Soomaaliyeey:Raad Abeeso xagge loo raacaa?
15/03/1978 Markii reer galbeed, Reer bari, gaar ahaan Ruushkii, kuuba
iyo Itoobiyaanku iyo qaar kale ay dagaalkii Ogadeen ku jabiyeen
ciidamadii soomaaliyeed. Waxuu jabkaasi horseeday burburkii ku yimid
dawladii Soomaaliyeed 27/01 1991 iyo musuubooyinka ka danbeeyay
28/12/2006 ilaa maantay.
- KMG, dhismaha ay ku sheegeen ku meelgaarka, yaa dhistay, bixiyay
kharshkii ku baxay qaban qaabadiisii, shirarkii dib u heshiisiinta lagu
magacday, yaa lahaa go`aamadii iyo quudinta dawladihii lagu meel
gaarayay?
- Inay burbur qarka u saran tahay ku meelgaarkii lagu soo dhisay
Kenya 2004, waxaa sabab u ah wax badan oo iskaashaday, khaladaadka
Soomaaliduna ay ugu yar-tahay:
* Shirkii lagu soo dhisay KMG oo qaatay muddo aad u dheereyd,
maalintii uu dhamadaeyna waxaa la isku qabsaday xaggee degeynaa/ xarun u
noqoneysa KMG.
* Dawladaha ay dantoodu tahay in warbaahintu sheegto in hawlaha la
dagaalamka argagixisada ay marayaan heer sare, waxay ka horyimid wax la
qadabkii KMG. Waxay dawladahaasi dhaqaale iyo taagaareeyin kale ku
harqiyay dagaal-oogayaashii, ilaa muwaadin kasta uu naftiisa u yaabay.
Kacdoonkii ka dhashay dhibaatadii la dareemay, shaki kuma jiro inay
marin habowsheen deg-deg, damac gaar ah iyo farsamo la`aan siyaasadeed.
Inkasta oo lixdii bilood oo ay jireen Maxkamadihii aheyd muddadii nabad
looga seexday koonfurta Soomaliya intii ka danbeysay `90. Waxaa markii
ugu furay Garoonkii iyo dakeda xamar oo howlaheedii laga dhigay rasmi.
Hase yeeshee kooxda ICG si kale bay arkaan “overtaken yet again by an
Islamist insurgency”. Tan macnaheedu soo noqonmeyso inay ka soo
horjeedaan nabadgalyada, horumarka iyo madax bannaanida ummadaha doonaya
inay doortaan cidda u talineysa
- Markasta waxgaradka Soomaaliyeed waxay isweydiiyaan, yaa ka
danbeeya burcad badeedka? Jawaab dhab ah loo ma helin, hase yeeshee
waxay sheekadu u badatay waa wiilal KALLUUMEYSATO ah oo doonyihii iyo
qalab kale oo ay ku shaqaysan jireen burcad kalluumeysato shisheeye ahi
ay ka burburiyeen. Waxaan shaki ku jirin in si sharci darro ah badda
Soomaaliya ay shirkada shisheeye uga kalluumeysan ilaa `91. In lagu
duugay qashin badan sida, kan warshada, istibaalada iyo sun kale.
Fiiri nimanka timaamaya hamaha suntan.guji farta khada cagaaran.
Marka aragtida ICG “The international community is preoccupied with a
symptom – the piracy phenomenon” soo ma noqoneyso mid ay ku habbon tahay,
murtidii Soomaaliyeed “Nin ku dilay har kuuma jiido”.
La soco qeybta 3
shakib dhowre
Shakib_dhowre@hotmail.com
:::Soomaaliyeey:Raad Abeeso xagge loo raacaa?
- Shakiib
Afeef: Aragtida qoraalkan waxaa leh qoraaga ku saxiixan