SOMALITALK.COM dahabshiil
w w w . S o m a l i T a l k . c o m
SOMALITALK - MAQAAL

Madaxwayne C/raxman Shekh Max’ed Farole ,C/risaaq Wiilcadde

Waxaan kamid ahay shacabka kudhaqan puntland , mudooyinkii dambe laga billaabo 2005 illaa wakhtigan lagu jiro 2009 waxaan jogay Caasimada maamul goboleedka puntland,

xilligii uu joogay madaxwaynihii hore C/laahi yusuf Axmed waxaan jogay laba magaalo oo kala ah Boosaaso iyo Gaalkacyo , oo labaduba kamid ah Magaalooyinka ugu waawayn ee ay leedahay Puntland ,

Waxaan kaloon taagnaa oo aan joogay Doorashadii kadhacday Caasimadda Maamul Goboleedka Putnland ee Garowe Taariikhdu markii ay ahayd 8 January 2009 ,
Habka ay udhacday Doorashadu waxay ahayd hab run ahaantii wanaagsan marka laga eego Sadex Qodob ,

Qodobka Koobaad oo ahaa isbadal, taaso shacabka rer puntland ay aad iyo aad u danaynayeen , hadii ay dalka jogaan iyo hadii ay dalka dibaddiisa joogaan ,

Qodobka labaad waxaa uu ahaa habka ay udhacday doorashada oo ahaa hab run ahaantii nabadgalyo , waxaa lasameeyay ciidan nabada iyo xasiloonida ilaaliya intii lagu jiray doorashada , markii ay doorashadii dhamaatay maalintii khamiista ee ay bisha January ahayd 8 , waxaa dhacay isusoobax dadwaynuhu sameeyeen oo ay kutaageerayaan madaxwaynaha cusub C/raxmaan Sheekh Maxamed Faroole ,

Qodobka Sadexaad oo isagauna ahaa Madaxwaynaha ladoortay laf ahaantisa oo si wanaagsan loogu qancay , Shaqsi kastana uu utahniyadaynayay hadii uu jogo dalka iyo hadii uu jogo dalka dibaddiisa ,

Hadii aan sooqabsado qodobka ugu dambeeya ee ah Madaxwayne C/raxmaan , waxaa dhacday maalintii jimcaha ahayd bisha January ay ahayd 9 waa maalintii doorashada maalintii kadambeeysay e in uu iska taagay Masjidka wayn ee Garowe kuyaal lana yiraahdo Masjidu saxaaba , kadib markii latukaday Salaadii jimcaha , arrintaasi kolley aniga waxay igu ahayd arrin cusub , waayo maanan arkin mana maqlin Madaxwayne ka iskataagay masjid dhexdii oo dadkii wacyi galinaya una sheegaya anshaxa iyo falalka suuban , iyo waliba ayadoo ladoortay shalay oo kale , waxaan oran karnaa ama ay tahay waa ficil madaxwayne sameyo kii ugu horreeeyay , arrintaasi maahan maalintaa kaliya ee waxay dhacday dhawr goor oo kale oo kadambaysay jimcahaas ,

Dhanka waxqabadka ,

Madaxwayne C/raxmaan Sheekh Maxamed Faroole Waxaa uu madaxwayne yahay mudo 40 Cisho ah waxaa xaqiiqa ah mudadaas maalmaha ah ee uu madaxwaynaha ahaa in waxbadan oo ballaarani ay isabadaleen , ha’ugu horreeyo amniga guud ee magalada Garowe taasoo u ah xarun Maamul goboleedka puntland

Madaxwaynuhu waxaa uu mar labaad iska taagay masjidka waxaa dhacday inuu kahadlay arrin kusalaysan ammaanka taasoo uu gundhig uga dhigay in ay jiraan dad hubaysan oo magaalada gudeheeda hub ladhex maraya taasoo uu amar kubixiyay cidii hub lagu arkaa ayadoo haysata oo ladhex wareegaysa magaalada gudeheeda in lagana qaado qoriga oo ay kala wareegto dawladda kii laga qaadayna xabsi lootaxaabo ficilkaasi waa uu fulay wacyigalin kadib marqura ayaa waxaa soobaxay ciidan safballaaran kusocda oo qof allaale iyo qofkii ay hub ku’arkaan kadhigaya isagana utaxabaya xabsi taasoo keentay in dad badan oo hubaysnaa inta lagu qabtay laxiray , waxaa magaalada kadhamaaday gudeheeda hub qofka wataa inuu ciidanyahay iyo inuu shacab caadi ah yahay aan lakalagaranayn ,

Arrinta kale oo run ahaantii haykal madaxnimo muujinkarta waxaa kamid ah xafiiskii madaxtooyada puntland oo aad kagarankarto in ay tahay xarun madaxtooyo, laakin markii hore aan loogaran Karin in ay tahay madaxtoyo in qofka agmaraya latuso oo loosheego maahee , laakin hader qofku marka uu arko sida bilicsamida ah iyo calanka jamhuuriyada oo kataagan iyadoo aan loosheegin ayuu fahmayaa in ay tahay meeshaasi meesha uu fariisto madaxwaynaha dawlad goboleedka puntland ,

Madaxwaynuhu waxaa uu safar kutagay magalada boosaaso waxaa uu shir laqaatay madaxda puntland iyo ganacsatada waxaa kale oo uu kor meer kumaray dhamaan goobihii adeega bulshada oo dhan waxaa uu tagay goob dadka laga tahriibiyo , oo ah goobaha khatarta ugu badan ay
kala kulmaan dadka soomaalida ah dagaalada kadib ,
Taasoo aysan jirin masuul si toos ah utagay meeshaas markii laga reebo madaxwayn C/raxmaan Sheekh Maxamed Faroole ,

Markii uu kasonoqday Boosaaso kadib waxaa uu safar kale kutagay Xarunta Gobolka Mudug ee Gaalkacyo , Madaxwaynuhu waxaa uu tagay meelo badan oo kamid ah gudaha magalada gaalkacyo , waxaa kamid ahaa meelaha uu tagay Cusbitaalka magalada, Taliska ciidanka booliska, ayraboorka, xeryihii ciidamada, iyo dhamaan goobaha adeega bulshada oo dhan ,

Madaxwaynuhu waxaa uu shir laqaatay odayaasha iyo ururada haweenka iyo aqoonyahanada dhamaan gobolka mudug isagoo aan kalasaarin , waxaana uu aad iyo aad uga hadlay sidii amniga wax looga qaban lahaa , marka amaanka laga hadlayo dhanka mudug waxay ahayd meelaha amniga xagiisa laga dhaliilo , ayadoo ay sidaas tahay ayuu madaxwaynuhu waxaa uu lakulmay qaybaha ay kakoobantahay magaalada gaalkacyo oo ah waqooyiga iyo koonfurta waxaana uu isu soodhaweeyey labadaas qaybood ee ay kakoobantahay magalada gaalkacyo isagoo mihiimadiisu ay ahayd sidii amniga guud ee gobolku u noqon lahaa mid sugan ,
Booqashada madaxwaynaha magalada gaalkacyo ayaa waxaa lagu tilmaamay in ay tahay mid run ahaantii noqon karta wax ku’ool rajo la’aan badan oo laga qabay xaga amnigana ubadashay rajo lahelo tii igu fiicnayd ,

C/risaaq Wiilcade

Tel: 00252 90 747473

Punt land

Garowe

tirmidi1@hotmail.com

Faafin: SomaliTalk.com | March 3, 2009

Kulaabo bogga www.SomaliTalk.com © www.SomaliTalk.com

La soo xiriir:

IIDHEH
XAYAYSIIS