![](28sep71.jpg)
WARSAXAAFADEED KU SABSAN XASUUQA AY CIIDAMADA SHISHEEYE KA KA
GAYSANAYAAN MAGALADA MUQDISHO.
Isbahaysiga dibu xoreynta
Soomaaliya waxa uu si kulul u cambaareynayaa Duqeynta xoogga leh ee ay
ciidamada AMISOM ka geysanayeen Magaalada Muqdisho maalmihii la soo
dhaafay gaar ahaan xasuuqii aadka u foosha xumaa ee ay geysteen
27.09.2008.
Ciidamada AMISOM oo aan looga baran fal nuucaan ah oo si bareer ah
loogu xasuuqayo dadka rayidka ah ee aan waxba galabsan ayaa maalmahaan
danbe waxay caado ka dhigteen in si cad ay taangiyadooda inta ay meel
banaan ah keenaan ku garaacaan suuqa weyn ee Bakaaraha iyo xaafadaha u
dhodhow si ay ugu xasuuqaan dadka rayidka ah islamarkaana u burburiyaan
hantida shacabka.
Falkii ugu danbeeya uguna xumaa waxa uu dhacay maanta waxaana ciidamada
AMISOM Gaar Ahaan kuwa Uganda ay madaafiicda culculus ku garaaceen
Suuqqa Bakaaraha waxaana halkaa ku nafwaayay in kabadan 20 ruux halka
dhaawucuna uu 40 ka sii badan yahay hanti xoog lehna ay waxyeello ka soo
gaartay madaafiicda ku soo dhacday awgeed.
Isbahaysiga Dib U Xoreynta Somalia waxa uu ugu Baaqayaa Ciidamada AMISOM
in ay joojiyaan beegsiga ay dadka rayidka ah sida tooska ah ugu
xasuuqayaan islamarkaana ay ku ekaadaan shaqada ay sheegeen in ay ka
hayaan Somalia.
Sidoo kale isbahaysigu wuxuu ugu baaqayaa walaalaha sheegay in iyagu ay
xireen Airaport-ka Muqdisho in ay Go,aankaas ka laabtaan iyaga oo eegaya
danaha dadweynaha.
Waxaan sidoo kale ugu yeeraynaa Beesha Caalamka ee waayahaan danbe isku
howlaysa howlaha nabadeynta Somalia Gaar ahaan Q.M Midowga
Afrika,Jaamacadda Carabta,OIC, EU,iyo dalalka kale ee daneeya Arimaha
Somalia in ay ku cadaadiyaan ciidama AMISOM in ay joojiyaan xasuuqqa iyo
danbiyada sida cad ay ugu geysanayanaan dadka Soomaaliyeed ee aan lugta
ku lahayn Dagaalada Islamarkaana ay kula xisaabtamaan Saraakiishooda
falalkaas Cadawtooyo ee ay u geysanayaan dadka dhibanayaasha ah.
Ciidamada AMISOM ayaa Todobaadkii U danbeeyay waxa ay noqonaysaa tirada
dadka ku nafwaayay Xasuuqqa ay geysanayaan ilaa 100 qof in ka badan
dhaawucuna waxa uu gaarayaa ilaa 250 qof oo dhamaantood ah rayid waxaana
madaafiicda ay ku garaacayaan xaafadaha iyo Suuqa Bakaaraha ay sababeen
in maalmihii u Danbeeyay ay Kumanaan Qoys ka barakacaan Magaalada
Muqdisho.
Xafiiska Warfaafinta iyo Wacyigelinta ARS jabuuti
Faafin: SomaliTalk.com | Sept 28, 2008