SOMALITALK.COM dahabshiil
w w w . S o m a l i T a l k . c o m
SOMALITALK - WARAR

Kaambeynka Doorashada Madaxweynaha Dowlada TNG-da cusub oo Si Rasmi ah u Bilowdey iyo Daadka Qado Sharafyo Siyaasadeed oo Qaarkood ay Bilowdeen

SAWIRRO: Daawo Sawirada Musharaxiinta iyo Kulanka...

Kulan lagu dhegeysanayey khudbooyinka Musharixiinta xilka Madaxweynihii Afraad ee lagu doorto dalka dibadiisa oo uu shir gudoominayey sii hayaha xilka madaxweynaha, ahan Gudoomiyaha Baarlamaanka FKMG Sheekh Aadan Madoobe iyo ku xigeenadiisa ayaa Ra'iisul Wasaarihii hore ee dalka Maleesiya Maha Tiir Maxamed a khudbad taariikhi ah oo dhinacyo kala duwan taabaneyey ujeediyey Xildhibaanada Baarlamaanka TNG 29/0/1/2009 Guriga Ummada ee caasimada dalka jabuuti.

Gudiga doorashada madaxweynaha Soomaaliya oo lagu kordhiyey Xildhibaano cusub oo ka tirsan ARS ayaa hawshoodii dhegeysiga soo gebagebeeyey, 15 xubnood oo isugu jira Siyaasiin caan ah, Xildhibaano ka tirsanaa Baarlamaanka FKMG iyo laba xubnood oo kale oo shacabka ka tisan oo isu soo taagey Jagada Madaxweynenimada ayaa hadalo isku dhow ka jeediyey Guriga Ummada ee Caasimada dalka Jabuuti, marka laga reebo Xildhibaan Maxamed Qanyare Afrax oo ka tanaasuley tartankii doorashada Madaxweynaha.

Musharaxiintii halkaasi ka hadashey waxaa ka mid ahaa Cabdiraxmaan Cabdi Xuseen, Axmed Xaashi Maxamuud, Cali Xaashi Dhoore, Cali Khaliif Galeyr, Cawad Axmed Casharo, Xasan Abshir Faarax, Maslax Maxamed Siyaad, Maxamed Axmed Cali, Maxamed Maxamuud Guuleed, Maxamed Cusmaan Aadan,Muuse Macallin Yuusuf, Nuur Xasan Xuseen, Shariif Sheekh Axmed, Yuusuf Cumar Al-Azhari, dhamaan Masharixiintan meesha ka hadashey ayaa marka laysku soo duubo hadaladooda waxay muujinayeen dhibaatada dalka iyo dadka Soomaaliyeed haysata in mudo ah, islamarkaana ruuxba si u cabirey, balse aan la ogeyn ruux kasta waxa u qarsoon.

Waxay keloo muujineysaa khudbooyinka Musharixiintan, in ay soo yaraaneyso hamigasiyaasadeed ee ku dhisan damac daaleedka siyaasadeed aan ku soo jirney, sababtoo ah doorashan tii ka horeysey waxaa tartamey 28 Musharax, waxaana ku guuleystey madaxweynihii xilka ka degey Col/ Cabdullaahi Yuusuf, halka maanta ay mareyso 14 xubnood in ay doorashada isu soo taagaan, dadkuna waxay hadal hayaan Sheekh Shariif iyo Nuur Cadde.

khudbooyinka laga jeediyey Guriga Ummada oo ahaa kuwo aad u dhaadheer, islamarkaana xambaarsanaa muhiimado gooni gooni ah ayaa waxaan soo qaadaneynaa ahaa aabihii mideynta TFG iyo ARS, Nuur Xasan Xuseen waxaa hadaladiisa ka mid ahaa "hadii aan guuleysto, doorashada madaxweynaha waxaan balan qaadayaa soo dhisida Dowlad midnimo Qaran oo fulisa adeegyada soo socda, sida soo celinta Amniga, kala dambeyntii iyo shuruucda dalka, in hay'adaha ugu sareeya ay xurmeeyaan Adiga KMG iyo shuruucda dalka, ilaalinta xuquuqda bani'aadamka iyo xoriyada shekh-siga, tixgelin weyn siiyo fududeynta gar gaarka Ban'aadaninimo, caafimaadka wax-barashada, horumarinta dhaqaalaha iyo dibu-dhiska dalka, lana dhameystiro dibu-hehiisiinta, iyadoo la raacayo qaabkii hada uu ku socdey oo ahayd in nabadeyn wax lagu raadiyo, Soomaaliya ay noqoto meel nabad ah oo caalamka nabad kula noolaada, si walaallaheena Soomaaliyeed ee kale si nabad ah ay ugu soo biiraan geedi socdka nabada, khalaafkastana lagu raadiyo si nabad iyo cadaalad ah, hawlaha ku xusan Axdi Qarameedka xiligii loogu talo galey lagu fuliyo, lana xaqiijiyo fulintooda, si loogu gudbo abuuris asxaab siyaasadeed iyo dooho xor ah, ilaaliyona xuriyada saxaafada tixgelina ay mudan tahay in la siiyo, kaalinta bulshada Rayidka, maamulka maaliyudan uu noqdo mid waafaqsan nidaamka caalamiga, lana dhowro dhaqanka suuban ee Ummada Soomaaliyeed ee ku saleysan Diinta Islaamka" ayuu ku yiri khudbadiisa Nuur Cadde oo ahayd mid si gaar ah looga fiiqayey hawlaha ugu muhiimsan ee xiligan loo baahan yahay.

Gunaanadkii khudbooyinkan kadib ayaa siihayaha xilka Madaxweynaha, ahna Gudoomiyaha Baarlamaanka Sheekh Aadan Madoobe waxaa uu u soo jeediyey Xildhibaanada Baarlamaanka in shirku uu xiran yahay, islamarkaana dib layugu soo noqondoono gelinka dambe ee maanta oo ay Taariikhdu ku beegan tahay 30/01/2009-da

dhinaca kale Xildhibaan Sheekh Shariif Sheekh Axmed ayaa Qado sharaf siyaasadeed oo lagu soo bandhigayey awoodaha codka doorashada Madaxweynihii Afraad ee lagu doorto dalka dibadiisa ee uu u taagan yahay qabashada xilkaas ka bilaabey Hoteel pailoter ee Caasimada dalka Jabuuti 29/01/2009-da, qado sharaftan siyaasadeed oo ay ka soo qaybgaleen Waiirka Warfaafinta Dowlada Jabuuti Cali Cabdi Faarax iyo Wasiirka Arimaha Diinta Dowlada Jabuuti Dr. Xaamud Suldaan, Gudoomiye ku xigeenka Koowaad Prof dhalxa iyo ku xigeenka labaad Cismaan Cilmi Boqore, inta badan Xildhibaanada TNG, siyaasiin kala duwan iyo xubno ka socdey Ururada Bulshada Rayidka xildoonka ayaa waxaa ka hadley Gudoomiye ku xigeenka Koowaad ee Baarlamaanka Prof, Dhalxa, Xildhibaan Dr. Maxamed Cali Ibraahim iyo Xildhibaan Cabdirashiid Ciro waxayna si guud iyo si cadaan ah halkaan ugu soo jeediyeen xubnahan meesha ka hadley taageerada ay u hayaan Qabashada xilka Madaxweynaha Soomaaliya Sheekh Shariif Sheekh Axmed.

Guddoomiye ku-xigeenka koowaad ee baarlamaanka Prof. Max’ed Cumar Dalxa"Haddaan nahay TFG, waan iska musharaxiin badanahay, mana suurta galeyso in gebi ahaanba musharaxiintaasi ay ku wada guuleystaan kursiga, waana mida aad nooga fiican tihiin haddii aad tihiin ARS, waadna ka dhabeyseen wadaad-nimadiina sababtoo ah waxaad soo sharaxateen hal musharax,haddaan runta sheego shaqsi dhalinyaro oo Shariifka oo kale ah inuu na hogaamiyo, odayaashu wey na qaribeen" ayuu yiri Prof Dhalxa.

Sheekh Shariif hadalkii ugu horeeyey ka jeediyey isagoo Xildhibaan ah halkaas ayaa wuxuu sharaxaad ka bixiyey sababaha uu isgu yeerey Xildhibaanada Baarlamaanka, sababaha uu iskugu soo taagey Muharaxnimada iyo balan qaad uu sameeyey

"waxaan aad ugu faraxsan yahay inta hortayda ka muuqta maanta xildhibaanadii TFG-da, iyo kuwii ARS, isla markaana hal meel ku wada sharaabaya una jeestay hal meel iyo ayna ka shaqeeyaan danaha dalka, dadka iyo diinta, ujeedada ugu weyn ee aan maanta halkan isugu kiin yeernay idinkoo mideysan waxa ay aheyd, inay is bartaan xubnaha xildhibaanada baarlamaankana, isla markaana ay ku kulmaan meel ka baxsan shaqada si loo fududeeyo hawlaha na horyaala, maadaama qeybo badan laga soo kala galay baarlamaanka marxalad cusub-na la galayo in dhinac walba laga muujiyo in isku mid la wada yahay mas’uuliyadna la qaaday, marxaladda cusub ee la galayo iyo waxyaabaha na hor yaala waxay tilmaamayaan Midnimo dhaafsiisan inta hadda jirta ee muuqata, marka qorshahaani woxow ku saleysnaa qaabka aan isleenahay maadaamaTFG wax yaabihii ugu badnaa ee ay ku fashilantay ay ahaayeen is qabqabsi dhexdeeda ah iyo howsha oo culeys badani ku yimid in la abuuro jawi wanaagsan oo farxad leh, waxyaabaha ugu muhiimsana waa taas maanta inaad isku timaadaan, marka dhaamaan xildhibaanada waxaan ka codsaneynaa inaan ku wada dedaalno maslaxada guud iyo sidii looga shaqeyn lahaa".

Xildhibaan Sheekh Shariif isagoo ka hadlaya in uu isku soo sharaxo Xilka madaxweynenimaa waxaa ugu weyn oo aan isleenahay wax weyn ayaad ka bedeli kartiin jawigan iyo marxaladda lagu jiro, haddii aan helno codkiina, taageeradiina iyo mida shacabka, dabcan Bacdallaahi subxaanahu watacaalaa, marka Insha allah waxaan rajeyneynaa kalsoonidiina inaan heli doono oo aad nagu sharfi doontaan codkiina, Anagu waxaan idiin balan qaadeyaa inaan idinku dhaqi doono Cadalaad, Sinaan, horumar Amni iyo nabad iyo Eex la’aan, Somalia maanta waxa halkan dhigay waa Eex iyo marna in aysan dhicin Guruubeysi iyo kooxeysi Insha allah, maxaa yeelay isbaheysigeenu wuxuu heerkaan ku soo gaaray isu tanaasul iyo iska warqab iyo isku duubni, insha allah kaas ayaana hiigsaneynaa inaan wax ku wadno" ayuu hadalkiisa ku soo gebagebeeyey Xildhibaanku.

Maxamed Macallin Cismaan(All-man) Somalitalk Jabuuti
fatxumaalik@hotmail.com

Xildhibaanada cusub ARS ayaa si rasmi ah loogu dhaariyey Guriga Ummada ee Jabuuti +sawirada dhaarta iyadoo Xaruntii Baarlamaanka DFKMG ee Magalada Baydhbo ay ka talinayaan Xoogaga Al-Shabaab.... Akhri Jan 29

Faafin: SomaliTalk.com | Jan 30, 2009

 

BAARID | SEARCH


yuusufC/Laahi Yuusuf oo Is Casilay Isniin Dec 29, 2008
Madaxweyanaha DFKMG ayaa ku dhawaaqay in uu iska casiley xilka DFKMG Akhri Warka oo dhan...

::Maraakiibta La Afduubo ee Soomaaliya & Faahfaahin Burcad Badeeda

"Markabka sida Taangiyada iyo hubka waxaan ka rabnaa Madax-furasho gaareysa $35 Milyan oo Doolar"
sidaas waxaa yiri nin u hadlay burcadda.. iyo Markab laga leeyahay Japan oo laga qaatay $2 million Akhri... Sept 28


Kulaabo bogga www.SomaliTalk.com © www.SomaliTalk.com

La soo xiriir:

IIDHEH
XAYAYSIIS