo maxamed ibraahim
E-mail: qaraaxo12@hotmail.com
Wafdi Odayaasha Dhaqanka Hawiye Iyo Hay,adda Culumada Soomaaliyeed Oo U
Ambabaxay Wadanka Qadar
Wafdi ka kooban odayaasha dhaqanka beesha hawiye iyo weliba hay,adda culumo
udiinka soomaaliyeed ayaa saaka goor hore ka amababaxay garoonka caalamiga ah ee
magaalada muqdisho iyagoo kusii jeeda dalkaasi Qadar islamrkaana kusii nasan
doona dalka Kenya magaaladiisa naiarobi .
Safarkan oo ka dhinac ah dadaalada nabadeed ee dowlada midnimada qaran ,hay,ada
culimo udiinka soomaaliyeed iyo odayaasha beesha hawiye ay wadaan islamrkaana
lagu doonayo sidii loosoo afjari lahaa xaalada nabad la,aaneed daba dheeraatay
ee ka jirta wadanka soomaaliya gaar ahaan xarunta wadanka soomaaliya ee muqdisho
iyadoo la sheegay in odayaashan iyo weliba culimo udiinkan ay casuumad ka heleen
masuuliyiin kasoo jeeda wadanka Qadar
Sidoo kale wafdigan ka kooban odayaasha dhaqanka beesha hawiye iyo weliba
hay,adda culumo udiinka soomaaliyeed ayaa kusoo beegmay xili dhowaan la
taageeray hadaladii ay dhowaan kasoo saareen hay,ada culimo udiinka soomaaliyeed
ee ahayd in shareecada islaamka dalka laga hir geliyo islamarkaana looga saaro
mudo 120-cisho ah ciidamada AMISOM taasoo banaana baxyo lagu taageerayo ay
dhowaan ka dhaceen magaalada muqdisho .
Si kastaba ha ahaatee wafuudan isugu jira odayaasha dhaqanka beesha hawiye iyo
hay,ada culumada soomaaliyeed ayaa u muuqda kuwo xusul duub ugu jira sidii
wadanka loogu soo dabaali lahaa nabad islamrkaana ay dowlada midnimada qaran ee
uu hogaaminayo shariif sh,axmed ay u hir geli lahayd taasoo ay ka biyo diidan
yihiin qaar ka tirsan xoogaga muqaawimada ee ka dagaalama gudaha wadanka
soomaaliya .
yaasiin maxamed faytin
yaasiinfaytin@hotmail.com
Faafin: SomaliTalk.com | March 9, 2009