Hambalyo bisha ramadaan - Musharax Nuuradiin Aadan Diiriye
War saxaafadeedkii
Halkaan ka daawo cajalada fiidiyowga ha
http://www.youtube.com/watch?v=LZxPdMcJkpQ
Bismillaahi Alraxmaani Alraxiim
Asalaamu Caleykum Waraxmatullahi Wabarakaatuh
Waxaan jeclahay inaan hambalyo ku aadan dhalshada bisha barakeysan ee Ramadaan
halkaan uga diro guud ahaan dadka muslimiinta ah iyo dadka Soomaaliyeed gaar
ahaanna walaalaha reer Puntland. Hambalyo dabadeed, waxaan Ilaahey ka baryayaa
in aynu noqonno kuwii waajibaadka Alle saarey siduu yahay u guta.
Waxaa la inooka baahan yahay in aynu isu naxariisanno oo keena baahan quudinno,
oo kan socdaalka ahna martigelinno.
Sidoo kale waxaa inala gudboon in aynu bisha barakeysan ka faa’iideysanno oo
Allaha awooda leh weydiisanno dembidhaaf iyo inuu inaka saaro oo inaka dulqaado
dhibaatooyinka faraha badan ee ina haysta sida: colaada, abaarta, caddaalad
la’aanta, maamul xumada iyo sicir bararkaba.
Waana inaan ku dadaaalo iskana xilsaarno ammaanka, xasiloonida iyo midnimada
bahweynta reer Puntland taas oo gogoldhig u ah midnimada iyo iskuduubnida dadka
iyo dalka Soomaaliyeed.
Waad mahadsan tihiin. Ramadaan Kariim
Nuuradiin Aadan Diiriye
Murashaxa Madaxweynaha Dowlad Goboleedka Puntland
Faafin: SomaliTalk.com | Sept 1, 2008
|