MAXKAMADA DANBIYADA DAGAALKU MA IL KALIYAY WAX KU ARAGTA
BIMILAAH
NAXARIIS IYO NABAD GELYO KORKIISA HA AHAATO NABIGEENA SUUBAN (CSW)
Markaad isha mariso bogaga lagu dabaco akhbaaraadka caalamka, waxaa markiiba
kuusoo baxaya hogaamiyaal lagu eedaynayo inay geysteen danbiyo dagaal,
hogaamiyaashaasi waxaa kamida kuwo madaxweynayaal ka ah wadamadooda, iyagoo loo
maro eedaynta shaqsiyaadkaas xadgudubyo lagu tilmaamay inay ka geysteen
wadankooda, ayna haboon tahay inay ciqaabtooda maraan.
maaha madaxweynayaal oo kaliya waxaa taa lajirankeeda eedaymo kuwaas oo kale
lamida lagu soo oogaa hogaamiyaal dagaal kuwaas oo horjoogayaal ka ahaa jabhado
ama ururo kacdoon kuwaas oo ka biyadiida sida xukuumadoodu wax u wado.
Hashaani maankaygay gadee ma masaar bay liqday? somaliya waxaa ka dhacay denbiyo
dagaal kuwii ugu ba'naa, waxaa kadhacay xasuuq aan ka yarayn kii Huutuuga iyo
Tudsiga, waxaa laqaxiyay tiro malaayiina , waxaana sidoo kale badaha iyo
saxaaraha wadamo fogfog lagu la'yahay malaayiin somaaliyeed kuwaas oo kafirxaday
xiisada la abuuray, dhacdooyinkaan oo dhamaantoodna ay isha ku hayaan kuwa
kudooda inay iyagu u xilsaaran yihiin ilaalinta xaquuqda aadanaha.
waxaa danbiyadaasi oo dhan geytey xukuumadda itoobiya iyaga oo ay lawadaagsadaan
horjoogayaashii DFK somaliya ee aan imanka badidoodu cidna xil u hayn sababtay
doontaba xilalka ha looga qaadee, haddaba miyaanay mudnayn inay indhaha
maxkamada caalamiga ah ee dagaalku arkaan islamarkaasna horkeenaan cadaaladda
horjoogayaasha wadamadda iyo shaqsiyaadka sida tooska ah ugu lugta lahaa
danbiyadii dagaal iyo xasuuqii baahsanaa ee kadhacay somaliya gaar ahaan magaalo
madaxda muqdisho.
Xassan cali Gurxan(mataan)
sonnapress@gmail.com
Faafin: SomaliTalk.com | March 9, 2009
Daabaco
Boggan | Print
