Warar dheeraad ah oo ku saabsan Dagaalo ka dhacay Muqdisho iyo Duqeyn loo
geystey Suuqa Bakaaraha
Muqdisho: Hooyo iyo 6 carruur ah oo ay dhashay oo madfac ku
habsadey.....
Waxaa saqdii dhexe ee xaley (Sept 22, 2008) qaybo ka mid ah Magaalada Muqdisho ka bilowdey
dagaalkii ugu cuslaa oo lagu qaado Ciidamada AMISON waxaana weerarakas ay ka
dhaceen Xeradii hore ee Xalane iyo Km 4 waxaana dagaalkaas la isku adeegsadeyy
qoryaha waaweyn iyo kuwa cuslus waxaana si aad looga maqlayey qaybo ka mid ah
Magaalada Muqdisho.
Dagaalkii ka dhacay xeradii hore ee Xalane waxaa la sheegay in ay ka qaybqaateen
ilaa iyo 20 gaari oo Tekniko ah oo ay lahaayeen dagaalyahaniinta ururka Al-
Shabaab waana markii ugu horeysey ee weerar lagu ekeeyo xeradaas oo fariisin u
ah ciidamada Uganda , intii uu socdey dagaalkas ayaa ciidamada Uganda waxay
magaalada ku rideen Madaafiic aad u xoogan taasi waxay keentey in dad rayid ah
ay ka soo gaarto waxyeelo kuwaas oo isugu jirey dhimasho iyo dhaawac, waxaana
masiibadii ugu xumeyd ay ka dhacdey guri ku yaala xaafada Siigaale ee Degmada
Hodan waxaana gurigaas ku geeriyoodey Hooyo iyo lix Caruur ah oo ay dhashey ,
sidoo kale hoobiye ku soo dhacay Xaafadda Kaasa Balbalaare ayaa iyana waxaa ku
geeriyoodey ilaa 4 qof oo isku qoys ahaa.
Afhayeenka ciidamada AMISON Col .Bahuko ayaa qirey in xaley lagu soo qaadey
dagaalkii ugu cuslaa ee lagu soo qaado balse wuxuu meesha ka saarey in aysan wax
khasaaro ka soo gaarin ciidamadooda sidoo kale wuxuu dafirey in ay Madaafiic la
dhaceen dad rayid ah.
dhanka kale Urur Al-Shabaab ayaa sheegtey in uu ka dambeyey weerarkaas isagoo
sheegay in ay khasaaro gaarsiiyeeyn ciidamad Uganda balse ma sheegain wax gaarey
dhinacooda.
Iyadoo weli ay dadka ka sheekeynayaan wixii dhacay xaley ayaa saakey waxaa
Garoonka soo fariisatey Diyaarad aan la shaacin cidda lahayd , waxaan markiiba
lala beegsadey hubka hoobiyaha ah waxaana lagu tuurey ilaa dhowr iyo labatan
hase yeeshee Ciidamda AMISON ayaa ku soo jawaabey Madaafiic oo ay la beegsadeen
Suuqa Bakaaraha oo maalamahan ku mashquulsanaa diyaargarowga Ciidul Fidriga
waxaana hoobiyayaashaas ay ku dhaceen bartanka suuqa gaar ahaan halka lagu
magacaabo Cabdalla Shideya waxaana hal goob ku geeriyoodey ilaa 12 qofod sidoo
kale hoobiyayaal ku dhacay hareeraha suuqa ayaa lagu waramey in dad fara badan
waxyeelo ka soo gaartey.
Dagaaladaan iyo duqeyntan ayaa ku soo beegantay xili uu fashil ku yimid shirkii
dib u heshiisiinta ee ugu socdey Jabuuti Isbahaysiga Dib u Xoreynta iyo Dowladda
Federaalka ka dib markii la isku afgaran waayey qaabka bixitaanka ciidamada
Itoobiya.
Dagaladaan ayaa lagu waramey in ay kiciyeen Barakac aad u baahsan waxaana haatan
dadka ay ka barakacayaan xaafada Taleex , Hareeraha wadada Maka Al- Mukarama ,
Buulo Xuubey iyo agagaarka Garoonka Diyaaradaha oo maalmahan Bartilmaameed u
noqotey Kooxaha ka soo horjeeda Ciidamada Shisheeye iyo kuwa Fedraalka kadib
markii ay amar ku bixiyen in aan wax Diyaarad ah ka soo deign Garoonkaas.
Dhinaca kale Dagaalada ayaa iyana waxay ka bilowdeen Magaalada Baydhabo oo
fariisin u ah baarlamaanka waxaana habeen hore Madaafiic lagu garaacay Guriga uu
deggan yahay Gudoomiyaha Baarlamaanka Shiikh Aadan Madoobe oo la sheegay in ay
ku dhaceen ilaa shan Hoobiye.
Isku soo wada duuboo waxaa dagaaladaan bulshada u dheer Sicir Barar iyo
nabadgelyo xumo waxaana laga yaabaa in ay ugu si daraan xaalada soomaaliya.
Nin Jarmal iyo Xaaskiisa oo Lagu Afduubay Boosaaso oo
xorriyadoodii helay
Waxaa xorriyadoodii helay nin
Jarmal ah (oo Muslim ah) oo lagu afduubay magaalada Boosaaso iyo
xaaskiisa oo ah Soomaali.
Afduubayaasha ayaa Abu-Bakar
Ibnu Cabaas oo u dhashay Jarmalka iyo xaaskiisa Aamina Ducaale
Faarax waxay shalay (Sept 21, 2008) ka qafaasheen Boosaaso, iyagoo
la aadey buuraha xeebta Mareero oo dhanka bari ka xiga magaalada
Boosaaso. Waxaana lagu guulaystey in ay xorriyadooda helaan iyagoo
bedqaba.
Waxaa wararku sheegeen in soo
deynta ay ka qayb qaateen odayaasha dhaqanka iyo waxgaradka iyo Booliska
Gobolka Bari.
W/D Amin Yuusuf Khasaaro
E-Mail amiinkhasaaro@hotmail.com
Daawo Sawirada: Dariiqyada Muqdisho oo
dhiig iyo Meydad buuxiyeen
Faafin: SomaliTalk.com | Sept 22, 2008
Safiirka
Ethopia ayaa ka hadley sababaha uu u tago shirka Soomaalida uga socda Jabuuti...
Wareysi Kooban ee SomaliTalk... Akhri...
Sept 22