Muqaawamada Gaza Duruus mudan in laga Faa’iideysto (2)
قال تبارك وتعالى ( أُذِنَ لِلَّذِينَ يُقَاتَلُونَ بِأَنَّهُمْ ظُلِمُوا
وَإِنَّ اللَّهَ عَلَى نَصْرِهِمْ لَقَدِيرٌ ، الَّذِينَ أُخْرِجُوا مِنْ
دِيَارِهِمْ بِغَيْرِ حَقٍّ إِلَّا أَنْ يَقُولُوا رَبُّنَا اللَّهُ
وَلَوْلا دَفْعُ اللَّهِ النَّاسَ بَعْضَهُمْ بِبَعْضٍ لَهُدِّمَتْ
صَوَامِعُ وَبِيَعٌ وَصَلَوَاتٌ وَمَسَاجِدُ يُذْكَرُ فِيهَا اسْمُ اللَّهِ
كَثِيراً وَلَيَنْصُرَنَّ اللَّهُ مَنْ يَنْصُرُهُ إِنَّ اللَّهَ لَقَوِيٌّ
عَزِيزٌ ) الحج
Rabi waxa uu qur’aanka Kariimka ah nagu barayaa in ay tahay xaq
Sharci ah in dadka ladulmiyay dhulkooda iyo guryahooda laqabsaday ilaa
in ay Rabi rumeeyen,Rabina waa mid awooda in dadkaas uu u
gar-gaaro,Rabina uu u uw u gar-gaarayaa cid walba oo u gar-gaarta
Diintiisa iyo Muslimiinta dhiban.
Waxa maanta ka dhacaya Gaza guumaad iyo xasuuq iyo bur bur dhinac
walba ah iyo ku xad gudubka bani’aadnimo waxa ugu yar,iyo sida Aduun
weynaha raali uga yahay ugana aamusanyahay,ayada oo daqiiqad walba
warbaahinada Aduunka qaar ka mid ah ay soo Sawirayaan muqaalo iyo Sawiro
qof walba oo qalbi leh,damiir iyo danqasho yarna ay qalbigiisa ku jirto
uusan u dul qaadan karin in uu idhihiisa ku daawado,waa wax la’la
yaabo!!!!!dad muslimiin ah oo sidaa Yuhuuda si waxuushnimo ah ay u
gumaadayaan,ilaa iyo hada tiradaay laayeen waxay ay marreysaa daqiiqad
walba ay sii kordheyso tiradda 765 Shuhado ah,3125 dhaawac ah 350
inkabadana ay yihiin dhaawac halis ah ,50% dhaawaca iyo dhimashada ay
yihiin Caruur iyo Dumar,14 maalmoodna uu ku socdo gumaad aanan waxba loo
qaban karin, waxba lagu taageeri karin,balse waxa ah wax laga sii naxo
qaar ka mid dadka muslimiinta ah marka aad fiirisid sida ay aysan warba
uga heynin dadkaas Muslimiin ah ee gumaadka ku socdo ,waxaaba is
oraneysaa waxay u heestaan in dadkaas ay ku noolyihiin Caalam kabaxasan
Caalamka aan ku noolnahay.
Waa dhab waxaa dhamaaday isku danqashadii muslimiinta dhexdooda,waa
dhab waxaa yaraaday dareenkii mus’uuliyadeed,waa dhab qofwalba waxa uu
heestaa Amni iyo waxa uu cuno war kama war hayo in uu aduunka ku
noolyahay Walaal Muslin ah oo qatan,walaal Muslin ah oo gacan Gumeysi
kujira ,Walaal Muslin ah oo xabsiyada lagu hilmaamay, qofwalba waxa uu
ku mashquulsan yahay Tuulada yare ee reerkiis dagan yahay.
Waxaa mar naba shaki ku jirin Diinteena ay horay noogu sheegtay in
ummada Muslimiinta ah dhexdooda mar walba laga dhex helayo dad u
istaagta sidii ay u soo celin lahayeen Muqadasaadkii ay la hayeen
muslimiinta ee la boobay iyo Cizadii uu lahaa qofka Muslimka ah, kamana
baqaan wax walba oo lagu garaaco iyo cidwalba oo ku garaacdana
,Taariikhduna waxay nabartay in dhib walba iyo gumaadka walba oo
loogeesto Muslimiinta,waxaa dhab ah in ay soo saarto awooda iyo tamarta
Muslimiinta.
Hadaba hadaan aragti caafimaad ku eegno Gaza oo sidaa u gubaneyso
dhinac walba waxaan aaminsanahay hadaan nahay SOMAALI kana mid nahay
dadyawga Muslimiinta ah ee la heesto dhulkooda, in wax yaabo badan aan
ka faa’iideysan karno Muaqaawamada Gaza ee barakeysan ayada oo aanan
halkaan marna lagu soo koobi karin,qormadeynii horna aan wax kamid ah ku
soo qaadanay.
2- Reer Gaza,Shacab ku timaaman Dharab adeeg iyo Sugnaan.
Sumaya waa 10sano jir waxay ka mid tahay Caruurta Gaza ku nool waxay
hadalkeeda ku bilowday,waxaan ku cayaarayay barxada guriga aniga iyo
caruur kale kaftan iyo qosal,Daqiiqad gudaheed ayaa hal mar waxaan
maqalnay qarax iyo qaylo aanan garaneynin halka ay ka timid badashayna
farxadii iyo qosalkii naga muuqaday waxyar ka hor ,Naxdin iyo Argagax
kadib waxaan fiiriyay Cirka mise waxaa qariyay madow aanan garaneynin
halka uu ka yimi waxaan ku soo orday gurigii bal dadka guriga jooga si
aan wax uga waydiiyo waxa aan maqlay,qofna ma aanan helin,waxaan shiday
Raadiyaha,waxaa ka hadlayo wariye dadka u sheegayo in gataalada
Diyaaradaha Yuhuuda ay soo ridayaan sidaas darteedna meel fiican laga
galo,banaankii aan ka mi ayaa hal mar waxaa siibatay sawaxankii iyo
Qeyladii aan horay u maqlay,waxaan marlabaad u soo baxay Banaankii una
dhaqaaqay halkii ay dadka u ordayeen mise waxaa waran oo daadsan qeyb ka
mid ah Ciidankii Booliskii Gaza, qeyb ka mid ah waxaa kabaxaday Nafta
Xubin walbana meel ay taalo iyo wax dhaawac ah,waana Booliskii aan ku
faanaynay,hal mar baan waxaan iri Xasbunallahu wanucmal wakiil
,hadalkeedii waxay ku soo gaba’gabeysay walaahi wax walba oo Yahuud nagu
suubiyaan marna is dhiibi meyno,wax walba aad nagu garaacdaan, waxaan ka
qaadeynaa Dharab adeeg iyo Sugnaan,waxaana nahay dadkii lahaa Dhulkaan
aad xooga ku heesataan.
Maxaan ku tilmaami karnaa dharab adeegaas iyo sugaantaa in taa
la’eg,gabaryar oo Da’daas jirta,sidaas u hadleyso,sidaas u rumeysan waxa
ay aaminsantahay,rumeysan dhib walba iyo Gumaad walba loo geytso in uu
ka dambeeyo Nasri iyo guul,waa caruur lagu soo tarbiyay yaraantooda
Dhabar adeeg iyo Sugnaasho,iyo dareen Mas’uuliyeed,waa caruur ka tusaalo
qaadatay kuwii ka horeeyay Aabe, Adeer,Walaal,Daris,iyo cid walba oo ay
u garanayaan in naftiisa u horay Diinta,waa run waa caruur aanan ku soo
bar baarin Nolal Taraf ah(xadka ka baxsan) waa run waa caruur waxay ku
cayaari lahayen ka suubsada waxa ka soo haray Gantaalada lagu laayo.
Waa tusaalo yar oo kamid ah Dhabar adeega iyo Sugnaanta ay ku
timaaman yihiin Shacabka Gaza,hadaba waa Cashar aan ka faa’iideysan
karno in Ilmaheyna inta ay yaryihiin aan ku soo bar baarimo,Mabda’a
adage e qofka Muslinka ah ee uu rumeysan yahay marna in uusan isbadalin,
wada’dana ay dheertahay, wax walba oo lagala kulma wada’daas dheerna
looga gudbi karo Dhabar adeego iyo Sugnaasho.waxaase wax laga naxo ah
inbadan oo caruurta aan dhalnay aysan faraba noogu jirin,marna aanan ka
fakirin sidaan ugu bar baarin laheyn siday Risaalada Rabi ugadan
lahayen,waxaana halkaas ka soo baxay markii mas’uuliyadaas lagabay Ilmo
aanan laheyn Hadaf,Ilmo aanan aragti laheyn,Ilmo aanan garaneynin wax
lahuro,Ilmo ku nool Qiyaali iyo dhalanteed Aduun.
Dr Feysal Abu Heyn,waa Mutaqasis ku taqasusay Cilmu Nafsiga,waxa uuna
Macalin ka yahay Jaamacada Gaza,asaga oo ka hadlayo Barbaarinta Caruurta
waxa uu yiri lana hadlayo Aabaha wanaagsan: Bar ilmihiina Qanaacada iyo
Dulqaadka,iyo dhabar adeega,yaraanta ku bara dareenka
Ma’uuliyadeed,yeesan wax walban adaga ka sugina inaad ku caawisid,bar in
uu mar marka qaar la kulno waxyaabaha adag,kana sug sida uu u xalin
lahaa oo uu uga gudbi lahaa si uu u dareemo in uu yahay Ms’uul.
12/27 xili Duhurnimo waxay aheyd markii Boqal in kabadan Diyaaradaha
Nooca F 16 ay si gaadmo ah weerar ugu soo qaadeyn Gaza islamarkaasna
ay duqeyn ba’an u geesteyn in kabadan 50 meel,waxaa ka dhacay Xasuuq in
kabadan 40 sano aysan arkin Reer Falastiin, meel walba oo ay dad taagan
yihiin waxay ku tuurayen gataan kaas oo aanan u kala aaba
yeeleynin,goobihii Waxbarashada,Masaajidada,Xerooyinka
Ciidanka,waxaa ka dhacay Gumaad arxan daro ah,waxaa mudo saacad ah
nafwaayay 350 qofood, 200 in kabadan waxay ahayen Ragii Xamaas u badan
ragii Ciidamada ahaa oo ay wahliyaan rag kamid ah Mus’uuliyiinta
Ciidanka,900 oo Qofna waxay noqdeyn dhaawac,waa fajac iyo amakaak iyo
naxdin,wax walbana waxay isku badaleyn Saacad gudahood,meel walba waxaa
daadsan meedad,dhaawac,daawo la’aan,koranto la’aan,duqeyn aanan kala
joogsi laheyn.waa arin Naxdin leh,bur bur meel walba gaaray.Gaza waxay
noqotay qofwalba in uu raadsado meel uu kagalo gantaalada ay diyaaradaha
soo ridayaan,dadkiina waxaa kawada muuqdo argagax iyo amakaak.
Sida lagu yaqaano dadka Muslimiinta ah Sabirkana lagu macneeyo waa
dhacadada hore ee qofka wax ku dhacaan in uu ku Sabro asaga oo ka
sookabanayo waxa ku dhacay oo dhib ah ,saacado kayar kadib waxaa halmar
isbadalay dhamaan waxii ku noolaa Gaza,maba aha dadkii waxaas oo dhib ah
ee aan ka soo sheekeynay soo gaaray,Shuhada’dii oo la’aaso,dhaawicii oo
laguro,qof walba waa mas’uul, waxii loo diro sida ay tahay buu uga soo
baxayaa,saacdo gudahood wajigooda waxaa ka muuqda Dhabar adeeg iyo
Sugnaasho,qofwalba oo hadla waxa uu diyaar u yahay in uu kudhinto waxa
uu aaminsanyahay,marna in aysan is dhiibeyn,marna in aysan u qeela
dhaansaneyn raxmadna ka sugeynin kii ku soo duulay iyo kii hubka
siiyay,iyo kii la tolka ah ee ku taageerayay wax walba ay u baahanyihiin
oo macluumaad ah.
Hadaba aan mar labaad is waydiino maxaan ku tilmaami karnaa dharab
adeegaas iyo Sugnaantaas intaa la’eg,mise isku xili baanan nooleyn,mise
waxaan ku kala noolnahay labo Caalam oo kala gadisan,mise waxaan aan ka
sheekeeneyno waa Qisas qayaali ah oo dadka lagu maaweeliyo.
Waxaan hubaa intaba in aysan aheyn,waa dad caadi ah ,waa dad anaga oo
kale ah, inta bilood aan ku dhalanayna ku dhashay,balse farqiga noo
dhaxeeyo ayaa ah,waa dad loo tarbiyay in ay u noolyihiin Risaalada ayna
u gutaan sida ay tahay wax walba ay lakulmaan u dhabar adeegaan ayaga oo
la imaanayo marwalba Sugnaasho,waa arin Alle la waydiisto in qofka
Muslimka ah uu siiyo Dharbar adeeg iyo Suganaasho Xiliyada Adag gaar
ahaan wakhtiga ay xabadu dhaceyso.
Maanta waxaan u baahnahay hadaan rabno Muqaawamada barakeysan ee
wadanka ka jirta in ay sii socto mirana u yeelato, qofwalba oo naga mid
ah aan saarno jiil ku Tilmaaman Dhabar adeeg iyo Sugaan kana Tusaalo
Qaatay Rasuulkeenii SWC iyo Saxaabadii iyo dhamaan dadkii wanaagsanaa ee
Diidaan naftooda u soo horay,kuna bar baarino Almaheena cid walba oo
dhinta ama Shahaado qaata in aysan Risaaladaan u joogsaneynin.
- Umud walba oo doorata in lagu qoro Sadaradda ugu hooseeya
Taariikhada Umadaas waxay dhimataa ayada oo aanan laheyn Ciwaan.
NB: Fadlan walaalahaa meel walba ku dulman,gaar ahaan walaalahaa Gaza
haka hilmaamin Ducadaada.
:::Muqaawamada
Gaza Duruus Mudan in laga Faa’iideysto-
Fawsi
Lasoco qeybta 3aad
Fawsi Ahmed
Fawsi22@hotmail.com