Ururka Nusoj oo siminaar ku saabsan sidii Raga iyo Dumarka ugu sinaan
lahaayeen Howlaha Saxaafadda u qabtey Saxafiyiin ka kala socotey Qaybaha
warbaahinta
Waxaa Hotel Saxafi ee Magaalada Muqdisho ugu furmey Siminaar Saxafiyiin ka kala
socotey Qaybaha warbaahinta oo ka kala yimid Gobolada Dalka Gaar ahaan Gedo,
Shabeelada Hoose , Shabeelada Dhexe , Bay iyo Bakool Siminaarkaas oo socon doona
Muddo Saddex maalmood waxaana soo qaban qaabiyey Ururka Saxafiyiinta Qaranka
soomaaliyeed ee Nusoj National Union of Somali Journalists waxaana lagu
baranayaa Casharo la xiriira sidii Ragga iyo Dumarka ugu sinaan lahaayeen
dhinaca Shaqada Warbaahinta ha noqoto Doonista wararka , Maamulka iyo
shaqooyinka kale ee Saxaafada
Siminaarkan waxaa Furey Wasiirka Horumarinta Haweenka iyo Arrimaha Qoyska
Fowsiya Maxamed Shiikh waxayna ugu horeyntii u mahadcelisey Intii isku soo duba
ridey Siminaarka gaar ahaan Ururuka Saxafiyiinta Qaranka soomaaliyeed ee Nusoj
oo ay sheegtey in tixgelin gaar ah siiyey Haweenka soomaaliyeed ee ku jira Bahda
Warbaahinta waxayna kula dardaarantey Xubnaha ka qaybgalaya siminaar in ay si
wanaagsan uga faaiideystaan Casharada la bixinayo Muddada Saddexda maalmood ee
halkan joogtaan
waxaa kalloo ka hadley Wasiirka Dhalinyarada iyo Isboortiga Suleymaan Colaad
Rooble oo ka mid ahaa Aasaasayaashii Ururka Nusoj wuxuuna sheegay in loo baahan
yahay in fiiro gaar ah la siiyo Haweenka Suxufiyiinta si ay ula sinaadaan Ragga
iyana ku jira Saxaafada wuxuuna kula dardaarmey ka qayb galayaasha in ay ka
faaideystaan Casharada halkaan ka qaadanayaan
Siminaarkaa waxaa warbixin ka soo jeediyey Cudbi Suleymaan Mahdi oo ah Xoghayaha
Hawwenka ee Ururka saxafiyiinta Qaranka soomaaliyeed oo ah Gabdha isku soo
dubaridey siminaarka waxayna warbixinteeda ku sheegtey in ururkooda uu ku howlan
yahay sidii ay xaquuqdooda u heli lahaayeen Haweenka ku jira Bahda Saxaafada
waxay kaloo sheegtey in sii kordhin doonaana siminarada noocan ah ee ku aadan
sidii Ragga iyo Dumarka ugu sinaan lahaayeen Howlaha Saxaafada waxaa kaloo ka
hadley Xoghayah warfaafinta ee Ururka Nusoj Cabdiraxmaan Cumar Madoobe (Caaqil
Dalmar ) oo isna sheebey in Ururkooda u dadaal ugu jiro sidii Haweenka ku jira
Saxaafada ay u helil ahaayeen Xaquuqda Shaqada ee dhinaca warbaahinta
W/D Amiin Yuusuf Khasaaro
E-Mail amiinkhasaaro@hotmail.com
Faafin: SomaliTalk.com | April 8, 2009 |