Barnaamijkii Radio Xoriyo ka baxay 08 November 2008 waxaa ka kooban yahay:
Dagaallo lagu waxyeelleeyay ciidammada gumaysiga
Waxyeellooyin ay ciidammada gumaysigu u gaysteen dadwaynaha
Iyo qaybtii labaad ee Gabayadii Gobanmodoonka iyo Axmed Faarax Cali “Idaajaa”.
======================
Dagaallo lagu waxyeelleeyay ciidammada gumaysiga
Dagaallo dhawr ah oo maalimihii u denbeeyay dhex-maray CWXO iyo kuwa gumaysiga
Itoobiya waxaa ciidammada gumaysiga lagaga dilay 38 askari, waxaa sidoo kale
lagaga dhaawacay 29 askari, sidaasna waxaa noo soo sheegay wariyaha nooga soo
warrama dhnaca dagaallada ee dalka Ogaadeenya. Dagaalladaasi waxay u dheceen
sidatan;
Dagaallo dhawr ah oo maalimihii u denbeeyay dhex-maray CWXO iyo kuwa gumaysiga
Itoobiya waxaa ciidammada gumaysiga lagaga dilay 38 askari, waxaa sidoo kale
lagaga dhaawacay 29 askari, dagaalladaasi waxay u dheceen sidatan;
05/11/08 dagaal ka dhacay Yaxoob, oo Fiiq ka tirsan, waxaa ciidammada gumaysiga
lagaga dilay 2 askari, tiro kalana waa lagaga dhaawacay.
03/11/08 Caga-jiid, oo Fiiq ka tirsan, waxaa weerar gaadmo ah loogu gaystay
ciidammo gumaysigu leeyahay oo halkaas hawlgal u tagay, waxaan weerarkaas lagaga
dilay 8 askari, 9 kalana waa lagaga dhaawacay.
Isla 03/11/08 meesha lagu magacaabo Tama-yuluqley, oo Garbo ka tirsan, dagaal
adag oo ka dhacay waxaa ciidammada gumaysiga lagaga dilay 12 askari, 18 kalana
waa lagaga dhaawacay.
02/11/08 Malabley, oo Dhanaan ka tirsan, dagaal ka dhacay waxaa ciidammada
gumaysiga lagaga dilay 3 askari, 2 kalana waa lagaga dhaawacay.
Isla 02/11/08 dagaal isaguna ka dhacay Nasiye, oo Jeexdin ka tirsan, waxaa
ciidammada gumaysiga lagaga dilay 2 askari.
29/10/08 Hora-khaliifo, oo Qabridaharro ka tirsan, dagaal ka dhacay waxaa
ciidammada gumaysiga lagaga dilay 7 askari.
Isla 29/10/08 dagaal isaguna ka dhacay Karin-safle, oo Baabili ka tirsan, waxaa
ciidammada gumaysiga lagaga dilay 1 askari.
22/10/08 dagaal ka dhacay Qudhac-maydal, oo Fiiq ka tirsan, waxaa ciidamada
gumaysiga lagaga dilay 3 askari, 2 kalana waa lagaga dhaawacay.
Waxyeellooyin ay ciidammada gumaysigu u gaysteen dadwaynaha
Ciidammada gumaysiga ayaa meelo kala duwan oo Ogadeenya waxyeellooyin kala duwan
ugu gaystay dadwayne rayad ah, axayna wxyeellooyinkaasi isugu jiraan dil,
dhaawac iyo kufsi, sidaasna waxaa noo soo sheegay wariyaha nooga soo warrama
dhinaca arrimaha bulshada ee dalka Ogaadeenya.
03/11/08 Caga-jiid, oo Fiiq ka tirsan, waxay ciidammada gumaysigu ku dileen labo
nin oo shacab ah, oo lagu kala magacaabi jiray;
1- Mahad Shafeec iyo
2- Cabdi Dahir
03/11/08 waxay ciidammada gumaysigu Tama-yuluqley, oo Fiiq ka tirsan ku dileen
Cumar Maxamuud Cabdi-yare. Waxay iyagana dhaawac u gaysteen Busuri Cabdi Garaad
iyo Suufi Maxamuud Cabdi Shiil.
16/10/08 meesha lagu agacaabo Muumin Subako, oo Fiiq ka tirsan, waxay ciidammada
gumaysigu ku dileen nin shacab ah oo lagu magacaabi jiray Cabdi Macalin C/nuur.
04/11/08 Huuraale, oo Dhagaxbuur ka tirsan, waxay ciidammada gumaysigu ku
kufsadeen labo gabdhood oo aanaan magacyadooda wali helin. Gabdhahan ayay
ciidammada gumaysigu la yageen, ila iyo haddana aan wax war ah laga haynin meel
ay geeyeen.
03/11/08 Dhagaxmadow waxay ciidammada gumaysigu ku kufsadeen gabadh lagu
magacaabo Nasri Muxumed Kaahin.
08 November 2008
Axmed Gaal-Eri
Radioxorio@radioxoriyo.com
Raadioxoriyo@yahoo.com
Radio Xoriyo waxaad ka dhegaysan kartaa Mawjadda 41 MB ee dhererkeedu yahay 7560
KHZ,iyo internetka Radioxoriyo.com,Ogaden.com Maalmahaa Talaadada & Sabtida
5:00PM – 5:30 waqtiga Afrikada Bari
Faafin: SomaliTalk.com | Nov 9, 2008 |
Daabaco
Boggan | Print
"Markabka sida
Taangiyada iyo hubka waxaan ka rabnaa Madax-furasho gaareysa $35 Milyan oo
Doolar" 
Puntland
oo Ganafka ku Dhufatay Heshiiska DFKMG La Gashay Shirkadaha Batroolka