Maamulka Puntland iyo Cadhudhinta Wariyaasha...
Bosaaso:-Maamulka Puntland ayaa caadaystay Xanibaada iyo Cabudhinta Saxaafada
Xorta ah, Laba wariye oo ka tirsan Warbaahinta Xort ah ayaa waxa loo soo diray
Fariimo Hanjabaad ah kuwaasi oo loogu digay inay Joojiyaan warraka ay ka
qorayaan Gudaha Puntland, iyaga oo waliba Amar Buuxa lagu siiyay inay ku Hadlaan
Afka Dawlada Puntland hadii kale lala teegsandoono Xadhig dheer.
Labadan wariye oo aanu Hoos Magacyadooda ku soo Gudbindoono ayaa loo soo diray
Hanjabaadyo dhawor ah waxa la faray in ay Joojiyaan shaqadooda, Maamulka
Puntland ayaa inta badan Afka Gacanta ka saara Saxaafada Xorta ah iyaga oo had
jeer iyo Jecel in la qariyo Runta Jirta, Xukuumasa Puntland, ayaa waxay kaloo
wariyaasha Xorta ah u sheegeen in ay Isu soo dhiibaan Maamulka Puntland.
Qoraalkan oo ay soo saartay Wasaarada Amniga ee Puntland ayaa si Cad loogu
sheegay inay Puntland doonayso in la Qariyo Xaqiiqda isla markaan wariyihii Run
sheega la xidhayo, Wasaarada Amniga Puntland ayaa Warkeedaasi ay soo saartay
Maanta Nov. 06,2008- ku qeexday inay Jiraan wariyaal badan oo warar siiya
Idaacaha Koonfurta, Loona digayo wariyihii warsiiya, Idaacad ku taala Koonfurta
Somaliya la xidhayo.
Wariye Maxamed Axmed Ciise
Gudoomiyaha Ururka Saxafiyiinta Somaliyeed ee NUSOJ C/Saaq Sheekh Aduun oo
haatan hawlo shaqo u Jooga Magaalada Bosaaso ayaa Falkaasi Canbaareeyay isaga oo
sheegay Gudoomiyuhu inay Saxaafadu tahay Xor isla markaan aanay jiri karin qof
is Hortaagi kara.
Sheekh Aduun ayaa dhaliilay Falalka lagula kaco wariyaasha, isaga oo ka digay
inay Maamulada Qaarkood si sharci daro ah ku xidhaan Wariyaasha.
Wariye Jaamac Feyte
Hoos ka eeg Qoraalka ka soo Baxay Wasaarada Amniga ee Loogu digayo Wariyaal
Madax-Banaan.
Jaamac ayaan feyte
Mohamed Axmed Isse
Waxaa halkaan digniin kama dambays ah idiin soo diraya Xoghayaha guud ee
Wasaarada Amaanka puntland.
kadib markii aanu aragnay waxyaabo badan oo aad ku soo daabacdeen pageska aad
wax ku qortaan oo aan waxba ka jirin oo aad ku khalkhalinaysaan amaanka puntland
oo aanan garanayn waxaad uga danleedihiin.
Kadib Markii aanu aragnay inaan khalad ka fahanteen xoriyada Saxaafada.
Kadib Markii aanu aragnay in cidkale kale oo Puntland kasoo horjeedaa idin ku
shaqaysanayso
Kadi Markii aanu aragnay inaad warar udirtaan wesites kale oo puntland laga
lahayn kuna farxa khalaankhalka puntland. sida dayniile.
Kadi markii aanu in badan idiin fiirsanay nacayka aad u qabtaan nabadgelyada
Puntland.
kadib Markii aad umalayseen inaad laydin aqoon oo aad waxaad doonto samyn
kartaan wasaaradana laydinka yaqaano.
Kadib markii la waayey ila xaqiq ah oo aad wararka ka keentaan & dhacdooyin
xaqiiq ah.
Kadib Markii wasaaradu idinku daba joogtay Danbiya hore oo kabaxsan beenta aad
qortaan.
Waxay wasaaradu idiin soo dirtay qoraalkan hoos ku cad:
Waxaad ogaataan Marka hore in Maamul jiro oo xaq uleeyahay inuu wixii amaan
xumada ka shaqaynaya qato,waxaana laydiin sheegayaa laadiina wiil hadii aydaan
kabixin waxyaaba aad ku qortaan pageska in laydin qaban doono,oo maxkamad laydin
la tiigsan doono.Gaar ahaan wiilka wax ku qora Lasqoray.net iyadoo kan kalena uu
ka copiyeyo wuxuu qoru oo aad ku heshiiseen inaad amaanka khalkhal gelisaan.
Dacwadiinana waxaa wasaarada lasoo hordhigay ilaa sadex jeer Marakana waa markii
ugu Damaysay.
waxaad is moodeen inaan laydin,waxaa xaqiiq ah oo laydiin sheegayaa in dad
laydinku badiyo,oo qaashadiinu ay ka fududtahay 10 minuties.
Waxay dowlada idin soo jeedinaysaa inaad joojisaan waxaad wadaan oo aad weliba
raali gelin aad pagagkiina ku soo daabacdaan qortan,mudo 4maalmood gudhood
ah.hadii kale aad mutaysan doontaan ciqaabta aad xaq uleedihiin.
Faarax cabdi cali
Ayaa ku Saxeexan.
Xoghayaha labaad ee wasaaraada amniga Puntland
Feyte37@hotmail.com
Ku soo dir Cabirkaaga ku aadan Cabudhinta Saxaafada
Faafin: SomaliTalk.com | Nov 9, 2008
Daabaco
Boggan | Print
"Markabka sida
Taangiyada iyo hubka waxaan ka rabnaa Madax-furasho gaareysa $35 Milyan oo
Doolar" 
Puntland
oo Ganafka ku Dhufatay Heshiiska DFKMG La Gashay Shirkadaha Batroolka