Musharaxa Madaxweyne K/xigeenka u taagan ee Xisbiga Kulmiye Eng. Saylaci
oo lagu soo dhaweeyay Borama. +SAWIRO +DHAGEYSO
Sawirada Halkan ka dawo...
Halkan ka
dhegeyso... ama (mp3)
Kumanaan dadweyne ah oo iskugu jira qeybaha kala duwan ee bulshada reer Awdal
ayaa maaanta soo dhaweyn tii ugu weyneed inta la ogyahay u sameeyay Musharada
xisbiga Kulmiye u taagan Madaxweyne K/xigeenka Jamhuuriyada Somaliland Eng.
C/raxmaan C/laahi Ismaaciil “Saylaci”.
Wafdiga uu hogaaminayay Eng Saylaci ayaa dadweyne taageersan xisbiga Kulmiye oo
aad u tira badan gaadiidka qeybahiisa kala duwana wata ugu hortageen deegaanka
Garaya-Cawl iyadoo caleemo qoyan u ruxayay iyo calanka xisbiga Kulmiye isla
markaana tusayay sida aay aad ugu faraxsan yihiin hanashada uu hantay inuu
xisbiga Kulmiye ugu qeyb galo doorashada Somaliland isagoo u taagan xilka
Madaxweyne K/xigeenka dalka.
Kadib wafdiga ayaa loo soo galbiyay magaalada Boorama ee xarunta gobalka Awdal
iyadoo dadweynaha iyo madaxda Kulmiye iskugu tageen fagaaraha weyn ee hoteelka
Maana Guest House halkaasoo khudbado ka jeediyeen madaxda xisbiga Kulmiye.
Xaflada waxaa ka hadlay Mudane Cabdi Saciid Kaahiye oo kamid ah mudanayaasha
golaha dhexe xisbiga Kulmiye ugu jira gobalka Awdal waxuuna sheegay inay aad ugu
faraxsan yihiin qaabka ay dadweynaha reer Awdal maanta usoo dhaweeyeen musharaxa
Madaxweyne K/xigeenka Eng Saylaci iyo wafdiga la socotay.
Waxuu u mahad-naqay Musharaxii xilka Madaxweyne K/xigeenka u taagnaa ee u
tanaasulay Saylaci Mudane Ismaaciil Muumin Aare oo uu sheegay isagoo eegaya
danta dalka iyo walaaltinimada uu tanaasul u sameeyay xilkii muddo uu u
tartamayay.
Waxuu u mahadceliyay dadweynaha waxuuna sheegay inay fooda nagu soo heysto
is-diiwaan galinta isla markaana loo baahan yahay inay dadka u codeeyana xisbiga
Kulmiye oo uu sheegay in wax weyn uu ka badali doono hanaanka dalka isla
markaana fur-furnaan iyo horumar dalka guud ahaantiisa kusoo kordhin doono.
Sidoo kale, waxaa hadlay Prof. Ismaaciil Muumin Aare waxuu sheegay inay niyad
wanaagsan reer Awdal kusoo dhaweeyeen, waxuuna sheegay inay guul ka keeneen
magaalada Burco doorashooyinkii ka dhacday.
“C/raxmaan Saylaci waxuu calaamad u yahay midnimada gobalka, anaga waan idinka
soo sinay waad naga guddoonteen howsha idinkaa leh” ayuu yiri Ismaaciil Muumin
Aare.
Waxaa kaloo hadlay Guddoomiyaha xisbiga UCID ee gobalka Awdal Mudane Shiine
“Garweyne” waxuuna aad usoo dhaweeyay wafdiga Kulmiye ka socda ee gobalka soo
gaaray uuna hogaaminayay Musharaxa Madaxweyne K/xigeenka Eng C/raxmaan Saylaci.
“Waxaan idin kula qeyb saneenaa, musharaxiina, waxuu usoo hoyay laba faa’iido,
tan koowaad waa Madaxweyne K/xigeenka Somaliland oo bari u socotay isagaa so
hoyay inay Awdal ku guuleysato” ayuu yiri Mudane Shiine.
Ugu dambeyntii, waxaa xaflada ka hadlay mushraha Madaxweyne K/xigeenka
Jamhuuriyada Somaliland Eng. C/raxmaan C/laahi Ismaaciil “Saylaci” waxuuna ugu
horeyn u mahadceliya dadka soo dhaweyntiisa ka qeyb galay.
Musharaxa waxa uu sheegay in doorashadii Kulmiye ee Burca ka dhacday reer Awdal
ay meel wada mareen, waxuuna sheegay in guud ahaan reer Awdal isku raaceen inuu
isaga noqdo Musharaxa Madaxweyne K/xigeenka.
“Waxa aad maqasheen ee is qabqabsiga dhamaan waan soo afjareynaa dhawaan anagoo
gacmaha is heysanaa imaan doonaa” ayuu yiri C/raxmaan Saylaci.
Musharaxa waxuu sheegay inuusan cid gooni ah soo dhaweysan doonin oo dhamaan
dadka u siman yihiin, waxuuna sheegay in dadka u kala xulan dooni sida ay u kala
shaqa iyo daacanimo badan yihiin.
Abdifitahaam Ahmed / Daahir Axmed Jirde
Borama – Somaliland
Faafin: SomaliTalk.com | Sept 5, 2008
|
Daabaco
Boggan | Print
Puntland
oo Ganafka ku Dhufatay Heshiiska DFKMG La Gashay Shirkadaha Batroolka
DFKMG
oo Heshiis u Saxiixday Shirkadaha Batroolka ee Kuwait Energy iyo Medco
Energi...
Sheikh
Shariif “ciidamada bixitaankooda wuxuu bilaabanayaa markii la sixiixey
heshiiska, laakiin…” Shir jaraa’id