Uruka Canadian Somali Congress waxay shir la qaateen Wasiirka
Gaashaandhigga Canada
Uruka Canadian Somali Congress waxay shir la qaateen Wasiirka
Gaashaandhigga Mudane Peter Mackay si ay u taageeraan goa’anka Dawladda
Canada oo u diraysa Maraakiib ilaaliya Maraakiibta macaawsimada qaadda.
Canadian Somali Congress iyo wariyayaal ka socoda saxaafadda Soomaalida
Canada ayaa dhowaan shir laqaatay Wasiirka Gaashaandhigga Peter
Mackay.Wasiirku wuxuu ka hadlay sida ay uga goantahay Dawladda Canada
sidii ay burcad badeedda uga daafici lahaayeen maraakiibta dalka u sidda
cunnada iyo salabka kale oo macaawimafda ah.
Wasiirku wuxuu ka hadlay baahida degdega ah oo loo qabo in Somaaliya
lala gaaro cunto iyo gargaar bini aadan nimo, wuxuuna tilmaamay in
Canada arrintaas iska xilsaartay iyada oo ka jawaabeysa codsi uga yimid
Xoghayaha Guud ee Qaramada Midoobey iyo Ururka NATO. Mudane Mackay wuxuu
sheegay in Canada tahay Dawladda saddexaad ee macaawimada ugu badan
siisa World Food Program iyada oo weliba dadka Canadianka ahi ay
xafiikliisa la soo xiriiriaan si ay u muujiyaan taageeradooda ku aaddan
dadaalka macaawimadaas ballaaran ee biniadamnimo. Wuxuu Wasiirku ka
hadlay in Canada aysan Taarikh u lahayn Gumeysi iyo Imperialism sidaas
darteed waxay mudantahay in la aamino sida ay daacad uga tahay
macaawimada ay u geysato dadyowga adduunka ee tabaalaysan. Wasiirku
wuxuu muujiyey sida uu uga xunyahay dhacdadii uu ku dhintay muwaadinkii
Soomaaliyeed Shidane Arone taasoo raad xun ku reebtay sumcadda Askarta
Canada. Wuxuu sheegay in siyabaha ay labada shacbi uga gudbi karaan
dhacdadaas ay ka mid tahay in Canada ay ka caawinto dadaalka Somalia ugu
jirto dibudhiskeeda iyo dibheshiisiinteeda.
Wasiirka kaddib,Canadian Somali Congress(CSC) waxay hadalka ku soo
dhoweysey Mark Persuad, la taliyaha ururka CSC. Mr. Persaud wuxuu
Wasiirka uga mahadceliyey arrinta uu ku dhawaaqay iyo shirka uu la
yeeshay Jaaliyadda Somaalida ee Canada iyo saxaafaddooda. Guddoomiyaha
CSC, Ahmed Hussen wuxuu uga mahadceliyey Wasiirka tilaabada muhimka ah
ee Somaalia wax loogu qabanayo. Hussen, issaga oo ku hadlaya magaca ka
qaybgalayaasha shirka, wuxuu Wasiirka warsaday in Canada sii ballaariso
waxqabadkeeda ku aaddan ilaalinta maraakiibta macaawimada. Mr. Hussen
wuxuu wasiirka ku wargeliyey, Canadian Somali Community inay ku tageeri
karto Canada khibrad wax ku ool ah oo tala ka siisa Canadianka sida ugu
habboon oo ay wax ugu qabankaraan shacabka soomaalida. Khibraddas waxay
wax ka taraysaa sidii Dawladda Canada u horumarinlahayd sumcadda ay ku
leedahay dalkaas. Si hadafkaas loo gaaro, Mr. Hussen wuxuu Wasiirka
weydiiste inuu shir kale la yeesho CSC si xubnaha jaaliyaddu u soo
bandhigaan siyaabaha ugu fiican ee Canada wax uga qaban karto somaaliya.
Arrimaha ay Canada wax ka qabankarto waxaa ka mid ah inay xoojiso
heshiiska nabadeed oo ka dhexsocda TFG iyo xubnaha mucaaradka ah.
Wasiirku waa balanqaaday inuu shir kale dhaqso la yeelandoono CSC iyo
Odayaasha iyo shaqsiyaadka u dooda danaha Soomaalida.
Xubnaha Canadian Congress Mohamed Abukar, Burhan Warsame Abdi iyo Omar
Mohamed waxay wasiirka uga mahadnaqeen shirka uu la yeeshay jaaliyadda
iyo tallaabadaas muhimka ah oo ay ku cawimayaan Somalia.
-30-
For further information contact:
Ebyan Farah
Director of Communications
Canadian Somali Congress
Tel: 613-523-2656
Email: ebyanf@gmail.com
Website: www.canadiansomalicongress.com