Wasiirka Ganacsiga iyo Sayniska Dowlada Jabuuti Md, Rifqi Cabdiqaadir
Baamakh’ram oo Furey Aqoon Is-weydaarsi Looga Hadlayo Fur furista Ganacsiga iyo
Dhimista Canshuuraha
Aqoon is weydaarsi looga hadlayo fur furista ganacsiga iyo dhimista canshuuraha
dowladaha soo koraya iyo kuwa saboolka ah oo ay ka faa’iideysanayaan 45 xubnood
oo ka kala socdey wakiilada shirkadaha ganacsiga, Ururada ganacsiga , Bankigyada
iyo hawl wadeenada Wasaaradda Gancsiga iyo sayniska dalka Jabuuti oo uu soo
qaban qaabiyey Urur Ganacsi oo ay ku mideysan yihiin 153 dowladood ayaa lagu
qabtey Hoteel Shariton ee caasimada dalka Jabuuti.
Aqoon
is-weydaarsiga oo socondoona 5 maalmood ayaa furitaankiisa waxaa ka Hadley
Wasiirka Ganacsiga iyo Sayniska Dowlada Jabuuti Md, Rifqi Cabdiqaadir
Baamakh’ram waxaa uuna halkaasi ka jeediyey khudbad ka hadleysey muhiimada
siminaarka iyo sida ugu haboon ee looga faa’iideysan karo.
Cabdirisaaq Axmed Idirs oo ka mid ah hawl wadeenada Wasaaradda Ganacsiga oo aan
wax ka weydiiyey ayaa wuxuu ii sheegey “ siminaarka waxaa ka faa’iideysanayo 45
xubnood oo ka kala socda Shirkadaha Ganacsiga, Ururada, Bankiyada iyo
hawlwadeena wasaaradda Ganacsiga iyo sayniska dowlada Jabuuti”
Wuxuu keloo ii sheegey
Cabdirisaaq Axmed “siminaarkan waxaa soo qaban qaabiyey Urur Ganacsi oo ay ku
mideysan yihiin 153 dowladood oo isugu jira dowladaha saboolka ah iyo kuwa soo
koraya, siminaarkuna waxaa uu socon doono mudo shan maalmood ah, ujeedadada
siminaarku waxa ay tahay fur furista Ganacsiga, dhimista canshuuraha iyo qodobo
kale oo muhiim u ah dowladaha soo koraya iyo kuwa saboolka ah, gunaanadka
siminaarka ayaa waxaa la filayaa in ay ka soo baxaan qodobo muhiim ah oo ka
tarjumaya sida ugu fudud ee aan ugu faa’iideysan karno mash-ruuca fududeynta
Ganacsiga ee uu wado Ururkan (WTO)” ayuu hadalkiisa kusoo gebagebeeyey
Cabdirisaaq Axmed Idiris
siminaarkan noociisa ayaa waxaa hore loogu soo qabtey 38 wadan oo ku jira
Ururkan (WTO),
wuxuu qayb ka yahay tilaabooyinka dhinaca wax wada qabsiga dowladaha horumarey
iyo kuwa kale ee caalamka oo ay ku dooneyso dowlada Jabuuti, in wax ay ka
bedesho kaabayaasheeda dhaqaalaha, iyadoo ay u daneyneyso shacabkeeda, inkastoo
dowlada Soomaaliya aan la ogeyn sida ay uga faa’iideysaneyso mash-ruucaan iyo ka
mid ahaanshihiisa, kadib markii mudo 19-sano ay halakeeyeen dagaalada aan
dhamaan ee aan la garan ujeedadooda ee wali sii socda.
Maxamed Macallin Csimaan (All-man) Somalitalk Jabuuti
fatxumaalik@hotmail.com
Faafin: SomaliTalk.com | April 19, 2009
Daabaco
Boggan | Print
