Hay'adda Development Concern Oo Qalab Aqal Soomaali Ah U Qeybisay Qoyas Degan Xuduuda Soomaaliya Iyo Kenya.

 

 

 

Hay’ada Development Concern ayaa agab isugu jira aqal soomaali  u qeybisay qoysas ku barakacay gudaha G/GEDO kuwaasi oo ay tiradooda gaarayso 100 qoys.

 

 Maxaxmed Aadan Waraabe  oo ah guddoomiyaha Degaanka Faafaxdhuun oo u waramayay warbaahin ayaa sheegay in kaalmo ka kooban aqalo la siiyay qoysaskaasi soo barakacay.waxaana uu tilmaamay in 45 musqulood la qoday,iyadoo sidoo kale la taabgeliyay ilaa 5 ceel gacmeed.

 

Tuulooyinka Cowsqurun,Daarisalaam iyo Geriley ayaa sidoo kale kamid ah goobaha ay hay'aasi ka fulisay howlahaasi, taasoo ay ka faa'iidaysteen qoysas lamid ah.

 

Aqal soomaaliyadaasi oo qoys waliba oo halkaasi ku nool la siiyay hal aqal ayaa waxaa ay wax weyn ka tari doonaan nololasha qoysaskaasi maadaama aysan haysan wax ay ka galaan qoraxda abaareed.

 

Hay'adda Development Concern oo ah NGO ka howlgala dalkaasi kenya iyo weliba degaanada xuduudaha gudaha Soomaali ayaa waxa uu gacan ka gaystaa wax ka qabashada dhibaatooyinka bila'aadmino iyo howlaha horumarinta reer miyiga.

 

Maxamed Gaarane Aadan

 

Baardheere/GEDO

Faafin: SomaliTalk.com |  Sept 28, 2008