Maraykanka oo Puntland u Gacangeliyey Sagaal nin oo Burcadbadeed ah
 Xalay (Feb 3, 2009) abaarihii
6dii maqribnimo ayaa sagaal Nin oo Burcad badeed ah lagu wareejiyay maamulka
puntland waxaana burcadbadeedaas soo qabqabtay Ciidamada Ameerikaanka ee kusugan
Badweynta Gacanka cadmeed ee aagga Soomaaliya .
Dekeda magaalada bosaso meel dhawr mayl u jirta waxaa soo istaagay markabka
nooca dagaalka ah oo ay leeyihiin ciidamada ilaalada xeebaha ee maraykanka oo
siday sagaalkaas burcad badeeda ah .
Maamulka puntland ayaa burcadbadeeda kula soo wareegay mid ka mid maraakiibta
ilaalada xeebaha ee puntland cost guard la yiraahdo, amaanka dekeda xalay waxaa
si weyn u sugayey ciidamada amaanka oo aad u tirabadnaa waxaa sidoo kale xalay
la xiray wadooyinka soo gala dekeda magaalada bosaso intii ragga lala kala
wareegayey.
Taliye kuxigeenka ciidamada policeka ee puntland maxamed siciid jaqanaf oo
warbaahinta la hadlay isagoo dekeda ku sugan ayaa sheegay in maraakiibta
ciidamada maraykanku la soo xiriireen sadex maalmood ka hor isla markaana ku
wargeliyeen inay ku soo wareejinayaan burcadbadeedka ciidamada maraykanku
qabqabteen
Gudoomiyaha gobolka bari muuse geelle ayaa isna sheegay in sida dhakhsiyaha
badan loo horgaynayo maxkamad kooxdaas buracadbadeeda ah.
Ugu dambayntii sagaalkii burcadbadeeda ahaa waxaa loo galbiyey xabsiga weyn
ee magaalada bosaso waxaana isla xabsigaas ku jira rag badan oo ku eedaysan
falal burcadbdeednimo waxayna sugayaan in la horkeeno maxkamad.
Maamulka puntland dhawr jeer ayaa loo soo gacangeliyey kooxo burcadbadeed ah
waxayna tani noqonaysaa markii ugu horaysay oo ciidamada ilaalada xeebaha
gacanka cadmeed ee maraykanku ku soo wareejiyaan maamulkan puntland koox
burcadbadeed ah.
cabdirisaaq xasan cabdi
cabdirisaaqjuba@hotmail.com
bosaso somalia
Faafin: SomaliTalk.com | March 4, 2009 | 
Daabaco
Boggan | Print
Yemen:
C/laahi Yuusuf oo Booqday Qabrigii Ismaaciil Jabarti... + sawiro