Nin Loo Dilay Haweenay Uu Guursaday
Dilka ninkaasi rayidka ah oo xalay (Axad Sept 28, 2008) lagu
dhaxdilay bartamaha Degmada baardheere ayaa ka dhashay ka dib
markii nin ay is-heysteen uu Toorey la beegsaday isagoo kaga
dhuftay xabadka kadibna uu u dhintay dhaawac soogaaray .
Ninkaasi rayidka ah ayaa la sheegay in xiliga la dilayay uu ka
soo baxay gurigiisa xili uu soo afuray iyadoo ninka dilayay uu
ku sugayay ardaaga hore ee gurigiisa waxaana dad gooobjoogayaal
ah ay sheegeen in ninkaasi Toorey uu caloosha kaga beegsaday
kaas oo uu calosha Dibada Kaga soo dhigay islamarkii dilkaasi uu
geystayna uu baxsaday .
Dilkaasi oo argagax ku abuuray dadka ku dhaqan Deegaanka ayaa la
sheegay in dadkii goobtaasi joogay ay ninkaasi kula soocarareen
goob caafimaad oo si gaar ah loo leeyahay ka hor inta uusan u
dhimanin dhaawacyadii soo gaaray .
Dadka Qaraabada ah oo aan la xiriirnay ayaa sheegay in dilka
Ninkaasi uu ku qotomay nin ay muran kala dhaxeeyeen kadib markii
haweeney ay ninkaasi isku qabsadeen sida la sheegayna
Haweyneydaasi ay u dhaxday ninka Dilka Geystay deedna uu
guursaday ninkaasi kadib markii ay kalatageen .
Falkaasi amaan daro ayaan waxba laga qabanin ayadoo aanan weli
la soo qabanin Ninkii dilkaasi geystay oo baxsaday lamana oga
goobta uu u cararay mana jirto cid isku howshay sooqabashada
ninkaasi.
Falalka dilalka ah iyo dhacdooyinka kala duban ee ka dhaca qeybo
kala duban ee deegaano ka tirsan gobolka gedo ayaa yimada kadib
amaan daro iyo weliba cid police- ah oo waxkaqaneyso ayan jirin
waxaana jirtay dhacdo taas la mid ah in dil toogasho ah uu u
geystay in horay nag ay isugu heysteen taas oo sababtay in
halkaas uu ku dhinto ninkii lagu heystay gabar uu guursaday
taasi oo ka dhalatay shaki balaaran oo dadka soowajahday .
Max’ed Gaarane Aadan
Baardheere/GEDO
Email: gaarane68@hotmail.com
Faafin: SomaliTalk.com | Sept 29, 2008