Madaxwayanayha Maamulka Puntland C/raxmaan Maxamed Faroole oo Amar ku
bxiyey In Ciidamada PIS ay ka Guraan Xaafada Laanta Hawada Ee magaalada Bosaso.
Madaxwaynaha Maamul Goboleedka Puntland Mudane C/raxmaan Maxamed Faroole ayaa
Faray Ciidamada PISta inay ka Guraan Aagii ay ka deganayeen Magaalada Bosaso Ee
Xarunta Gobolka Bari ka Gadaal Markii ay soo bexeen Warar badan oo dhanka
Amaanka xaafadaasi iyo Xaafado kale oo ku Xeeran ah.
Madaxwaynaha Maamulka Faroole ayaa ciidamada Amaanka PISta Amar ku siiyey
Inay u guraan Xaafada biya kulule ee ku taala dhinaca Bari ee Magaalada Bosaso
halkaasi oo ay todobaadkan gudihiisa ula Wareegayaan Xafiisyadooda.
Wareegtadan ka soo baxday xafiiska madaxweynaha waxaa lagu sheegay in
madaxweynuhu uu soo saaray wareegtadan ka dib markii uu dhegaystay natiijada
baaritaan ay sameeyeen guddi wasiiro ah oo loo saaray inay baaraan wixii
dhaliyay mudaaharaadyadii ka dhacay magaaladan Boosaaso.
Wareegtada madaxweynaha ayaa ku amartay PIS inay xafiiskeeda isugu wareejiso
xarunta ay ku leedahay xaafadda Biyo Kulule ee ku dhow madaxtooyada.
Arintan ayaa sidoo kale Waxa ay Meesha ka saraysaa Khilafaad dhowaan la
sheegay inuu u dhexeeyey Maamulka PISta iyo Madaxwaynaha Mamulka Puntland kaasi
oo ahaa in ay Ciidamada PStu Cudur daar ka muujiyeen inay hoosyimadaan Wasaarada
Amniga ee Puntland ,Lakiin Iminka talaabadaasi maaha mid ka dhex muuqata
Ciidamada PISta iyo Maamulka marka la Fiiriyo habka amarka uga soo baxay
Xukuumada ay ugu hogaansamayaan.
Maxamed Axmed Ciise
geedi7@hotmail.com
Bosaaso-Puntland
Faafin: SomaliTalk.com | April 6, 2009 | 
Daabaco
Boggan | Print
