Kulan loogaga hadlayey tartanka kubada cagta
Eurosom oo Gothenburg Sweden ka dhacay
Xubnaha urrurka xagga ciyaaraha iyo dhaqanka u
qaabilsan soomaalida Yurub ee Eurosom, ayaa shir
balaaran oo maalin dhan qaatay waxaa ay ku
yeesheen degmada Kungälv oo ku taala duleedka
magaalada Gothenburg. Kasokow kulankan oo ahaa
shir sanadeedkii Eursom ayaa hadana waxaa
urrurada isboortiga soomaalida Gothenburg ee
xubinta ka ah Eurosom ay uga warbixiyeen gudiga
farasamada ee xagga ciyaaraha u qaabilsan,
qaabka ay ku sanadkan 2009-ka ku martigelinayaan
tartankan kubadda cagta soomaalida Yurub ay
sanad walba ciyaaran xilliga xagaaga.
Aadam
Maxamed Ibraahin Aadan Oor ahaa ciyaaryahan
kubadda cagta ciyaari jiray xilligii ay nabada
kana tirsan bahda Eurosom ee Sweden ayaa
sharaxaad uga bixiyey gudiga hoyga seexan
lahaayeen ciyaartooyeda iyo garoomaddii loogu
talagalay iney ku ciyaaraan. Sidoo kale C/laahi
Jowhar oo isnaha ka mid ah taageerayaasha
ciyaaraha Eurosom iyo guud ahaanba isboortiga
soomaaliyeed, islamarkaasina ah macalin wax ka
dhiga iskuulada Gothenburg, ayaa laftiisa
martisharafta Eurosom ugu warbixiyey taariikhda
qotada dheer ee magaalada Gothenburg, halkaasoo
gudigii ka qeybgalayey ay si 'aad ah ugu
riyaaqiin.
Dhinaca kale xubnaha iyo ciyaartooyda ayaa waxaa
halkaasi markale ku doortay Maxamed Diini oo
horey u ahaa gudoomiyaha Eurosom in markale uu
noqdo isla gudoomiyaha urrurkaasi, halka Maxamed
Lolow iyo Maxamuud Nuur ay iyagana dib loogu
doortay jagooyinkoodi oo ahaa xoghayaha iyo
qasnajiga Eurosom.
Kulankan ayaa sidoo kale waxaa ka qeybgalay
Duraan Axmed Faarax oo ah gudoomiye ku xigeenka
Olombikada Soomaaliyeed iyo C/laahi Tarabi oo
isagana ah xoghayaha guud ee GOS. Tarabi waxaa
uu sharaxaad dheer ka bixiyey qaabkii ay ku
dhacday doorashadii GOS ee dhawaan lugu qabtay
dalka Jabuuti iyo dowrka weyn ee muuqda ee
Eursom ku yeelatay, islamarkaasina noqotay
ururka isboortiga keliya ee qaarada Yurub ka
socda oo dooroshooyinkaasi si rasmi ah uga
qeybgala.
Ugu dambeytiina waxaa halkaasi qori tuur loogu
sameeyey kooxaha sagaal koox ka kooban ee
ciyaaraha xagaaga sanadka 2009-ka ee Gothenburg
Sweden ka qeybgalaya, waxaana ay iskugu soo
aadeen sidatan. Gothenburg,Kanava,Waberi iyo
Bermingham. Halka ay iyagana is aragooda uu
noqday kooxaha kale. Al-hijra,Sakao Norwey,Kik
iyo Leicester.
Ikraam Cali-kaar
Gothenburg- Sweden
ikraam_calikaar@hotmail.com