Wasaaradah Ganacsiga Soomaliya iyo Indonesia
 Ref:
MoC/DBX/0406/09
Press Release
Wafdi balaaran oo uu hogaaminayo Wasiirka Ganacsiga Soomaaliya, Mudane
Abdirashid Mohamed Abdi Hashi ayaa ka qeyb galay bandhig ganacsi oo ay soo qaban
qaabisay Wasaaradda Ganacsiga ee Waddanka Indonesia.
Shirkan oo lagu qabtay qeybtiisii hore xarunta ganacsiga ee Dubai (Dubai Chamber
of Commerce) ayaa lagu soo bandhigay heerka ganacsi ee Indonseia maanta
hiigsatay gaar ahaan dhinacyada, bankiyada, technology, beeraha, Motoorada iyo
dhamaan adegyada wax soo saarka. Soomaaliya oo ka mid ah waddamada la ganacsada
Indonesiya, balse ganacsigu u maro waddanka Imaaraadka (re-export) ayaa ahayd
dowladda qur ah ee lagu casumay bandhigaas.
Galabnimadii ayaa Wasiirka Ganacsiga ee Indooniisiya casumaad gaar ah u fidisay
wasiirka Ganacsiga Soomaaliya, shirkaas gaarka ah ayaa lagu qabtay Hoteelka
Sheraton Dubai. Wasiirka Ganacsiga Indooniisiya, Marwo Mari Elka Pangestu ayaa
sheegtay muhiimadda ay leedahay Ganacsiga labada dal oo imminka lagu qiyaaso
$7.8 million Doolar iyo sidii kor loogu qaadi lahaa.
Wasiirka Ganacsiga Soomaaliya Mudane A/rashid ayaa warbixin kooban ka siiyey
wefdiga Indooniisiya xaaladda dalku ku sugan yahay dhinacyada amaanka, dib u
heshiisiinta iyo barnaamujyada dhaqaalaha iyo Ganacsiga. Wasiirka ayaa sheegay
in Soomaalidu tahay dad xirfad badan oo aad ugu xeel dheer dhinaca ganacsiga
muddo boqolaal sano ahna la lahaa xiriir ganacsi waddamada bariga fog (Far
Eastern markets). Wasiirka ayaa u sheegay in gancsatda Soomaalidu ay wataan
baasabooro kala duwan, kadib dhibkii Soomaaliya ku habsaday 20kii sano ee la soo
dhaafay, sidaas awgeed in aysan jirin qoraalo waafi ah oo qeexaya baaxadda
ganacsi ee Soomaalida ayna ka ganacsadaan dhamaan waddamada geeska Afrika.
Wasiirku wuxuu codsaday:
- In laga taageero dhinaca khibradda gancsatada Soomaaliyeed
- In tababaro loo furo shaqaalaha wasaaradda ganacsiga ee Soomaaliya
Waxaa kaloo loo gudbiyey waddanka Indonesia si qoraal ah, ganacsiga Soomaliyeed
ee diyaarka u ah maal gashiga, kolka nabaddu isa soo tarto.
Wafdiga Wasiirka ayaa waxaa ka mid ahaa Safiirka Soomaaliya ee Waddanka
Imaaraadka Ahmed Mohamed Cigaal, Safiirka Soomaaliya ee Indonesia Mohamud Olow
Barow, Ku xigeenka arrimaha dhaqaalaha iyo Ganacsiga ee Baarlamanka Mudane Sacid
Cali Shire, Xafiiska Ganacsatada Soomaaliyeed ee Dubai, Madaxa Xafiiska
Ganacsiga Soomaaliya ee Imaaraadka (Commercial Attache) iyo xubno ka kala socday
ganacsatada Soomaaliyeed ee waddanka Imaaraadka.
Ugu dambeyn, waxaa la magacaabay guddi farsamo oo ka soo shaqeeya sidii loo soo
wadi lahaa iskaashiga labada dal iyo is dhafsiga akhbaaraha. Wassirka ganacsiga
Indoniisiya ayaa ku casuntay wasiirka Soomaaliya bandhig ganacsi ee lagu qaban
doono waddanka Indooniisiya bisha Ocotober ee sanadkan.
--
Ministry of Commerce
2nd Floor, Jirdeh Building
Maka Al Mukarama Street
Mogadishu, Somalia
e-m: sommin.commerce@gmail.com
Faafin: SomaliTalk.com | April 7, 2009 |
Daabaco
Boggan | Print
