Musharaxa Madaxweyne Goboleedka Puntland Prof. Muxiyadiin Cali Yuusuf oo soo gaarey Caasimada dalka Jabuuti

Musharaxa Madaxweyne Goboleedka Puntland Prof. Muxiyadiin Cali Yuusuf oo soo gaarey Caasimada dalka Jabuuti, islamarkaana in mudo ah ku hawlanaa tartanka uu ugu jiro qabashada xilka Madaxweyne Goboleedka Puntland ayaa munaasabada ku aadan ciidul fidriga Hambalyo u direy Bulshada Soomaaliyeed meel kasta oo ay joogto waxaa uuna yiri

“waxaan u hambalyeeynayaa Ummada Soomaaliyeed meel kasta oo ay joogto, waxaana ilaahay uga baryayaa inuu sanadkan sanadkiisa ku gaarsiiyo nabad, bash bash iyo barwaaqo”

Prof. Muxiyadiin Cali Yuusuf waxaa kale oo Hambalyo taa la mid ah u direy “ shacabka reer puntland inta ku nool dal iyo dibadba, waxaana sanadkaan sanadkiisa ilaahay ugu baryayaa, inay nabad ku gaaraan, Ramadaankuna ilaahay ka aqbalo, waxaana ilaahay ka baryayaa in Burcad badeeda uu ilaahay idiinka qabto”.

Mar aan weydiiyey Prof. Muxiyadiin ujeedada safarkiisa ayaa waxaa uu ku sheegey “ujeedada safarkeygu waa booqasho aan ku marayo wadamada deriska la ah Soomaaliya, si aan ugu kuurgalo xaalada siyaasadeed, dhaqaalo, bulsho, waxbarasho, caafimaad iyo amaanba sidii aan wax u waxda qabsan lahayn” ayuu hadalkiisa ku soo koobey Prof. Muxiyadiin Cali Yuusuf.

Maxamed Macallin Cismaan (All-man) somalitalk Jabuuti.
fatxumaalik@hotmail.com ,+253624079