Boorama: Ururka ARNA oo howlo lagu dardar galinaya dhismaha waddooyinka bilowday.

Maamulka Ururuka wadooyinka ee ARNA ee gobolada Awdal iyo Salal ayaa maanta faahfaahin ka bixiyay bilawga hawlihii wajigii labaad ee qaadhaan ururinta ee lagu dayactirayay wadada u dhaxaya magaaloooyinka Dila iyo Boorama.

Agaasimaha fulinta ee ururkaas ARNA Md. Siyaad Cumar Cali Iyo Madaxa Qaadhaanka ee Ururkaas Cabdirashiid Xirsi Cali ayaa sheegay in shalay oo ay bishan September ahayd 20 ay dardar cusub oo lagu bilaabaabayo ururrinta qaadhaankii uu ururku ku hawli gali lahaa la bilaabay, iyada oo ku talo galku yahay in laami laga laga dhigo wadada 28ka km ah ee isku xidha Dila iyo Boorama waxana ay intaasi raaciyeen in sanadkii hore ururku uu caro tuul dhigay wadaasi sidaas awgeed qaadhaan ururintan ay maanta bilaabeen ay ka bilaabatay gudaha xubnaha ka tirsan ururka taasi oo loogu talo galo in ay tusaalo ku soo hirasho mudan ugu noqdaan bulshada inteeda kale. Maamulku waxa kale oo ay intaasi raaciyeen in cid walba oo rabta in ay ka qayb qaadato qorshaha hagaajinta jidadka ay soo dhawynayaaan isla markaana raali ay kaga yihiin wax walba oo ay ku deeqaan kuna soo qorayaan qofwalba waxa uu bixiyo websiteka ururkaas.

Masuuliyiintan laba ah ayaa waxa kale oo ay tilmaameen in sanadkii hore dhaqaalaha ugu badan ay bixiyeen dadwaynaha ku nool dalka gudahiise balse imika ay gacan wayn ka sugayaan jaaliyadaha Soomaaliyeed ee dibadaha oo ay tilmaameen in ay lafdhabar u noqon karaan samaynta iyo hagaajinta wadadaas oo la soo gaadhay waqtigii ay laami isku badali lahayd. Waxana ay dadka dibadaha u xuseen in ay dhaqaalaha qaadhaanka ah ku soo shubi karaan Acount-ka Dahabshiil ee uu lambarkiisu yahay DO589 ama shirkada xawalada ee qaran Account-ka nambarkiisu yahay 53. ilaa hada waxa ay cadeeyeen in dhaqaalaha ugu badan ee soo ogaadhay ay bixisay xukuumada Somaliland taasi oo ay kaga qayb qaadanayo hagaajinta iyo bilicda wadadaas.

Gudoomiyaha ururkaas ARNA Cabdiqaadir Aadan Nuur ayaa isaguna mahadnaq u jeediyay dadka sida fiican uga qayb qaatay hagaajinta iyo fikirka noqoshada wadaadaas ee laamiga waxana uu xusay in uu ku rajo wayn yahay in riyadiisii u rumawdo. Waxa kale oo uu gudoomiyuhu tilmaamay amaana u soo jeediyay Agaasimaha Fulunta iyo Madaxa Qaadhaanka ee ARNA oo uu farta ku fiiqay in ay yihiin dhalinyaro aqooon iyo xirfadba u leh shaaqooyinka la qabanayo isla markaana mudadii ay hawsha ku gudo jireen dadaal dheeraad ah muujiyay. Waxana uu Gudoomiyuhu ku tilmaamay xubnahaas lafdhabarta xubnaha ururka ARNA.

Ridwaan Axmed Muxumed
Borama - Somaliland

Australia: Cop in murder probe 'threat'... Read More...

Faafin: SomaliTalk.com |  Sept 23, 2008

---

Safiirka Ethopia ayaa ka hadley sababaha uu u tago shirka Soomaalida uga socda Jabuuti... Wareysi Kooban ee SomaliTalk... Akhri... Sept 22