Barack Obama oo Ku Guulaystey Doorashadii Tartanka Isreeb-reebka
Madaxtinimada ee Gobolka South Carolina....
Barack Obama oo Guushii Labaad ka
soo hooyey Tartanka Isreeb-reebka
Madaxtinimada Maraykanka....
Doorashii
isreeb reebka [Primary] xisbiga dimoqraadiga ee tartanka madaxweyna-nimada
Maraykanka ee [Sabti Jan 26, 2008] kacday gobolka South Carolina
waxaa guul weyn raacday Barack Obama.
Codbixintii Gobolka South Carolina, Barack Obama waxa uu helay
codadka ugu badan oo ah boqolkiiba 55%. Halka Hillary Clinton oo gashay kaalinta
labaad ay heshay 27%. Kaalinta saddexaadna uu galay John Edward oo helay 18%.
Doorashooyinkii isreeb-reebka ahaa ee ilaa hadda ay soo galeen
xisbiga Dimoqraadigum, oo loo tartamayo tirada waftiga ee la helayo,
waxay saddexda musharax kala haystaan:
Barack Obama: 63
Hillary Clinton: 48
John Edward: 26
Dhinaca Xisbiga Republicanka saddexda musharax ee ugu horeeya isreeb-reebka,
waftiga ay haystaan waa:
Romney: 67
McCain: 38
Huckabee: 26
Tartanka ugu ballaaran waxa uu dhici doonaa maalinta loo yaqaan "Super Tuesday" oo ah Feb
5 taas oo laga codeeyo gobollo badan oo Maraykanka ah.. Si aad wax badan uga
ogaatid meelaha lagu codaynayo maalinta "Super Tuesday" iyo qaabka Doorashada
Maraykanka Akhri
halkan...
Barack Obama oo Guushii ugu horeysey ka
soo hooyey Tartanka Isreeb-reebka
Madaxtinimada Maraykanka....
Barack Obama
SomaliTalk.com | USA | Jan 4, 2008
Doorashii
ugu horeysey ee isreeb reebka [caucus] ee tartanka madaxweyna-nimada
Maraykanka ee caawa [Khamiis Jan 3, 2008] kacday Iowa waxaa dhanka
xisbiga dimoqraadiga ay guushii raacday Barack Obama, halka dhanka
xisbiga Republicanka ay raacday Mike Huckabee.
Tirintii codadka ee ugu horeysey ee dhanka xisbiga Dimoqraadiga
waxay muujisay in Barack Obama uu ka guuleysey musharaxiintii kale oo ay kamid
yihiin Hillary Clinton iyo John Edward.
Tartarnkan ayaa waxaa uu yahay mid musharaxiintu ay ku doonayaan
in ay helaan taagerada xisbiga si loogu xusho musharaxii xisbiga u matali lahaa
doorashada guud ee madaxweynaha.
Arrinta cajaa'ibka ahayd, sida ay muujiyeen dadka siyaasadda
odorosa, waxay hayd guusha uu Obama ka gaarey Gobolka Iowa, maadaama dadka
gobolkaasi deggani ay yihiin dad caddaan ah (93.9%), gobolkaas oo ay aad iyo aad ugu yar
yihiin dadka madow (2.1%). Obama waa ninka keliya ee madowga ah ee sannadkan 2008 u
tartamaya in uu noqdo madaxweynihii ugu horeeyey Maraykanka ee madaw ah.
Obama tirintii ugu horeysey ee codadkii reer Iowa ee u codeynayey
xisbiga Dimoqraadiga waxa uu helay 38%, halka John Edward ka haystey 30%,
Hillary Clinton ay haysatey 29%.
Hal-kudhegga Barack Obama waa "Isbedel aan rumaysan karro".
Sawirka: ABC
Shaashadaha telefishanada Maraykanka ayaa fiidkii Khamiistii hal
mar soo saaray guusha Obama oo far waaweyn ku qoran tahay, tii oo lagu muujiyey
khariidada gobolka Iowa ee ku guulaystey.
Tallaabada xigta ee doorashada Maraykanka waa in sida Iowa oo
kale ay musharaxiintu u raadiyaan taageerada gobolada kale ee lagu qaban doono
doorashada xulashada musharaxiinta, gobolka kusoo xigana waa New Hampshire ilaa marka ugu dambaysa xisbiyadu ay soo
xushaan mid kasta hal musharax oo uga qayb gaeli doona doorashada guud ee ay
shacabka Maraykanku dooran doonaa madaxweynaha.
Daabaco
Boggan | Print
Doorashii
isreeb reebka [Primary] xisbiga dimoqraadiga ee tartanka madaxweyna-nimada
Maraykanka ee [Sabti Jan 26, 2008] kacday gobolka South Carolina
waxaa guul weyn raacday Barack Obama.
