Curashadda bisha Ramadan iyo khilaafka Dalalka Islaam-ka.!!
Sanad walba biloowga Bisha Ramadan waxaan la wada soconaa in ay
dalalka Muslimiinta ah ay isku khilaafaan maalinta ay tahay
kowda bisha Ramadan. Arrintana dalkeena Somalia waxa ay ku
yeelataa saameyn aad u balaaran inkastoo Somalia inta badan ay
ku xitantahay dalka Saudi Arabia oo ah xarunta dadka Muslimiinta
ah xaramkii Makkana uu ku yaal. Inkastoo la soo sheegayo in inta
badan Gobaladda dalka Somalia si wadajir ah looga soomay.
Inta badan dalalka Islaamka iyo Muslimiita dalalka aan Islaamka
aheyn kunoolba waxa ay bishan Barakeysan ee Ramadan ay biloow u
tahay September 1, 2008. inkastoo dowladaha ka ah Libya iyo
Nigeria ay bisha Ramadan u bilaabatay August 31, 2008 kuna
beegan maalinimadii Axada aheyd.
War Murtiyeyd ay soo saartay Wasaaradda arrimaha Islaam-ka ee
dowladda Morocco ayaa lagu sheegay in maalinta biloowga Bisha
Ramadan ay tahay September 2, 2008 kuna beegan Maalinnimada
Talaado ah. Iyadoo sababta ku sheegtay in aan la hubin bishan
Ramadan curashadeeda. Sidoo kalle arrintaas waxaa ku raacsan
dowlada Maqrib Wargeeysyadda ka soo baxa dalkaaasi Iran oo ku
sheegay in bisha Ramadan ay biloowgeeda ay tahay maalimada
Talaadada ah September 2, 2008. dhinaca kalle Marjaca shiicadda
dalkaasi Iraq ugu sareeya Aaytulaahi Ali Sistaani ku sheegay in
biloowga bishan Ramadan ay tahay maalinta Talaadada ah September
2, 2008 balse Culumadda ugu sareeysa ee SUNIYIINTA dalkaasi Iraq
ayaa sheegay in maalinta ugu horeeysa ee bishan Ramadan ay tahay
September 1, 2008 oo ah maalinimo isniin ah inta badan dadka
Muslimiinta ahna ay soomanyihiin.
Mohamed Muusawi oo ah Gudoomiyaha Golaha Muslimiinta ee dalkasi
France ayaa sheegay in Muslimiinta ku nool dalka France in ay
bisha Ramadan ay bilaaban doonto September 2, 2008. kuna beegan
maalin Isniin ah.
Sicirka Cunadda oo kor u kacay.!
Marka laga tago Khiilaafaadka ku aadan curashadda bisha Ramadan
waxaa qaar ka mid ah Dowladaha Muslimiinta dhibaato ka soo
waajaheeysa cunada oo qaali noqotay xilliyadii ugu danbeeyay
iyadoo dhibaatadda ugu badan ay taabaneeyso dadka Faqiirka ah ee
xitaa nolal maammeedka uu ku adkaan jiray balse Bisha Ramadan
Fadliga ah leedahay wax badan oo dhibaato ah dadka Muslimiinta
ah Alle ayaa u sahli doona.
Iyadoo ay dadka ku kalla duwanyihiin Cunooyinka la quuto ayaa
haddana dalalka Muslimiinta ah qaarkood waxa ay horay u sheegeyn
in aan wax lacago ah lagu dari Karin waxyaabaha daruuriga ah
sida dowladaha Pakistan iyo Algeria ay sameysay oo kalle.
Dhinaca kalle dalka Indonesia oo ah dalka ugu badan ee dadka
Muslimiita ah ee caalamka ay daganyihiin ayaa waxaa laga soo
sheegayaa dhibaato sicirka Cunadda oo sara kac xoogan uu ku
yimid tusaali ahaan Saliida, Burka iyo ukunta ayaa la sheegayaa
in 25% uu saro kac ku yimid maalmihii ugu danbeeyay.
Balse guud ahaan xaalku sidaa wuu ka duwanyahay Somalia, ma
jirto dowlad awood u leh in ay ka hortagto dhibaatadda ay
ganacsatada bulshonyinka ku hayaan arrintaasoo Somalia ay u sii
dheertahay Cadow dalkii ku soo duulay iyo badihii oo ay burcad
taaganyihiin iska dhaaf beer la beerto. Inta badan dad hada ku
sugan gudaha Somalia waxa ay ku noolyihiin shilimaadka looga soo
diro dibadaha inkasto dad badna oo gudaha dalka Somalia jooga
xitaa aysan dibada wax ka hali Karin. Runtii Somalia wixii laga
sheegaaba ay tahay dhibaato aan dhamaan.
Balse guud ahaan dadka somaliweyd ee wanaaga jecel waxaan u soo
jeedinaya in dalka iyo dadkaba in loo soo duceeyo si dhibaatadda
jirta looga baxo. Allow dalkeena inoo hagaaji.
Wabilaahi towfiiq.
Ibraahim Da'ud Abdalle "Gentleman"
sayfudiin@gmail.com
sayfudiin@journalist.com
Nairobi-Kenya