Mar bay xurmado xurquun noqota:Maxaa ka dhashay Asaaskii
madaxtinimada Puntland
Ka dib markii la arkay xalada dhabta ah ee ka jirta soomaaliya, ayaa
waxaa la istusay inta laga gaaraayo soomaali weyn in la sameeysto maamul
goboleed si ay uga tashadaan dadka reer puntland aayahooda iyo danahooda
gaar ahaaneed,waxaa halkaas laga dhisay maamulkii ugu horeyay oo la
dhisay sanadkii 1998kii, iyadoo lagu doortay baarlamaan ka kooban 66
xildhibaan, ka dibna waxaa la doortay madaxweynihii ugu horeyay oo ahaa
Col. C/llahi Yusuf, maamulkii halkaas ka dhashay waxaa loo bixiyay i
dooro aan ku dilee, mudo yar ka dib waxaa ka dhashay maamul goboleedka
puntland isku dhac hubaysan, kaas oo keenay in ay dhalinyaro badan oo ka
tirsanaa ciidamadii maamulka horeyna u ahaa ciidamo beeleedyo lana kala
saftay siyaasadii halkaas ka abuurantay, taas waxay keentay in beelaha
reer puntland aysan ku mideysaneyn siyaasadda guud ee Puntland
xiliyadaas.
Markii uu dhamaaday xiligii col. Yusuf, waxaa bedelay madaxweyne
Jeneraal Cade, wuxuu uu dhisay dawlad ka kooban wasiiro iyo
wasiir-ku-xigeeno, haddaba maxay ku soo kordhisay maxayse ka bedeshay
dawladaan cusub oo uu hogaanka u hayo Cade? Waxay ahayd dawlad ku hawlan
ganacsi, shiidaal aan jirin iyo safaro tiro badan oo ay mas’uulinta ugu
sareeya ay ku kala gooshayeen gudaha iyo dibedda dalka, waxaan filayaa
in aysan wax la taaban karo aysan ku soo kordhin puntland, dadka reer
puntland ayaa waxay ahaayeen kuwo iyagu la harjadayay sidii ay isku
maareeyn lahayeen iyagoo naftood aaminayaa oo wixii ay awoodooda ah ku
tashanaya, maamulkii halkaas ka jiray ayaa loogu magac daray i dooro aan
ku madadaliyee.
Markii la shaaciyay in la qaban doono doorsho cusub oo ka hana qaada
maamul goboleed puntland ayaa dadk reer puntland waxaa gashay rajo weyn
iyagoo ku haaminayay isbedel weyn oo ka dhacay maamul goboleed puntland,
dadkuna aad u daalana kuna hadaaqayeen tollow maxaa isbedel ah oo imaan
kara hadii doorasho ka dhacdo puntland, doorashadaas oo aad loo
xayeesiiyay dalka gudihiisa iyo dibeddaba, markii la gaaray waqtigii
doorashada, ayaa dorba waxaa soo baxay musuqmaasuq lagu soo xulay
xubnihii baarlaanka puntland oo ka koobnaa 66 xildhibaan, 8 Janruary
2009, ayaa waxaa la doortay madaxweyne Cabdiraxmaan Faroole, oo ay
doorteen xildhibaano markii horeba ku yimid si aan cadaalad ahayn, marka
maxaa ka imaan kara dawlad xildhibaanadooduba ahaayeen kuwo ku yimid
cadaalad daro iyo eex, miyasen ahayn arrinto hal booli ah nirig xalaal
ah ma dhasho, maxase loogu magac dari kara dawladaa, way fudud tahay
magaceedu i dooro ha ku kala faquuqee, maalmo yar ka dib waxaa soo shaac
baxay in beelihii reer puntland in lagu dhexbeero colaad, kalsooni daro
iyo xurmo la’aan taas oo ka dhalatay falal gundhig u ah habkii xumaa ee
ka dhashay nadaamkii loo soo xushay ergadii xildhibaanada degaanada
puntland iyo maamulkii looga dhawaaqay maamul goboleedka puntland oo aan
ahayn mid cadaalad, dhaqan iyo siyaasad toona aan ku saleysnee, ee ahaa
mid ku salaysan hab qabiil, hadaba akhristoow qabiil maamul ma noqon
kara? Jawaabto waa maya, owrka waraf ma lagu daye. Maxaase fa’iido ah oo
laga helay isbedel doonkii puntland, waa waxba.
- Xurmadu mar bay xurquun noqota
- Xaajo aan xushmad lahayn xurguf iyo xasarad bay xeerisa
- Xisaab iyo xeerar bay kula gashaa
- Xulashadii xukumadii faroole, xiisadii ka soo yeertay xisaab baa
ka dambeeysa
- Xukuumad aan xeerarkii dastuurka xormeeynayn
- Xisaabaa u dambeeysa
- Xildhimaan aan xafideyn xeerarka dastuurka
- Xisaabaa u dambeeysa.
Dahir Warsame – Mbc
UK
dwarsame@hotmail.com