Baaqa Musharax Nuuradiin A. Dirie uu u dirayo bulshada reer
puntland oo ku aadan dhawicii Gen. Gaani maxamud
www.nuradindirie.com
18/09/08
BAAQ MURASHAX NUURADIIN
Waxan si wayn uga xumahay weerarkii lagu qaaday taliyaha booliska
maamul goboleedka Puntland Jeneraal Gaani Max'ud iyo dhaawicii ka soo
gaaray, anigoo jecel inaan halkan uga tacsiyeeyo jeneraalka dhibaatada
soo gaartay Ilaahayna uga baryaya inuu caafiyo.
Weerarka lagu qaaday taliyaha booliska Puntland Jeneraal Gaani wuxuu
calaamad u yahay heerka ay marayso nabadda Puntland taas oo ah mid aan
looga baran intii uu jiray maamul goboleedka mar haddii inta xuma-doonka
ahi ay u hunguriyoodeen madaxdii ammaanka.
Tallaabada noocaan ahi maaha mid saamynteedku ay ku kooban tahay cid
gaar ah ee farriin iyo digniin loo jeediyay maamulka iyo dadwaynaha
maamul goboleedka oo dhan maadaama falkaas uu ahaa mid lagu beegsaday
nafsadda astaatna nabadgelyada iyo sugidda sharciga.
Maamulka gacanta ku haya talada Puntland waxaa la gudboon inuu dib u
eego heerka ay taagan yihiin qiimaha iyo haybaddii dawladnimo si loo soo
celiyo awoodda qaranka ee ku aaddan sugidda nabaddgelyada dadwaynaha.
Waxaan qabaa in wax badan laga qaban karo arrimaha nabadgelyada
Puntland haddii laga daacad noqdo oo hay'adaha nabadgelyadu ay helaan
xuquuqda ay maamulka ku leeyihiin ee isugu jirta xuquuqda dhaqaale,
caafimaad, qalab, iyo gaadiid.
Dadwaynaha ku dhaqan maamul goboleedka waxa la gudboon inay maamulka
iyo masuuliyiinta kala shaqeeyaan sugidda ammaanka gaar ahaana
odayaasha, culimada diinta, ganacsatada, haweenka, iyo dhallinyarada.
Ugu dambaystii waxan jecalahay inaan halkan bogaadin uga diro
dhammaan qaybaha kala duwan ee ciimada Puntland ee har iyo habeen
heeganka ugu jira nabadda dhulkooda iyo dadkooda, waxan kula
dardaarmayaa ciidamada Puntland inay u dulqaataan duruufaha adag ee ay
muddada ku soo jireen anigoo ku kalsoon inay maalin maalmaha ka mid ah
ay heli doonaan xaqooda oo dhammaystiran.
Nuuradiin Aadan Diiriye
Murashaxa Madaxweynaha Dowlad Goboleedka Puntland
Faafin: SomaliTalk.com | Sept 21, 2008 | 
Daabaco
Boggan | Print
Wakiilka
Qaramada Midoobey oo Maamulka Puntland ku eedeeyey Burcad badeedda
Puntland
oo Ganafka ku Dhufatay Heshiiska DFKMG La Gashay Shirkadaha Batroolka
DFKMG
oo Heshiis u Saxiixday Shirkadaha Batroolka ee Kuwait Energy iyo Medco
Energi...