Qarax ka Dhacay magaalada Boosaaso oo Dad ku dhaawacmeen...
Agagaarka dawlada hoose ee magaalada bosaso oo ah bar kantarool oo ciidamada
booliisku habeenkii ku baaraan baabuurta aagaas maraysa ayaa waxaa caawa
goobtaas ka dhacay qarax bam baano abaarihii 7 fiidnimo.
Wararka laga soo xigtay taliska ciidanka booliiska puntland ayaa sheegaya in
ku dhowaad 7 ka tirsan ciidamada booliiska iyo lix qof oo shacab ah ku
dhaawacmeen qaraxaas.
Ciidamada booliiska ayaa markuu qaraxaasi dhacay waxay sameeyeen baaritaan
xoogan mana shaacin cid ay u soo qabteen qaraxaas iyo wixii sababay.
Dhamaan dadkii ku dhaawacmay qaraxaas waxaa lagu dawaynayaa isbitaalka weyn ee
magaalada bosaso iyo cisbitaalada gaarka loo leeyahay ee magaaladan bosaso.
Isgoyska gaaca oo u dhow xarunta dawlada hoose ee magaalada bosaso oo ah meesha
caawa qaraxu ka dhacay ayaa ah goob aad u mashquul badan dhinaca dadka iyo
baabuurta waxaana halkaas ka dhow xarumo ganacsi oo aad u tirobadan waxaana
sidoo halkaas ay bar kantarool u tahay ciidamada booliiska ee magaalada kuwaasoo
habeenkii baaritaan ku sameeya baabuurta goobta maraysa.
cabdirisaaq xasan cabdi
cabdirisaaqjuba@hotmail.com
bosaso somalia
Faafin: SomaliTalk.com | March 9, 2009
Daabaco
Boggan | Print
