Xaalada Nadaafad Ee Baardheere Oo Laga DayrinayoUrurka UGEYA Ee Dhalinyarada Deg.Baardheere Oo Ka Digay Xaalad
Nadaafad Daro Oo Ka Dhalan Karta Dhulkii Ay Daadadku Ku Soo
Fatahmeen.
Tan mudadii ay daadadka xooga leh ku soo fatahmeen xaafado katirsan
deg.Baardheere ayaa waxaa soconayay dadaalo la doonayay in lagu
samata bixiyo dadka ay waxyeelada soo gaartay.
Ururka dhalinyarada UGEYA ee ka howlgala konfurta gobolka
Gedo oo soo gaabiyo United Gedo Educational Youth Association
ayaa kamid ah kooxo si weyn isugu howlay sidii dadkaasi looga
samatabixin lahaa dhibaatada haysata.waxaa kooxo dhalinyaro ah
ay u direen goobahaasi si wax looga qabto dadka ku dhibaataysan
daadadkaasi soo rogmaday.
Baaq ay manta ka soo saareen xafiiskooda ayay kaga
warbixiyeen baaxada dhibaatada ay daadadka ka gaysteen xaafadaha
koonfurta magaalada.Axmed Sheekh Maxamed oo loo yaqaano (Adoon
Illahay) waa gudoomiyaha Ururkaasi waxaana isagoo la hadlayay
warbaahinta uu xaalada dadkaasi ku sifeeyay kuwo aan caadi
ahayn.isagoo sheegay in ay daadadku khasaare u gaysteen qoysas
danyar ah oo aan awalba haysan quutul duruuri kuwaasoo ay
guryahoodii ka dumeen.Axmed ayaa walaac ka muujiyay in sidoo
kale ay xaalad nadaafad daro ay ka imaan karto musqulaha dumay
oo uu sheegay in ay aad u farabadan yihiin.
Guddoomiyaha ayaa shaaca ka qaaday in weli ay dhibaatadaasi
taagantahay inkastoo daadadkii soo fatahmay ay laabteen.waxaana
uu xusay in ay jiraan dad farabadan oo aan awood u lahayn in ay
musqulo qotaan taasina ay sababi karto in ay dilaacaan cuduro
halis ah.waxaana uu ugu dambayn ka codsaday hay’addaha samafalk
iyo umadda soomaaliyeed in ay kaalmo la soo gaaraan walaalaha
dhibaataysan.
Axmed Sheekh Maxamed ayaa sheegay in Ururkoodu uu u
diyaariyay qorshayaal ay doonayaan in lagu caawiyo
dadkaasi.waxaana uu ku booriyay jaaliyadaha ka soo jeeda Gobolka
in ay lacag 10 dollar ah oo uu bixi qof kasta ay badbaadin karto
walaal dhiban.isagoo ka codsaday in aysan ka hagran xittaa
lacagta ugu yar oo aysan yaraysan maadaama ay sadaqo u tahay
aaqiro iyo adduunyaba.waxaana uu carabka ku dhuftay in ay dadaal
ugu jiraan sidii ay uga diyaargaroobi lahaayeen bilaha kuleylaha
ah oo intabadan cudurka daacuunku ka dilaaco degaankan islamar
ahaantaasina ay qorshaynayaan in ay kulamo la qaataan qeybaha
kala duwan ee bulshada iyo ha’addaha samafalka.
Horay ayaa waxaa Ururka UGEYA uu wax uga soo qabtay arrimo la
xirriiro nadaafadda kuwaasoo qashin badan looga uruuriyay gudaha
iyo daafaha magaalada tan iyo 2007da ilaa iyo waqtigan.Daadad ku
soo rogmaday xaafado ku yaalla deg.Baardheere ayaa sababay in
boqolaah qoys ay ka cararaan guryahoodii kuwaasoo door biday
dhul sare oo aysan ku haysan agabyadii loo baahnaa sida hu, hoy
iyo biyo nadiif ah.
Maxamed Gaarane Aadan
Gaarane68@hotmail.com
Baardheere
Faafin: SomaliTalk.com | Nov 6, 2008 | 
Daabaco
Boggan | Print
"Markabka sida
Taangiyada iyo hubka waxaan ka rabnaa Madax-furasho gaareysa $35 Milyan oo
Doolar" 
Puntland
oo Ganafka ku Dhufatay Heshiiska DFKMG La Gashay Shirkadaha Batroolka