Muqaawamada Gaza Duruus Mudan in laga Faa’iideystoGaza:
Inbadan oo ka mid ah warbaahinada Aduunka ah waxay si joogta ah Sawir
uga bixiyaan xaalada dhabaatada dhabta ah ee ay ku noolyihiin
walaalaheyn Gaza, koranto la’aan,biyo la’aan,cuna la’aan,dhaawicii oo
inbadan ka mid ah u dhimanayo Daawo yari darteed,ayada oo in badana
looheyn maryo lagu Kafano qofka marka uu dhinto,ahana waxa ugu yar ee
qofka Muslinka ah karaamadiisa kujirto, in sifiican loo aaso marka uu
dhinto,dadka waxay saacado badan fayl ugu jiraa sidii ay u heli lahayen
Qubus ay ku aamusiyaan ilmaha yar ee la ilmeenaya gaajo
darteed,Malyuun Muslim ah iyo inkabadan ayaa waxay kujiraa dhibkaas
Xabsiga ah, albaab walbana laga xirtay ayada oo waliba loogu sii daray
gumaad Taariikhda aan noolnahay marna lagu sheegin in ay dhacday wax
lamid ah.
Dhibkaas intaas la eg ayada oo ay jirto hadana markaad daawato amaba
aad dhageysato dadka ku nool Gaza sida ay u hadlayaan amaba qofwalba
marka uu ka waramo waxa soo gaaray hadalada ugu dambeeyo ee uu oranayo
amaba uu ku qeelinayo,runtii waa arin u baahan in aan in badan dul
istaagno,inbadan aan wax ka iraahno,in badana is waydiino sababta ay ku
dhacday,waxa ka muuqda haybad iyo ciso inbadan oo muslimiin ah ay maanta
ka maqantahay wajiyadooda markaad sifiican ugu fiirsatid reer
Gaza.Hadaba waxaan jeclahay inaan halkaan ku soo gudbiyo qeybo ka mid ah
waxyaabaha aan ka faa’iideysan karno Muqaawamada barakeysan Gaza,hadaan
nahay SOMAALI madaama aan ka mid nahay muslimiinta dhulkooda la
heysto,waxaana ku da’daalayaa Insha Allaah inaan qoraal walba wax kamid
ah aan ka soo qaato.
Hooyoda Gaza Tu’saalo mudan kudayasho:
![](07jan11.jpg)
Alle balan ayuu ku qaaday in Muslimiinta uu dhaxalsiindoo aduunka
sida umudihii naga horeeyay ee Alle u hogaansamay uu u
dhaxalsiiyay,,sidoo kalana uu u dhaxal siindoono diinta uu uga raali
noqday,Cabsi kadibna uu ugu badali doono Nabad galyo.
Hadaladaan ayay ku bilowday Umu max’ed oo ah hooyo reer Gaza ah oo la
socotay wiilkeeda oo dhaawac ah loona soo gudbiyay Isbitaalka weyn ee
Cariish (waxa uu kuyaalaa xuduudka Gaza iyo Masar gaar ahaan dhinaca
Masar) waxaa horay u Shahiiday wiil ka mid ah wiilasha ay dhashay,sidoo
kalana waxaa horay u dhaawacmay wiil kale oo ka mid ah wiilasha ay
dhashay,aniga iyo ilmaheyga Alle waxa uu noo abuuray inaan Risaaladan
(islaamka) gaar siino aduunka,aana u gaarsiino sida ay tahay.
Ayada oo maqashiineyso wiilkeedii dhaawaca ah lana hadleyso ayay
waxay ku tiri Hooyo Sabir oo dulqaado,Rabi wax walba oo ku soo gaaro
waxa uu kuugu darayaa xasanaadkaaga,Rabina waa uu ku caafinayaa waadna
ka kaceysaa si aad hadana markale walaalahaa jihaadka kujiro aad
garabkooda u buuxisid,asaga oo taahayo islamrkaasna hilmaamay xanuunkii
hayay ayuu waxa uu Hooyadii ugu jawaabay insha Allaah Hooyo waan ka
kacayaa,dib baana ugu laabanayaa Gaza si aan ugu aaro dhiig walba oo ay
daadiyen Yuhuuda!!!!
Hooyo kale oo labadii wiil ay dhashay loo sheegay in ay Shahiideyn
ayaa waxa la waydiiyay waxa ay ka oraneyso,waxay tiri Allaa ayaa mahad
iska leh waxaana diyaar u ahay hadii uu ii haray mid kale inaan asagana
u diro jihaadka si uu uga dabatago walaalihiis!!!!
Hooyada Gaza waxaa oran karnaa waa hooyo nooc gooni ah,waa hooyo
muteysatay inaan waxbadan ka sheegno,waa hooyo ilmaheyda ay ku soo
barbaarisay in diintaan loo horo wax walba,waa hooyo marwalba diyaar u
ah in Qalbigeyda uu ku dago fariin walba oo kaga timaada goobaha
dagaalka ka socda,waa hooyo si walba ay u danqanayso hadana ilmaheyda ku
barbaarisay wax alle agtiisa laga helaayo ay ka weenyahay naf
lawaayo,waa hooyo hadii meedka wiilkeeda loo keeno aanan qeylin dharkana
jeex jeexin aana oran hadalo Rabi ka caroonayo,waa hooyo tiraahdo marka
loo keeno wiilkeeda oo Shahiiday ii ogalaada aan madaxa ka dhunkado si
aan u tusiyo sida aan raaliga uga ahay!!!!,waa hooyo Alle ugu mahadiso
kuna faanto in wiilkeeda uu u dhinto Alle dartiis.
Runtii waxaan orankaraa Gaza oo 24kii saac ee la soo dhaafay yuhuuda
ay hal meel kaliya ku gumaadeyn caruur iyo haween ku jiray iskuul
ilaa iyo hada inta laga soo dhexsaaray bur burka ay sara u dhaafey
40,intaas waxaa sii dheer maanta kaliya waxay dhulka la simeyn 25 guri
iyo dadkii kujiray ayaga oo ku garaaceyn madaafiic,Gaza waxaa iskuul ay
ka soo baxaan dad gooni ah,waa iskuul soo saara geesiyaal hadii uu
maanta jira qof lagu tilmaami karo geesi,Hooyo wax walba oo dhib u
dulqaadaneyso,Aabe iyo wiilkiis dhufeyska wada galayo,sheikh iyo Imaam
dadka horkacayo,hogaan ilmahooda ka hormarinayo dadka oodhan si ay
shahaado u helaan,umad siwalba oo ay u kala aragti duwanyihiin ku
imdeysan in la iska difaaco cadowga ku soo duulay.
Markaan maqlno amaba aan aqrino waxyaabaha laga sheegayo Gaza,tusaalo
ahaan sida ay raali ugu yihiin uguna qanacsanyihiin waxa ay rumeysan
yihiin,islamarkiiba waxaa nagu soo dhacaya wax u dhaw amaba la mid ah
waxyaabihii lagawariyay dumarkii saxaabada ahaa qeybo ka mid Allaha
kawada raali noqdo dhamaantooda.
Anas Ibnu Maalik ayaa waxa uu warinayaa in Abu Dalxa uu ka
xanuunsaday wiilkaasa dalxa kadibna uu dhintay asaga oo aanan ogeyn
gurigana uu ka maqanyahay,haweyntii uu qabay Abu Dalxa ayaa markay
aragtay in wiilkii uu dhintay ayaa waxay suubisay wiilkii ayay intay
sifiican u hagaajisay meel gooni ah oo guriga ka mid ahna dhigtay,kadib
bay waxay bilowday in ay si aad ah isku hagaajiso iskuna diyaariso
Ninkeydii,waxaa yimi gurigii Abu Dalxa oo aanan warba ka heynin waxa ka
dhacay guriga,mudo dheer kadib markii uu nastay waxyaabo badan oo
naftiisa ay ku dagtana uu kala kulmay xaaskiisa ayaa waxa uu waydiiyay
Xaalada wiilkiisa Dalxa inta uusan seexan,waxayna usheegtay in wax dhib
ah aysan jirin lagana yaababa in dhibkii hayay wax kawanaagsan uu
helay!!!!Abu dalxa asaga oo aanan marna hadalkeyda ka shakin ayuu iska
seexday,Subaxadii markii hurda’da uu ka kacay ee uu meertay rabana in uu
ka baxo guriga ayay u sheegtay in wiilkiisa dalxa uu dhintay shalay !!!!
Waa uu iska tagay Abu Dalxa waxa uuna u tagay Rasuulkii SWC waxa uuna
u sheegay arintii xalay ku dhacay iyo in uu Dalxa dhintay iyo sida ay
xaaskiisa ugu sheegtay dhimashada Dalxa, Rasuulka SWC ayaa waxa uu ku
yiri Abu Dalxa asaga ku samirkiisanaya waxaa suutagal ah Rabi in uu
idiin barakeey habeenkiina,kadib waxaa dhacay Rag saxaabada kamid ah in
ay arkeyn Abu Dalxa oo Rabi siiyay sagaal caruur oo intaba ay Qur’aanka
xifdisan yihiin!!!!!
Hooyada Gaza waa tusaalo dhab ah ee la taaban karo,ma aha Riwaayad
ama sheeko qayaali ah ee uu qof Alifay si loo aqristo,waa nolal dhab ah
oo kamid ah nolal maalmoodka ay Hooyada Falastiin ku nooshay,u dul
qaadash dhib walba,waxayna awood u leeyihiin in ay soo saaraan jiil lagu
tarbiyeeyay waxa ay u noolyihiin kaliya in ay tahay sidii ay u soo celin
lahayen Cizadii iyo sharaftii ay lahayeen Muslimiinta,gacanta Yuhuudana
ay uga xoreyn lahayen Baytul Maqdis.
Marlabaad aan ku laabano Umu max’ed oo hadalkeydii sii wadata waxay
tiri,sida ay dad badan noo maleenayaan inaan nahay Hooyooyin aanan haba
yaratee wax naxariis laheyn !!ee waxaan nahay hooyooyin dareen iyo
danqasho leh, balse waxaan ku soo barbaarnay dhiig qubanayo iyo Ilmo
wakhti walba ilmada ay kada’eyso,intaas oo jirta hadana waxaan
aaminsanahay in aan siday tahay u gudano amaanada nasaaran oo ah inan
diyaarino Jiilkii soo dhicin lahaa xuquuqdii Muslimiinta ee la dhacay
qolo walbna in iska goosatay!!!!mar marka qaarna waxaad arkeysaa ilmada
oo anan nagaba imaaneynin,waxaana ka sii qaadnaa adkeysi iyo awood aan
dulqaad ugu yeelano wax walba aan kala kulano wada’da aan dooranay.
Umu max’ed ayada oo
sii wado hadalkeydii waxay ku soo gaba’gabeeysa ilaa iyo hada
waxaan huray oo shahaado qaatay Ninkeygii iyo wiil aan dhalay,midna waa
kan dhaawac ah waxaa ii haray labo wiil waxaan rabi kabaryahayaa inaan
Gaza ku laabto ayaga oo helay Shahaado!!!!.
Umu Xassaan waa Hooyo dhashay wiil kamid ah ciidamada Booliska
Gaza,waxayna u diyaarisay qada’dii uu cuni lahaa marka uu ka yimaado
shaqada,Xassan ma uusan imaan ,mana imaandoono,waxa uu ka mid ahaa
dadkii Yuhuuda ay gumaadeyn maalintii ugu horeeysay,Umu Xassan waxaanan
aheyn afkeeda waalaga waayay,Xasbunalaahu wanicmal wakiil lagama yaabo
inaan is dhiibno,lagama yaabo inaan dabacno,lagama yaabo inaan cararno
ilaa dhiiga noogu dambeyo uu daato waan iska dhicineynaa Yuhuud iyo cid
walba oo waheliso!!!
Waa noo cee Mashiinka dhaqaajinaya Qalbiga hooyoda Falastiin in
waxaas iyo wax kabadan ay dhabarka u dhigto,isla markaasna ay awood u
yeelato in ay u dirto safka hore ee dagaalka inta ay dhashay oo
idil,maxaan ku tilmaami karnaa Awooda dulqaadasho ee intaas la eg ee
Rabi uu siiyay,runtii waa naxariis iyo Iimaan Rabi cidii uu doono uu
siiyo,waa Hibo qofkii Rabi jecelyahay uu siiyo,waa Iftiin aanan u muuqan
inbadan oo quusatay.
Aan iswaydiino in badan maxay Hooyoda Falastiin uga gadisan tahay
Hooyooyinka kale ee maanta caalamka ku nool ilmahoodana ku bar baariya
sidii ayaga oo ku nool meel kabaxasan dunida aan ku noolnahay ,ragooda
iyo ilmahoodana ka fogeeya meel walba oo Jihaad ka socda si ay u helaan
Nabad iyo Bir bir Aduun aanan lagu waareynin !!!!
Hadaba waa Duruus u baahan hooyo walba oo rabta maanta in ay
ilmaheeda ku barbaariso bar baarin sax ah meel ay ka tusaalo qaadato
haday ahaan laheyd.
- In lasabro xiliyadda adag.
- In cadowga la hor istaago ee aanan laga cararin.
- In lagu tarbiyeeyo sidii ay awood ugu yeelan lahayen
geesimo,aysan marna isku dhiibin
- Jihaadka in uu yahay xalka kaliya ee lagu soo celinkaro xaquuqda
muslimiinta ee la lunsaday
- Rumeyn Adag ee uu rumeysanyahay Rabi,mar walbana uu yahay
dhinaciisa.
- In uusan jirin Bilad ka qaalisan bilad Alle siiyo qofka
Shahiidka ah.
Allahayoow u gar gaar Muslimiinta, gar gaar dag dag ah, meel walba
Muslimiinta ay ku dhibaateysanyihiin waxaadna tahay mid Awooda Yaadal
Jalaali Wal Ikraam.
NB:lasoco Qeynta 2aad
Fawsi Ahmed
Fawsi22@hotmail.com